အာဆီယံဥက္ကဋ္ဌနှင့် နစကဥက္ကဋ္ဌ ဘာတွေဆွေးနွေးလဲ

CNI News
၂၀၂၅ ခုနှစ်၊ ဧပြီ ၁၇

အာဆီယံအလှည့်ကျဥက္ကဋ္ဌ မလေးရှားဝန်ကြီးချုပ် မစ္စတာအန်ဝါနှင့် နစကဥက္ကဋ္ဌ ဗိုလ်ချုပ်မှူးကြီး မင်းအောင်လှိုင် တို့ ၂၀၂၅ ခုနှစ်၊ ဧပြီ ၁၇ ရက်တွင် ထိုင်းနိုင်ငံ၊ ဘန်ကောက်မြို့မှာ တွေ့ဆုံဆွေးနွေးခဲ့ကြသည်။

အဆိုပါ တွေ့ဆုံ ဆွေးနွေးပွဲကို ထိုင်းဝန်ကြီးချုပ်ဟောင်း သက်ဆင်လည်း တက်ရောက်ခဲ့သည်ဟု နစက,က သတင်းထုတ်ပြန်ခဲ့သည်။

ဗိုလ်ချုပ်မှူးကြီးမင်းအောင်လှိုင်၊ ထိုင်းဝန်ကြီးချုပ်ဟောင်း သက်ဆင်နှင့် အာဆီယံအလှည့်ကျဥက္ကဋ္ဌ မလေးရှားဝန် ကြီးချုပ် အန်ဝါတို့ သုံးပွင့်ဆိုင် တွေ့ဆုံမှုတွင် မြန်မာငလျင်ဘေး ပြန်လည်ထူထောင်ရေးတွင် အာဆီယံ အသိုက် အဝန်းမှ ဆက်လက်ကူညီဆောင်ရွက်ရေး ဆွေးနွေးခဲ့ကြသည်။

ထို့နောက် မြန်မာ-အာဆီယံ အသိုက်အဝန်းမှ ပူးပေါင်းဆောင်ရွက်ကိစ္စများလည်း ဆွေးနွေးခဲ့ကြောင်း သိရသည်။

CNI Website တွင်ဖတ်ရန်------https://cnimyanmar.com/index.php/political-2/politics-local/28582-2025-04-17-14-48-30

အာဆီယံဥက္ကဋ္ဌနှင့် NUG ဆွေးနွေး

CNI News
၂၀၂၅ ခုနှစ်၊ ဧပြီ ၁၈

အာဆီယံအလှည့်ကျဥက္ကဋ္ဌ မလေးရှားဝန်ကြီး မစ္စတာအန်ဝါနှင့် အမျိုးသားညီညွတ်ရေးအစိုးရ (NUG)ဝန်ကြီးချုပ် မန်းဝင်းခိုင်သန်းတို့ အွန်လိုင်းက တဆင့် ဆွေးနွေးကြသည်။

အဆိုပါ ဆွေးနွေးမှုကို ဧပြီ ၁၈ ရက်က ပြုလုပ်ခဲ့ခြင်းဖြစ်သည်ဟု NUG က ထုတ်ပြန်ခဲ့သည်။

အာဆီယံဥက္ကဋ္ဌ မလေးရှားဝန်ကြီး မစ္စတာအန်ဝါနှင့် နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်၊ ထိုင်းဝန်ကြီးချုပ်ဟောင်း သက်ဆင်တို့ ထိုင်းနိုင်ငံ၊ ဘန်ကောက်စ်မြို့တွင် ဧပြီ ၁၇ ရက်က လူချင်းတွေ့ဆုံဆွေးနွေးခဲ့သည်။

ထို့နောက် NUG နှင့် မစ္စတာအန်ဝါကြား အွန်လိုင်းက တွေ့ဆုံမှု ပေါ်ပေါက်လာခဲ့သည်။

မစ္စတာအန်ဝါနှင့် တွေ့ဆုံရာတွင် မြန်မာပြည်သူများထံ လူသားချင်းစာနာထောက်ထားမှု အကူအညီများ ထိရောက်စွာ ပေးပို့နိုင်ရေးနှင့် အာဆီယံ အဖွဲ့ဝင်နိုင်ငံများဖြင့် ဆက်ဆံရေး တိုးမြှင့်နိုင်ရေး ဆွေးနွေးခဲ့သည်ဟု NUG က ထုတ်ပြန်ခဲ့သည်။

အိမ်ဆောက်ဖို့ နိုင်ငံတော်မှ ဘိလပ်မြေ၊ သံနှင့်သွပ်များ ရောင်းပေးမည်

CNI News
၂၀၂၅ ခုနှစ်၊ ဧပြီ ၁၉

ငလျင်ဘေးသင့်၍ ပြိုကျပျက်စီးသွားသည့် လူနေအိမ်များနှင့် အဆောက်အအုံများ ပြန်လည် ဆောက်လုပ်ဖို့ အတွက် ဘိလပ်မြေ၊ သံနှင့်သွပ်များကို နိုင်ငံတော်မှ သင့်လျော်သည့်ဈေးနှုန်းများဖြင့် ရောင်းချပေးသွားမည်ဟု နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်က ပြောသည်။

နစကဥက္ကဋ္ဌသည် စစ်ကိုင်းမြို့နှင့် မန္တလေးမြို့ရှိ ခရိုင်အဆင့်ဌာနဆိုင်ရာ တာဝန်ရှိသူများနှင့် ရပ်မိရပ်ဖများအား သီးခြားစီ တွေ့ဆုံစဉ် ပြောကြားခဲ့ခြင်း ဖြစ်သည်။

နစကဥက္ကဋ္ဌက “မန္တလေးမြို့နှင့် စစ်ကိုင်းမြို့အတွင်းရှိ ပျက်စီးသွားသည့် အဆောက်အဦများ ရှင်းလင်းရေးနှင့် ပြန်လည် ဆယ်တင်ရေးလုပ်ငန်းများ ဆောင်ရွက်ရမည်ဖြစ်ပြီး နိုင်ငံတော်မှလည်း ကူညီဆောင်ရွက်သွားမည် ဖြစ်ကြောင်း၊ ဆောက်လုပ်ရေး လုပ်ငန်းများအတွက် လိုအပ်သည့် ဘိလပ်မြေ၊ သံနှင့်သွပ်များကိုလည်း နိုင်ငံတော် မှ သင့်လျော်သည့်ဈေးနှုန်းများဖြင့် ရောင်းချပေးသွားမည်”ဟု ပြောသည်။


CNI Website တွင်ဖတ်ရန်--------https://cnimyanmar.com/index.php/all-2/humanlife/28585-2025-04-19-16-02-48

အိန္ဒိယနှင့် NSCN-K/AM တို့ အပစ်ခတ်ရပ်စဲရေး ဆွေးနွေး

CNI International News
ဒီမာပူရ၊ ဧပြီ ၂၁

အိန္ဒိယ-နာဂ နိုင်ငံရေးအခင်းအကျင်းတွင် သိသာထင်ရှားသည့် အပြောင်းအလဲ တစ်ခုအဖြစ် နာဂအမျိုးသားဆိုရှယ် လစ်ကောင်စီ-ကပ္ပလန်/အန်းမိုင်(NSCN-K/AM) နှင့် အိန္ဒိယအစိုးရတို့သည် အပစ်အခတ်ရပ်စဲရေးကို ရှေးရှုသည့် အပြုသဘောဆောင်သော ဆွေးနွေးမှုများ ပြုလုပ်ခဲ့သည်ဟု Eastern Mirror သတင်းဝက်ဘ်ဆိုက်မှ ဖော်ပြခဲ့ သည်။

အပစ်အခတ်ရပ်စဲရေး ကြီးကြပ်ကွပ်ကဲမှုအဆင့်တွင် စတုတ္တအကြိမ်မြောက် တွေ့ဆုံဆွေးနွေးမှုကို မတ်လ ၂၇ ရက်က နယူးဒေလီ (New Delhi)တွင် ပြုလုပ်ခဲ့သည်။

ထိုဆွေးနွေးမှုကို NSCN-K/AM အဖွဲ့၏ အတွင်းရေးမှူးချုပ် Kughalu Mülatonu က ဦးဆောင်တက်ရောက်ခဲ့ သည်ဟု NSCN-K/AM က ဧပြီ ၂၀ ရက်တွင် ကြေညာချက် ထုတ်ပြန်ခဲ့သည်။

CNI Website တွင်ဖတ်ရန်-------https://cnimyanmar.com/index.php/political-2/politics-local/28586-nscn-k-am-6

အခွန်ကောက်တိုးမြှင့်ခြင်း ကန်ဒုသမ္မတနှင့်မိုဒီ ဆွေးနွေးမည်

CNI International News

နယူးဒေလီ၊ ဧပြီ ၂၂

အမေရိကန် ကမ္ဘာလုံးဆိုင်ရာ အခွန်တိုးမြှင့် ကောက်ခံမည်ဖြစ်ကြောင်း ကြေညာထားပြီးနောက် အမေရိကန် ဒုသမ္မတ ဂျေဒီဗန့်(JD Vance) သည် အိန္ဒိယသို့ ရောက်ရှိနေစဉ် ဝန်ကြီးချုပ် မိုဒီနှင့် ဆွေးနွေးကြမည်ဟု ရိုက်တာမှ ဖော်ပြခဲ့သည်။

အမေရိကန်ဒုသမ္မတ ဂျေဒီဗန့် (JD Vance) သည် ဧပြီ ၂၁ ရက်တွင် အိန္ဒိယနိုင်ငံသို့ လေးရက်ကြာ ခရီးစဉ်အဖြစ် ရောက်ရှိလာခဲ့ပြီး ဝန်ကြီးချုပ် နရန်ဒရာမိုဒီ(Narendra Modi) နှင့် တွေ့ဆုံဆွေးနွေးမည်ဖြစ်သည်။

Websiteတွင်ဖတ်ရှုရန်......https://cnimyanmar.com/index.php/local-news-2/local-business/28588-2025-04-22-02-20-38

Source: ရိုက်တာ

တစ်ဖက်သတ်ဝါဒအား ဆန့်ကျင်ရန် တရုတ်က အင်ဒိုကို တိုက်တွန်း

CNI International News

ဘေဂျင်း၊ ဧပြီ ၂၂

အင်ဒိုနီးရှားနိုင်ငံအနေဖြင့် တစ်ဖက်သတ်ဆန်သည့်ဝါဒနှင့် စျေးကွက်ကာကွယ်ရေးဝါဒကို ဆန့်ကျင်သင့်ကြောင်း တရုတ်နိုင်ငံခြားရေးဝန်ကြီး ဝမ်ယိ (Wang Yi) က ဧပြီ ၂၁ ရက်တွင် တိုက်တွန်းခဲ့သည်ဟု ရိုက်တာမှ ဖော်ပြခဲ့ သည်။

တရုတ်နှင့် အိန္ဒိယအနေဖြင့် ဒေသတွင်း စီးပွားရေး ပေါင်းစပ်ဆောင်ရွက်မှုကို ပူးပေါင်းမြှင့်တင်ရန်နှင့် ထောက်ပံ့ ရေးကွင်းဆက် တည်ငြိမ်မှုရှိအောင် ထိန်းသိမ်းသင့်ကြောင်းလည်း ဝမ်က ဘေဂျင်းမြို့တော်တွင် အင်ဒိုနီးရှား နိုင်ငံခြားရေးဝန်ကြီး ဆူဂီအိုနို (Sugiono) နှင့် ပြုလုပ်သည့် ပူးတွဲသတင်းစာရှင်းလင်းပွဲ၌ ပြောကြားခဲ့သည်။

Websiteတွင်ဖတ်ရှုရန်......https://cnimyanmar.com/index.php/political-2/politics-local/28589-2025-04-22-04-37-46

Source: Reuters

လိဒ်စ်ယူနိုက်တက်နဲ့ ဘန်လေ ပရီးမီးယားလိဂ်ထံ တန်းပြန်တက်

CNI Sport News

၂၀၂၅ ခုနှစ်၊ ဧပြီ ၂၂

လိဒ်စ်ယူနိုက်တက်နဲ့ ဘန်လေအသင်းတို့ဟာ ချန်ပီယံရှစ်ပွဲစဉ် ၄၄ အဖြစ် ကစားခဲ့တဲ့ပွဲမှာ နိုင်ပွဲကိုယ်စီ ရယူနိုင် ခဲ့တဲ့အတွက် လာမယ့်ရာသီ ပရီးမီးယားလိဂ်ထံ တန်းပြန်တက်ခွင့် လက်မှတ်ရရှိသွားခဲ့ပြီ ဖြစ်ပါတယ်။

လိဒ်စ်ယူနိုက်တက်အသင်းက စတုတ်စီးတီးအသင်းကို ၆ ဂိုး-ဂိုးမရှိနဲ့ ဂိုးပြတ်အနိုင်ရခဲ့ပြီး ဘန်လေအသင်းက ရှက်ဖီးယူနိုက်တက်အသင်းက ၂ ဂိုး-၁ ဂိုးနဲ့ အနိုင်ရရှိခဲ့တာပါ။

Websiteတွင်ဖတ်ရှုရန်......https://cnimyanmar.com/index.php/local-news-2/local-sport/28590-2025-04-22-04-48-32

Source: ESPN

ကမ္ဘာလုံးဆိုင်ရာ စိန်ခေါ်မှုများကို ပူးပေါင်းဖြေရှင်းရန် ပေတုန်တန် ပြော

CNI International News

ဘန်ကောက်၊ ဧပြီ ၂၂

ကမ္ဘာလုံးဆိုင်ရာ စိန်ခေါ်မှုများကို ဖြေရှင်းရန်အတွက် နိုင်ငံတကာ ပူးပေါင်းဆောင်ရွက်မှုကို ပိုမိုတိုးမြှင့်ရန် ထိုင်းဝန်ကြီးချုပ် ပေတုန်တန်(Paetongtarn Shinawatra)က ပြောကြားခဲ့သည်ဟု The Nation မှ ဖော်ပြခဲ့သည်။

ပေတုန်တန်သည် အာရှနှင့်ပစိဖိတ်ဒေသဆိုင်ရာ စီးပွားရေးနှင့် လူမှုရေးကော်မရှင် (ESCAP) ၏ (၈၁)ကြိမ်မြောက် အစည်းအဝေးတွင် တိုက်တွန်းခဲ့ခြင်း ဖြစ်သည်။

Websiteတွင်ဖတ်ရှုရန်......https://cnimyanmar.com/index.php/political-2/politics-local/28591-2025-04-22-04-48-39

Source: The Nation