نۆبەو خەزانی کەوتەن و یاگێت جە لامەو هاڵیە
سۆتێ وەشەسیایی مەگەر، یاوانە ئەو ئی حاڵیە
نەک یۆ، هەزارێو مەردٚەیا پەی دارەکا پایێزەنە
وەختێ گەڵازەردٚێ جیا کریاوە بانێ قاڵیە
لاڵەم مەگەر حافێز کەرۆ ئامین دلێ بەحرێوەنە
خەیلێن خەزانا دوور جە تۆ تەعبیرەکەو ئی فاڵیە
واران چ وەش شۆرۆ جەسەو زەردٚەگەڵا بێ‌گیانەکا
هەور و خەمێ گێرا جەسەی تەفسیر مەبۆ ئی تاڵیە
باخێو شماڵی کەردٚەبێ عەمرێو بە نازەو باوەشین
حەیفا به ئامای واگژیەی قۆڵێش تەمام هۆرماڵیە
مشیۆ بزانی ئەر تەمە پێچیۆنە باخی بۆ بە چێش
نۆعێوە شێوەن کەردٚەیا پایێز بەسەی ئی شاڵیە
سەدٚ دانە داخێما هەنی ساڕێش مەبانێ دوور جە تۆ
تەنیا بە وێت کریۆ دەوا پایێزەکەو ئی ساڵیە
#خه‌میار_هه‌ورامی
#کانال_تلگرامی_چشمیدر👇
🆔 @chashmidar1
سۆتێ وەشەسیایی مەگەر، یاوانە ئەو ئی حاڵیە
نەک یۆ، هەزارێو مەردٚەیا پەی دارەکا پایێزەنە
وەختێ گەڵازەردٚێ جیا کریاوە بانێ قاڵیە
لاڵەم مەگەر حافێز کەرۆ ئامین دلێ بەحرێوەنە
خەیلێن خەزانا دوور جە تۆ تەعبیرەکەو ئی فاڵیە
واران چ وەش شۆرۆ جەسەو زەردٚەگەڵا بێ‌گیانەکا
هەور و خەمێ گێرا جەسەی تەفسیر مەبۆ ئی تاڵیە
باخێو شماڵی کەردٚەبێ عەمرێو بە نازەو باوەشین
حەیفا به ئامای واگژیەی قۆڵێش تەمام هۆرماڵیە
مشیۆ بزانی ئەر تەمە پێچیۆنە باخی بۆ بە چێش
نۆعێوە شێوەن کەردٚەیا پایێز بەسەی ئی شاڵیە
سەدٚ دانە داخێما هەنی ساڕێش مەبانێ دوور جە تۆ
تەنیا بە وێت کریۆ دەوا پایێزەکەو ئی ساڵیە
#خه‌میار_هه‌ورامی
#کانال_تلگرامی_چشمیدر👇
🆔 @chashmidar1