A Grace-ful Li-ar (2025)

ချာဂျောင်ဝန်း ဟာ ဂွန်ဟျန်း လုပ်ငန်းစုရဲ့ အမွေဆက်ခံသူနဲ့ လက်ထပ်ဖို့အတွက် သူငယ်ချင်းဖြစ်သူရဲ့ နာမည်ကို ယူသုံးပြီး ချမ်းသာတဲ့ မိသားစုထဲကို လိမ်ညာပြီး ဝင်ရောက်ခဲ့ပါတယ်။ ဒါပေမဲ့ သူ့ရှေ့မှာ ယောက္ခမလောင်းအဖြစ် ပေါ်လာတဲ့ ဟန်ဟယ်ရာ ဆိုတဲ့ အမျိုးသမီးကတော့ တခြားသူမဟုတ်ဘဲ ဆင်းရဲတွင်းကနေ လွတ်မြောက်ပြီး သြဇာအာဏာ ရရှိဖို့အတွက် ငယ်စဥ်ဘဝက သူ့ကို ရက်ရက်စက်စက် စွန့်ပစ်ခဲ့တဲ့ အမေရင်းဖြစ်နေပါတော့တယ်။ အဲဒီအဖြစ်မှန်ကို သိလိုက်ရပြီးနောက်မှာတော့ ဂျောင်ဝန်း တစ်ယောက် မိခင်ဖြစ်သူကို လက်စားချေဖို့ ကြုံးဝါးလိုက်ပါတော့တယ်။ ဒီလိုနဲ့ပဲ လိမ်ညာမှုတွေနဲ့ သစ္စာဖောက်မှုတွေကြားမှာ အမေအရင်းနဲ့ သမီးဖြစ်သူတို့ကြား ပြင်းထန်တဲ့ တိုက်ပွဲကြီး စတင်ကြပါတော့တယ်။ သွေးသားက ဖော်ထုတ်မဲ့ အမှန်တရားဟာ လိမ်ညာမှုတွေကို နင်းခြေပြီး အောင်ပွဲခံနိုင်မလား။ ဒါမှမဟုတ် နောက်ထပ် လိမ်ညာမှုတစ်ခုရဲ့ ဝါးမျိုခြင်းကိုပဲ ခံသွားရမလားဆိုတာကိုတော့ အပတ်စဥ် တနင်္လာနေ့မှ သောကြာနေ့အထိ တစ်ပတ်ကို ငါးပိုင်း တင်ဆက်ပေးသွားမှာဖြစ်လို့ စောင့်မျှော် ကြည့်ရှုခံစားပေးကြပါဦးနော်။

t.me/hanatrailers/5694

ရှင်း၏ ပရောဂျက် (၂၀၂၅)

မစ္စတာရှင်း ဆိုတဲ့လူကတော့ သာမန်ကြက်ကြော်ဆိုင်ပိုင်ရှင်တစ်ယောက်လို့ ထင်ရပေမဲ့လည်း ကျွမ်းကျင်ညှိနှိုင်းရေးသမားဟောင်း တစ်ယောက်ဖြစ်ပါတယ် ...

ဖီးလစ် ကတော့ အရာရာကို စာအုပ်ကြီးအတိုင်းပဲ တွေးတောပြီး စည်းမျဉ်းစည်းကမ်း‌တွေကို တစ်သဝေမတိမ်း လိုက်နာတတ်တဲ့ တရားသူကြီးပေါက်စလေးဖြစ်ပြီး တစ်နေ့မှာတော့ ရုတ်တရက်ကြီး တရားခွင်မှာ မဟုတ်ဘဲ ကြက်ကြော်ဆိုင်လေးမှာအလုပ်လုပ်ဖို့ တာဝန်ပေးခံလိုက်ရပါတော့တယ် ...

Si On ကတော့ MZ ပီပီ ရဲရင့်တက်ကြွတဲ့ကောင်မလေးဖြစ်ပြီး ကြက်ကြော်ဆိုင်မှာ delivery ပို့တဲ့အလုပ်ကို လုပ်ရင်း မစ္စတာရှင်း ရဲ့ သတင်းပေးအဖြစ်လည်း လျှို့ဝှက်စွာနဲ့ လုပ်ဆောင်နေသူတစ်ဦးပါ ...

ဒီလိုနဲ့ သူတို့ 3 ယောက် အတူပူးပေါင်းကာ အမှန်တရားနောက်ကိုလိုက်ပြီး တရားမျှတမှုအတွက် လမ်းကြောင်းအသစ်ကို ရှာဖွေရှင်းနဲ့ ဘယ်လိုအလွဲလေးတွေ ပေါ်လာမလဲဆိုတာကို ဒီဟာသဇာတ်ကားလေးထဲမှာ ရယ်မောရင်း ကြည့်ရှုလိုက်ကြရအောင်နော်။

t.me/hanatrailers/5697

ခြေရာကောက်သူ (၂၀၂၄)

အိုလီဗာကွင်း ဂရင်းအဲရိုး အဖြစ် သရုပ်ဆောင်ခဲ့တဲ့ ဂျက်စတင်ဟာ့တလေ အဓိက သရုပ်ဆောင်ထားတဲ့ စီးရီးအသစ်ပါ။ ဒီစီးရီးက ဘာနဲ့တူလဲဆို ခုမြင်ရများတဲ့ စီးရီးတွေထက် ဟိုးတုန်းက စီးရီးတွေပုံစံမျိုးပိုသွားတယ်။ ဇာတ်ကတော့ သူ့နာမည်အတိုင်းပဲ လူပျောက်တာတွေ ပစ္စည်းပျောက်တာတွေကို ခြေရာခံလိုက်ရှာပြီး အဲဒီအတွက် ထုတ်ထားတဲ့ ဆုကြေးကိုစားနေတဲ့ ဆုကြေးစားတစ်ယောက်အကြောင်းပဲ။ သူများပြဿနာတွေကို ဖြေရှင်းရင်း သူ့ပြဿနာတွေ တစ်စနဲ့တစ်စပေါ်လာတာက စူပါနေထရယ်ရဲ့ စစချင်းစီဆန်တွေလိုပဲ။ အမှုတစ်ခုလိုက်လိုက် ငွေထုတ်လိုက် နောက်တစ်မှုထပ်ရှာလိုက်။ သူက တစ်ယောက်တည်းလုပ်နေတာတော့ မဟုတ်ဘူး။ သူ့နောက်မှာ အချက်အလက်တွေစုဆောင်းပေးတဲ့သူတွေ၊ ဟက်ကာတွေ၊ နောက် ရှေ့နေတွေအထိပါရှိနေတယ်။ တစ်ခါတလေ လူပျောက်ရှာတာက စွန့်စားခန်းဆန်ပေမဲ့ တစ်ခါတလေကျလည်း စုံထောက်ကား ကြည့်နေရသလိုပဲ။ သူ့အတိတ်မှာလည်း ပဟေဠိတစ်ခု ချန်ထားတာဆိုတော့ လူပျောက်တွေလိုက်ရှာ အမှုတွေရှင်းရင်း သူ့အတိတ်က ပဟေဠိ ဘယ်လိုပုံပေါ်လာမလဲ ကြည့်ရလိမ့်မယ်။ လက်ရှိအထိတော့ ၃ ပိုင်းထွက်ထားပြီး တစ်ပတ်ကို တစ်ပိုင်းနှုန်းနဲ့ ၁၃ ပိုင်းအထိ ဆက်ထွက်သွားဖို့ရှိတယ်။ အမှုလိုက်တာတွေ၊ လူပျောက်ရှာတာတွေ၊ အက်ရှင်ခန်းတွေ၊ မိန်းမလှလေးတွေ မြိုင်မြိုင်ဆိုင်ဆိုင်ပါတာမို့ ထမင်းစားရင်း ဘာကြည့်ရမလဲ မသိဖြစ်နေရင် ကြည့်လို့ကောင်းမယ့် စီးရီးပါပဲ။

t.me/hanasrupl/3832

ခေတ်သစ်ဂြိုလ်သားများ အတွဲ ၁ အစ - အဆုံး

ဂြိုလ်သားကား ဆို အပစ်အခတ် အထိုးအကြိတ်တွေချည်း ကြည့်ရတာ ငြီးငွေ့နေသူများအတွက် ဆန်းသစ် တဲ့ ဂြိုလ်သားကား ဇာတ်လမ်းတွဲလေး တစ်ကားတင်ဆက်လိုက်ပါတယ်။

ဟယ်ရီ ဆိုတာကတော့ တခြားဂြိုလ်ကနေ ကမ္ဘာပေါ်ကို စစ်ဆင်ရေးတစ်ခုကြောင့်ရောက်လာခဲ့တဲ့ ဂြိုလ် သားတစ်ကောင်ပါ သူ့ရဲ့ စစ်ဆင်ရေးကတော့ ရိုးရှင်းပါတယ်။ သူတို့ဆီက ကိရိယာလေးတစ်ခုကို ကမ္ဘာမြေပေါ်ပစ်ချခဲ့ပြီးသူ့ ဂြိုလ်သူပြန်ရုံပါပဲ၊ ကံမကောင်းတာက သူ့ ယာဉ်ပျံကြီးက ကမ္ဘာပေါ်မှာပျက်ကျသွားပြီး သူ့ရဲ့ ကိရိယာလေးပျောက်သွားတာပါပဲ။

အဲဒီလိုနဲ့ သူက သူ့ရဲ့ကိရိယာလေးရှာတွေ့ဖို့အတွက် လူတွေ ကြားမှာလိုက်လျောညီထွေနေရင်းနဲ့ ဆရာဝန် အဖြစ်ဟန်ဆောင်နေခဲ့တာပါ။ ပင်ကိုယ်စရိုက်မဟုတ်တဲ့အတွက် အလွဲလွဲအချော်ချော်ဖြစ်တာတွေ လူတွေရဲ့ အတွေးအခေါ်တွေနဲ့ မတူ တာတွေကို ဟာသလေးနှောပြီးရိုက်ပြထားတဲ့အတွက် ကြည့်နေရင်းနဲ့ တချီချီရယ်ရမဲ့ ဂြိုလ်သားကားလေး တစ်ကားဖြစ်တာကြောင့် လက်မလွှတ်တမ်း ကြည့်ရှုသင့်တဲ့ ကားကောင်းလေးတစ်ကားဖြစ်ကြောင်း တင်ပြလိုက်ပါတယ်ခင်ဗျာ။

မှတ်ချက်- ဂြိုလ်သားက ဆရာဝန်ယောင်ဆောင်ထားတဲ့အတွက် ဆေးကုရင်တော့ သတိလေးထားကြပါ လို့။

t.me/hanatrailers/5701

ဂြိုလ်သားများနှင့် ကမ္ဘာမြေ (၂၀၂၅) [အစ- အဆုံး]

ဂြိုလ်သားကားတွေက တစ်ကားဆို တစ်ကား စောင့်ကြည့်ရတာတန်တဲ့ သိပ္ပံရုံကြီးကားတွေပါ။ အခုစီးရီးကတော့ သက္ကရာဇ် ၂၁၂၀ မှာ စတင်ထားပြီး လူသားတွေရဲ့ အေအိုင်နဲ့ ခန္ဓာအတုထဲကို အလွှဲအပြောင်း စလုပ်တဲ့ နည်းပညာ၊ သက်တမ်းကြာ အိပ်ပျော်စေတဲ့ ခရိုင်ရိုတောင့်နည်းပညာတွေ စတင်ပေါ်ထွက်လာတဲ့ အချိန်မှာ စတင်ထားပါတယ်။ စူပါလူသား အမြန်နှုန်း၊ ခွန်အားတွေပါပြီး မသေနိုင် မအိုမင်းနိုင်တဲ့ ခန္ဓာတွေကို မွေးရာပါ ကျန်းမာရေးချို့ယွင်းချက်တွေရှိနေတဲ့ ကလေးတစ်ခုစုနဲ့ စမ်းသပ်ပြီး အောင်မြင်သွားတဲ့ လူသားတွေဟာ အာကာသထဲကိုပါ နယ်ချဲ့နေပါပြီ။ ဒါပေမယ့် အာကာသနက်ထဲကို ရောက်သွားပြီး ပြန်လာတဲ့ စူးစမ်းလေ့လာရေးယာဉ်တစ်ခုပေါ်မှာ ဂြိုလ်သားမျိုးစိတ် အသစ်တွေကို စမ်းသပ်ဖို့ဆိုပြီး ဖမ်းထည့်လာပါတယ်။ ဒီမျိုးစိတ်တွေဟာ သူတို့ထင်ထားသလို အသိဉာဏ်မဲ့ သတ္တဝါတွေ မဟုတ်ကြဘဲ အားလုံးသိကြတဲ့ ကမ္ဘာဖျက် ဂြိုလ်သားတွေ ဖြစ်နေတဲ့အခါမှာတော့ ယာဉ်တစ်ခုလုံးကို အပိုင်သိမ်းပြီး လူသားတွေရဲ့ မြို့တော်ကို ပျက်ကျလာပါတယ်။ ဒါကို တားဆီးဖို့အတွက် စမ်းသပ်အောင်မြင်ထားတဲ့ စက်ရုပ်တစ်ပိုင်း လူသားတွေရဲ့ တာဝန်ဖြစ်လာပါတော့တယ်။

t.me/hanasrupl/3836

ကိုယ့်ရဲ့ သွေးစုပ်ဖုတ်ကောင်လေး (၂၀၂၅)

အခုတင်ဆက်ပေးချင်တဲ့ ဇာတ်လမ်းတွဲအသစ်လေးကတော့ BL နဲ့ Fantasy fan တွေအကြိုက်တွေ့စေမဲ့ ဇာတ်လမ်းတွဲအသစ်ကလေးပဲ ဖြစ်ပါတယ်။ ကျေးလက်ဒေသမှာ ဖခင်ဖြစ်သူနဲ့အတူ တစ်သက်လုံး နေထိုင်လာခဲ့တဲ့ ဒုံဟာ ဟာ အထီးကျန်နေတဲ့သူတစ်ဦးဖြစ်တဲ့အလျောက် ဒုံဟာ ရဲ့ ဖခင်ရဲ့ နောက်ဆုံးဆန္ဒက သားဖြစ်သူ မြို့ပေါ်တက်ပြီး နေထိုင်ဖို့ပဲ ဖြစ်ပါတယ်။ တက္ကသိုလ်ဝင်ခွင့်စာမေးပွဲ ဖြေဆိုအောင်မြင်ပြီး မြို့ပေါ်တက်လာတဲ့ ဒုံဟာ တစ်ယောက် သုတေသအတွက် သွေးလှူပေးရင် အလကားနေလို့ရမယ်ဆိုတဲ့ အိမ်တစ်လုံးကို ရှာတွေ့ခဲ့ပြီး တစ်အိမ်တည်းအတူနေတဲ့သူက တက္ကသိုလ်က အတန်းဖော်ဖြစ်နေတဲ့အပြင် သွေးစုပ်ဖုတ်ကောင်တစ်ဦး ဖြစ်နေတဲ့အခါ ဒုံဟာ တစ်ယောက် သွေးစုပ်ဖုတ်ကောင်တွေရှိနေတဲ့ အိမ်ထဲ ဘယ်လို နေသွားမလဲ။ သွေးစုပ်ဖုတ်ကောင်တွေကရော ဒုံဟာ ရဲ့ ဖြူစင်မှုကို မြင်တွေ့ပြီး သဘောကျသွားတဲ့အခါ ဘယ်လိုတွေ ယှဉ်ပြိုင်ကြမလဲ။

t.me/kdramacollectionbyhands/5920

လမင်းကြီးဆီသို့ (၂၀၂၅)

ဂျူန် ဒာ-ဟဲ ဟာ ငယ်စဉ်က ဆင်းဆင်းရဲရဲ ကြီးပြင်းခဲ့ရပေမယ့်လည်း အခုအခါမှာတော့ မားရုန်း မုန့်အချိုကုမ္ပဏီရဲ့ မားကတ်တင်းအဖွဲ့မှာ လက်ရှိ စာချုပ်ဝန်ထမ်းအဖြစ် လုပ်ကိုင်နေပြီးတော့ အချိန်ပြည့် ဝန်ထမ်းဖြစ်ချင်နေပေမယ့်လည်း အခက်တွေ့လို့နေပါတယ်။ သူမဟာ အရောင်းအဖွဲ့မှ ကန် အွန်း-ဆန်, စာရင်းကိုင်အဖွဲ့မှ ကင် ဂျီ-ဆွမ် တို့နဲ့ လည်း ရင်းနှီးတဲ့ ဆက်ဆံရေးရှိသူလည်းဖြစ်ပါတယ်။ တစ်ဖက်မှာလည်း ဟမ် ဂျီ-ဝူ ဟာ ငယ်ရွယ်ချောမောပြီး ဒေတာစီမံခန့်ခွဲရေအဖွဲ့မှာ ဒါရိုက်တာဖြစ်နေပါတယ်။ အဲဒီအချိန်မှာ အလုပ်ကြိုးစားနေသူလေး ဂျူန် ဒာ-ဟဲ နဲ့ တွေ့ဆုံကာ သူ့ဘဝရဲ့ အိပ်မက်နောက်ကို ပြန်လိုက်ဖို့ ဖြစ်လာပါတော့တယ်။ ကုမ္ပဏီ ဝန်ထမ်းချင်းတူပေမယ့် အကျင့်စရိုက်တွေ၊ ခံယူချက်တွေ၊ အခြေအနေနဲ့ ရည်မှန်းချက်တွေ မတူညီကြတဲ့ သူတို့လေးယောက်ရဲ့ လုပ်ငန်းခွင်ဘဝနဲ့ ကြိုးစားပုံတွေကို ဟာသလေးနှောပြီး ရိုက်ကူး တင်ဆက်ထားတဲ့ ဇာတ်ကားလေးဖြစ်တာကြောင့် စောင့်မျှော် ကြည့်ရှုကြည့်ကြပါဦး။

t.me/hanatrailers/5705

My Bi-as is Show-ing! (2025)

BL ကားကောင်းကောင်းလေးတွေကို စောင့်မျှော်နေကြတဲ့ ပရိသတ်ကြီးတို့အတွက် ဇာတ်လမ်းတွဲအသစ်လေးကို တင်ဆက်ပေးလိုက်ပါတယ်။ နာအယ်ဂျွန်း ဟာ အထက်တန်းကျောင်းဆရာအလုပ်ကို ကြိုးကြိုးစားစား လုပ်နေတဲ့သူတစ်ဦးပါ။ တစ်နေ့မှာတော့ ကျောင်းမှာ မထင်မှတ်ထားဘဲ သူသဘောကျရတဲ့ Idol အဖွဲ့ အေဝမ်း က သူ့ bi-as ချွဲရှီယော ရဲ့ ရိုက်ကွင်းဖြစ်လာတဲ့အပြင် အယ်ဂျွန်း ကိုပါ ပူးတွဲဆရာအနေနဲ့ လုပ်ဆောင်ပေးဖို့ တောင်းဆိုလာတဲ့အခါ အယ်ဂျွန်း တစ်ယောက် fan ဖြစ်ကြောင်းကို ဘယ်လိုများ ကြိုးကြိုးစားစား ဖုံးကွယ်သွားမလဲ။ အတူရှိချိန်များလာတဲ့အခါမှာ ခံစားချက်တွေကို ထိန်းသိမ်းဖို့ ခက်ခဲလာတာကြောင့် အယ်ဂျွန်း တစ်ယောက် ဘယ်လိုများ လုပ်ဆောင်မလဲ။ တစ်ဖက်က Idol ချွဲရှီယော ကလည်း အယ်ဂျွန်း အပေါ်ကို စိတ်ဝင်စားလာတဲ့အခါ သူတို့ ၂ ဦးရဲ့ ဆက်ဆံရေးကရော အဆင်ပြေကြပါ့မလားဆိုတာကို ဒီဇာတ်လမ်းတွဲအသစ်လေးမှာ စောင့်မျှော်ကြည့်ရှုပေးကြပါဦးနော်။

t.me/kdramacollectionbyhands/5923

ဟိုဒင်း အင် ဟိုဟာ လန်း အတွဲ ၃ (၂၀၂၅)

t.me/+lszijY3iMfNjZjY1

A Hun-dred Memo-ries (2025)

ဂိုယောင်းရယ် ဟာ မိသားစုရဲ့ သမီးကြီးပီပီ အိမ်ရဲ့စားဝတ်နေရေးအတွက် ထောက်ပံ့ကူညီပေးရတာကြောင့်
ကားမူးတတ်ပေမဲ့လည်း ချောင်းအာသယ်ယူပို့ဆောင်ရေးရဲ့ ဘတ်စ်ကားနံပါတ်၁၀၀မှာ ဘတ်စ်ကားလမ်းညွှန်မလေးအဖြစ်
လုပ်ကိုင်နေပြီး တက္ကသိုလ်တက်ရဖို့ အိပ်မက်ရှိသူလည်းဖြစ်ပါတယ်။
ဆောဂျုံဟီး ကတော့ ကိုယ့်ကိုယ်ကိုယ်ယုံကြည်မှုရှိပြီး လှပတဲ့ အသစ်ဝင်ရောက်လာတဲ့
ဘတ်စ်ကားလမ်းညွှန်မလေးဖြစ်ပြီး သိပ်မကြာခင်မှာပဲ ဂိုယောင်းရယ်နဲ့ရင်းနှီးပြီး အချစ်ဆုံးသူငယ်ချင်းတွေဖြစ်သွားကြပါတယ်။
ဒီသူငယ်ချင်းမလေး၂ယောက်ကြားကို သူတို့ရဲ့အချစ်ဦးဖြစ်တဲ့ ရုပ်ရည်ချောမောပြီး ခန့်ညားတဲ့ ဟန်ဂျယ်ဖီး ဆိုတဲ့
လက်ဝှေ့သမားဖြစ်ဖို့ စိတ်ဆန္ဒပြင်းပြနေတဲ့ သူဌေးသားလေးတစ်ယောက် ဝင်ရောက်လာတဲ့အခါမှာတော့...

သူတို့၃ယောက်ရဲ့အချစ်ဇာတ်လမ်းလေးက ဘယ်လိုဆက်ဖြစ်သွားမလဲ

t.me/hanatrailers/5711