■ ပေါ်တူဂီဆယ်ကျော်သက်ကို အသင်းကစားသမားသစ်အဖြစ် ချယ်လ်ဆီး မိတ်ဆက်

ချယ်လ်ဆီးအသင်းဟာ စပို့တင်းလစ္စဘွန်းအသင်းက ခေါ်ယူခဲ့တဲ့ ပေါ်တူဂီဆယ်ကျော်သက်တောင်ပံကစားသမား
ဂျီယိုဗန်နီကင်ဒါကို အသင်းကစားသမားသစ်အဖြစ် တရားဝင်မိတ်ဆက်ခဲ့ပါတယ်။

ကင်ဒါ(၁၉ နှစ်)ဟာ ချယ်လ်ဆီးအသင်းနဲ့ ရှစ်နှစ်သက်တမ်းရှိစာချုပ် ချုပ်ဆိုခဲ့တာဖြစ်တယ်။

နည်းပြသစ် ရှာဘီအလွန်ဆိုလက်ထက်မှာ အတ္တလန်တာအသင်းက ပါလက်စထရာပြီးနောက် အသင်းကို ရောက်ရှိ
ခဲ့တဲ့ ဒုတိယမြောက်ကစားသမား ဖြစ်လာခဲ့တယ်။

ချယ်လ်ဆီးအနေနဲ့ ကင်ဒါရဲ့ပြောင်းရွှေ့ကြေးအတွက် ပေါင် သန်း ၄၀ လောက် ကုန်ကျဖွယ် ရှိနေပါတယ်။

ပေါ်တူဂီယူ-၂၁လက်ရွေးစင်ဟာ ၂၀၂၅ ခုနှစ် မတ်လကတည်းက ချယ်လ်ဆီးကိုပြောင်းရွှေ့ဖို့ အကြိုသဘောတူညီမှု
ရထားခဲ့တာဖြစ်တယ်။

ကင်ဒါဟာ စပို့တင်းလစ္စဘွန်းအသင်းနဲ့ ၁၆ နှစ်အရွယ်ကတည်းက ပွဲဦးထွက်ခဲ့ပြီး ၈၆ ပွဲ ကစားခဲ့ပါတယ်။

■ ၂၀၂၆ ကမ္ဘာ့ဖလားပြိုင်ပွဲ ကွာတားဖိုင်နယ်ပွဲစဉ် ပွဲကြိုသုံးသပ်ချက်

◘ ပြင်သစ် - မော်ရိုကို (မြန်မာစံတော်ချိန် ဇူလိုင်လ ၁၀ ရက် နံနက် ၂း၃၀ နာရီ)

♦️ Head to Head
၅-၂-၉၈  ပြင်သစ် ၂-၁ မော်ရိုကို
၂၉-၅-၉၈  မော်ရိုကို ၂(၆)-၂(၅) ပြင်သစ်
၂၀-၁-၉၉  ပြင်သစ် ၁-၀ မော်ရိုကို
၆-၆-၀၀  မော်ရိုကို ၁-၅ ပြင်သစ်
၁၆-၁၁-၀၇ ပြင်သစ် ၂-၂ မော်ရိုကို
၁၄-၁၂-၂၂ ပြင်သစ် ၂-၀ မော်ရိုကို

ပြီးခဲ့တဲ့ ၂၀၂၂ ကမ္ဘာ့ဖလား ဆီမီးဖိုင်နယ်အဆင့်မှာ တွေ့ဆုံခဲ့ပြီး ပြင်သစ်အသင်းက အနိုင်ယူကျော်ဖြတ်ကာ ဗိုလ်လုပွဲ
တက်ရောက်ခဲ့တယ်။ ပြင်သစ်တိုက်စစ်က အခုကမ္ဘာ့ဖလားမှာ အကောင်းဆုံးပုံစံ ရနေပေမဲ့ ပါရာဂွေးနဲ့ပွဲမှာတော့
ရုန်းကန်ခဲ့ရတယ်။ ပြင်သစ်ရဲ့လက်ရှိကစားသမားပိုင်းက ၂၀၂၂ ကမ္ဘာ့ဖလားထက် ပိုတောင့်တင်းတဲ့ အနေအထား
ပါပဲ။ မော်ရိုကိုကတော့ ကာတာကမ္ဘာ့ဖလားတုန်းကလို စိတ်ဓာတ်ပိုင်း၊ အသင်းလိုက်စုစည်းမှုက လျော့ကျမသွား
သေးဘူး။ ဒါပေမဲ့ အုပ်စုအဆင့်ပွဲတိုင်း ဂိုးသွင်းခဲ့တဲ့ တိုက်စစ်မှူး ဆာအီဘာရီ ဒဏ်ရာရနေလို့ အခုပွဲမှာ
မပါဝင်နိုင်ဘူး။
ထိပ်တိုက်တွေ့ဆုံမှုမှာလည်း ပြင်သစ်အသင်းကပဲ အပြတ်အသတ် အသာစီးရထားတယ်။
ပြင်သစ် ဂိုးပြတ်၊ မပြတ်ပဲ ကြည့်ရမယ်။

"မက်ဆီရဲ့ ဒီခြေစွမ်းက တကယ်ကို မယုံနိုင်စရာပါပဲ" - Lamine Yamal⚡️🇦🇷

ဘာစီလိုနာနဲ့ စပိန်လက်ရွေးစင်ကြယ်ပွင့်လေး Lamine Yamalကတော့ ကမ္ဘာ့ဖလားမှာ ခြေစွမ်းပြနေတဲ့ ဂန္ထဝင်ကစားသမားကြီး လီယွန်နယ် မက်ဆီအပေါ် အခုလို ချီးကျူးစကား ဆိုလိုက်ပါတယ်။

"လီယွန်နယ် မက်ဆီရဲ့ စွမ်းဆောင်ရည်က တကယ်ကို မယုံနိုင်စရာပါပဲ။ သူ ဘယ်သူလဲဆိုတာ ကျွန်တော်တို့အားလုံး သိပေမယ့်... ဒီကမ္ဘာ့ဖလားမှာ သူ ဒီလောက်အထိ ခြေစွမ်းပြနိုင်မယ်လို့တော့ ဘယ်သူမှ မထင်ထားခဲ့ကြဘူး။ သူ့အတွက် ကျွန်တော် တကယ်ကို ပျော်ရွှင်မိပါတယ်" လို့ Lamine Yamalက ပြောကြားသွားခဲ့ပါတယ်။