👥

Solicitamos o cambio de nivel ás contratacións realizadas no 2024

Compañeira/o,

Informarte de que na reunión mantida o pasado 10 de marzo en Madrid por representantes desta Sección Sindical da CIG con membros da Dirección de BBVA (Peio Belausteguigoitia, Paul García Tobin e Yolanda Martínez Bajo), perante que as novas contratacións realizadas neste ano estanse a realizar con nivel XI de convenio (salario anual de 27.768,28 €), solicitamos que as realizadas o ano pasado deberían ter cando menos ese nivel e non o de Acceso (salario anual de 21.379,21 €).
Que se proceda canto antes a, cando menos, pasar a nivel XI a todo o persoal que está actualmente con Nivel de Acceso e se lle abonen as diferencias salariais desde o inicio das contratacións.

Na reciente Xunta Xeral de Accionistas do 21 de marzo, voltamos a demandar ao presidente, conselleiro delegado e demáis membros do consello tal circunstancia; porque non facelo suporía continuar a discrimininar ás contratacións anteriores con respecto ás actuais de 2025.

Cómpre lembrar que bancos como o BBVA realizaron durante anos anteriores (e poden seguir a realizar) contratacións con Nivel de Acceso porque ese novo nivel, que precarizou aínda máis as condicións salariais e laborais das novas contratacións, foi introducido no Convenio Colectivo 2019—2023 asinado por CC.OO e UGT (non estaba nos anteriores convenios).
E foi un dos motivos polos que a CIG non asinamos ese convenio, que supuña empeorar aínda máis as condicións laborais (salario, periodo de proba...) das novas contratacións no sector.

Agardando que a Dirección de BBVA atenda as nosas reiteradas demandas neste asunto, lembrámosvos que para calquera cuestión laboral (consulta, problema...) as delegadas e delegados da CIG estamos á túa disposición, ou podes contactar connosco por medio desta canle e/ou correo electrónico.

ᴇsᴛᴀᴍᴏs ᴘᴀʀᴀ ᴀxᴜᴅᴀʀᴛᴇ

…

👥


Compañeira/o,

Como te informamos nesta mesma canle (e por correo electrónico), o pasado 24 de marzo, despois de termos coñecemento de que as contratacións realizadas este ano estaban sendo con nivel 11, a CIG solicitou á Dirección do banco (xuntanza do pasado 10 de marzo) e na pasada Xunta Xeral de Accionistas, o cambio a ese nivel ou superior das contratacións anteriores que aínda continuabades con Nivel de Acceso.

Hoxe congratulámonos de que as reiteradas peticións da CIG fosen aceptadas. De que, con efectos desde o 1 de xaneiro deste ano, teñas xa recoñecido o nivel 11.
Na nómina deste mes de abril, ademáis do correspondente incremento salarial mensual, deberán figurar os atrasos dos 3 meses anteriores.
Agardamos, e así o temos tamén solicitado tamén, que o teu salario anual pase a ser de 26.768,28 € salario anual das novas contratacións realizadas neste ano, superior ao de nivel 11 establecido no convenio ( 25.391,43 € ).

As delegadas e delegados da CIG estamos a túa disposición para atender calquera consulta, problema… que poidas ter.

Contacta con calquera de nós, ben por medio do correo electrónico ou nesta mesma canle.
É imprescindíbel para asegurar a nosa forza (sindical), contar coa túa afiliación, contigo…

xᴜɴᴛᴀs/ᴏs sᴏᴍᴏs ᴍáɪs ꜰᴏʀᴛᴇs!

…

28 de xuño, Fronte a unha Lei e uns acordos que só lavan a cara dás empresas: MOBILÍZATE!

Ante a conmemoración do 28 de xuño, Día do Orgullo LGBTi+, denunciamos a falta de medidas efectivas para avanzar na igualdade, a Lei 4/2023 quedou reducida a simples cláusulas declarativas e á negociación dun protocolo de acoso. O que a súa vez se traduciu en acordos baleiros de contidos a nivel sectorial asinados coa AEB.

www.cigbbva.gal/2025/06/Mobilizate-Fronte-a-unha-Lei-e-uns-acordos-que-so-lavan-a-cara-das-empresas.html


🏳️‍🌈#DíaDoOrgullo #LGBTi 🏳️‍⚧️