⬛️◼️◾️▪️

( وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ )

بە نامێ خود٘ای دەسەڵاتداری
-----------٭٭٭----------

بەڵام کێن بڎۆ نەی ڕاگوزەر دا
شان بە شان شێر قەزا و قەدەر دا

مەحبووبەن هەرچێ موقتەزای قەزان
مەرغووبەن جە لای هەرکەس پێش ڕەزان

هەر شێرێ جە شیر، شێران شیر وەردەن
گەردەن پەی زەنجیر تەقدیر کەج کەردن

بە داخوو پەژارەوە هاگاد٘ارێ بیەیمێ
کاك فایەق ڕۆستەمی چەشمیەری
ڪۆچی دماییش ڪەردەن، هەوارگەو شێعرەکا مامۆسا سەعدوڵڵای هەجیجی بە ئەرڪوو سەرشانوو وێش زانۆ پەرسە و سه‌روه‌شی ئاراستەو خانەوادە موحتەرەمیش و یانه‌وه‌یشاو هەر پاسە خەڵڪوو مۆحتەرەموو ئەدەب دۆسوو
شارە دەگاوچەشمیەری ڪەرۆ،ئاواتما ئانه‌ن خود٘ای بێ هامتا بەخشۆش و عەفوەش فەرماوۆ و ڕۆحش بە بەهەشتی بەرین شاد٘ بۆ و سه‌بووری یانه‌وه‌یا بد٘ۆوه.(ئەلفاتێحە)

مودیریەتوو هەواروو شێعرەکا مامۆسا سەعدۆڵڵای خەدیری(هەجیجی)

#سۆهراب_مورادنیا


⬛️◼️◾️◾️

#کانال_تلگرامی_چشمیدر👇
🆔 @chashmidar1

"شلێر"

گوڵەوەنەشەو سەرکاڵیسەری
سیاوڕیحانە لاو چەشمیدٚەری

فریشەو یانەی، شەموو شەوگاری
سانێعوو دەسوو پەروەردگاری

شەرەف لاو تۆوە فێروو وانەی بۆ
پــەردێوە شەرمین پەرێ تانەی بۆ

تۆ پەرچەمداروو ئابڕوودارینی
نمادوو شـڪۆو نامووسدارینی

پەی وێ پارێزنای گیانت فیدا کەرد
شەرەف پەی شکۆت سوجدەی تەعزیم بەرد

تۆ سەمبولەنی پەی ژیواو ئارۆی
زەربولمەسەلێو پەرێ دماڕۆی

تۆ گیانت کەردەن فیداو نامووسی
شەرافەت مل‌کەج کەرۆت پابووسی

ڪوردستان بە تـۆ شانازی ڪەرۆ
تارێخ جە شکۆت مەسەل ماوەرۆ

ناستت نامووست لەکەدٚارە بۆ
ئەدٚالێت سەرکز، شەرمەسارە بۆ

بەگۆترەی پاکیت نەدٚا بە تاڵان
ئارۆ ئاوازەت بـەرزترین کاڵان

تۆموو شەرەفیت شانان شاریرە
بە بەرزی بەرزان ڪـوردەواریرە

وەشڵەی پا ئەدٚای تۆش پەروەردەنی
سەربەز ئا تاتەی تۆش وەی کەردەنی

دەسوو ناپاکی نەیاوا دەست
بیەی سەربەرزی پەی قەم و کەست

واڵێم، شەرەفت شالوودەو هیواین
پەیغامێ پەرێ بنەماو ژیواین

جەنەت ماوات بۆ، ڕەوانت شادٚ بۆ
نامت وێردی زوان، نموونەت زیادٚ بۆ

#سۆهراب_مورادنیا💐🖤


اینستاگرام چشمیدر👇
https://www.instagram.com/chashmidar1
─┅─═ঊঈ👑 ঊঈ═─┅─
#کانال_تلگرامی_چشمیدر👇
🆔 @chashmidar1