هەزار سڵامێ پەی پەرەستارا
ئارۆ ژیوایشا سەخڵەت ویارا

دوکتری دڵسۆز بە وێش و مایەش
ئارۆ دیارا عیلم و سەرمایەش

هیلالی ئەحمەر ئاتەش نیشانی
باقی ئورگانایچ حافێزوو گیانی

سڵامشا سەربۆ ئا ویژدان دارا
کە بە دڵسۆزی سەعاتە ویارا

بەڵام تۆی شەیاد یاروو شەیتانی
سەدٚ خەلاف کەری پەی تیکەنانی

ئیحتیکار کەری بێهداشت و ڕەوان
مەوادی لازم خۆراکی تا نان

مایع وئەلکول ماسک هەتا دەسکێش
کەی قایمش کەرۆ کەمتار وگاومێش

هەم وەتەن گێرۆش سەبا نۆبەتا
مەلایکەن لاتەو سەرکردٚەو چەتا

ئەگەر دیندارنی خەجاڵەت کێشە
کافر کەی کەرۆ چانە ئەندێشە

بدٚیەنە جامێ بزانە تۆ چێشنی
پەی سڵامەتی ئاننە دڵڕێشنی

قەزاو بێدینێ دڵسافیت گنۆ
پەی ئینسانەکا وەشی هۆرچنۆ

ویروس بێگانەن مەژناسۆ کەسی
تا کەرۆ جیا پیایی و پەسی

وەلێ جامێعەی ژناسای چێلای
تۆنی دژمەنوو خەڵکی تا خودٚای

شەیتان خەجاڵەت تۆ سەروازشنی
پەی جەنایاتی تۆ هەم بازشنی

میللەت بێچارە پەناش بێهداشتا
چەنی بێهداشتی و پزشکا ئاشتا

"حامی"! کرۆنا خاسا تا پەستی
بەش بڕیۆ نامەردٚ جە دڵوو هەستی

#حامی_غه‌ریبی

@chashmidar1

ماچا وەهارەن قۆمپە لۆ زیان
چی وەهارئێساڵ جە جاران جیان

شاد٘ی نەوەش و، مەیلی لەیل سەرد٘ەن
داخۆ چێش وەشیش پی دەرد٘ە بەرد٘ەن

دەی خۆ گۆراڵی چوون جاری جاران
پەی چێر پای پاڵاش ، وێشا وناران

بەڕەزا جە ڪۆ وەنەوشە جە باخ
سوورە هەراڵە و شمڵی بە دەماخ

شەوبۆی لانسار ، شەقایق، نەرگس
هەراڵە برەیمە وێش ودید٘ەی مەس

ڪۆڕاڵە ماسیل ، بۆژانە و چنوور
پیاڵەو مەی و نەی چەڻی سەنتوور

جە گەرمی ئەشقی، ڕەوان وەرواوان
نازاران موژەی دید٘ەشا ساوان

دڵ و ڕۆح و گیان ئاماد٘ەی تیرەن
چەفەرقی فەقیر یا خەیر وەزیرەن

چەمان گرد٘ ماتڵ دید٘ەی سوەیلین
ڪەی وەهارفەسڵ دوری وبێ مەیلین

وەشڵەی پاڪەسی دڵش وەهارەن
مەتڵی لەنجە و ویساڵی یارەن

#حامی غەریبی

#کانال_تلگرامی_چشمیدر👇
🆔 @chashmidar1

#حامی_حیوانات_باشیم

حیوانات مال یا اشیا نیستند
بلکه موجوداتی زنده هستند
که شایستگی دلسوزی، احترام، دوستی و حمایت ما را دارند.

+این کوچولو رو ک میبینید امروز یه چیزی تو چشش رفته بود و افتاده بود هم پایین نمیتونس برگرده پیش مادرش، کمکش کردیم لحظه آخر وقتی رفت به نگاه آخرش دقت کنید انگار داشت تشکر میکرد😍

اینستاگرام چشمیدر👇
https://www.instagram.com/chashmidar1
─┅─═ঊঈ👑 ঊঈ═─┅─
#کانال_تلگرامی_چشمیدر👇
🆔 @chashmidar1