從前，香港人嘅夜生活係落蘭桂坊飲酒、去廟街食宵夜或者求其去樓下整返碗糖水，但真係估唔到而家嘅香港人，首夜場飲歌係「Don Don Don Donki」呀！！！成為唔少人夜晚消閑好去處嘅 Donki ，終於疑似首次登陸東九龍，落腳於淘大商場三期Taste嘅舊址，各位淘大、牛下、得寶嘅街坊，Are You Ready？

FB專頁「淘大關注組」今日重提4月收到Donki疑似登陸淘大嘅消息，仲話「​​​​已確定淘大開Donki!預計十二月中完成裝修」，Post一出即刻引嚟唔少街坊興奮留言，仲有人影低咗商場圍板裝修嘅文件幫手Fact-Check，上面寫住租客係「Pan Pacific Retail Management (Hong Kong) Co., Ltd.」，個名同經營Donki嘅公司100% Match。如果裝修真係會係十二月中完成，開幕撞正聖誕假期嘅話，Channel C已經可以預想到淘大淪陷嘅樣啦⋯⋯

Donki自從2019年進駐香港之後，到而家全港已經一共坐擁七間分店，遍佈港九新界，包括尖沙咀、銅鑼灣、中環、小西灣、將軍澳、荃灣同屯門，除此之外，山頂仲另有一間期間限定嘅「情熱笑店」。而日本DON DON DONKI總公司之前喺業務報告就曾經透露，計劃喺2021年7月至2022年6月會再於香港開設2間分店，即係計埋於7月底開幕嘅屯門店，淘大店或者會係目前Donki擴充計劃入面嘅最後一間分店。

#channelchk #Donki #DONDONDONKI #淘大 #淘大商場 #驚安の殿堂

DONKI全球首間迴轉壽司店10.29開幕
落戶荃灣海之戀

壽司係港人喜愛食物之一，部份連鎖迴轉壽司店更幾乎日日排晒長龍。而嚟緊會再有多一間加入「戰場」，講緊嘅係同樣深受男女老幼歡迎嘅日本大型雜貨店DON DON DONKI，呢間仲會係佢全球第一間嘅迴轉壽司專門店嚟添！

DON DON DONKI facebook專頁宣佈，將於10月29日開設全球第一間迴轉壽司專門店「鮮選壽司 海之戀店」。換言之首個落腳點就係荃灣海之戀商場，到時上午11點就會開幕。DONKI仲預告當日會有精彩活動，提大家留意update，fans們唔好錯過！

DONKI自從2019年進軍香港之後，兩年已經開咗8間分店，遍佈港九新界，包括尖沙嘴、銅鑼灣、中環、小西灣、將軍澳、荃灣、屯門同山頂。而據日本總公司公佈嘅業務發展計劃，DONKI於2024年6月前喺香港嘅分店會增至24間，預計係日本以外，亞洲最多分店嘅城市。

※DONKI迴轉壽司店「鮮選壽司 海之戀店」詳情
地址：荃灣大河道100號海之戀商場2樓2001號舖
營業時間：上午10時至晚上11時
開業日期：2021年10月29日（星期五）上午11時

#channelchk #DONKI #DONDONDONKI #迴轉壽司 #鮮選壽司 #壽司 #海之戀 #驚安の殿堂 #日本

🤩【淘大DONKI開張】🤩
呢間全九龍最大分店，外賣便當即叫即煮，仲有獨賣護膚品套裝，出發前記住睇片知多啲嘞～
👉 https://youtu.be/nHMS9j7ygoQ

#淘大商場 #DONKI #channelchk #dondondonki #外賣 #便當 #護膚品 #日本 #七星米 #japan

屯門DONKI暫停營業至另行通知
疑染疫者近日到店工作 2.20消毒

DON DON DONKI發公告，指近日有2019冠狀病毒病初步確診者曾於屯門市廣場分店工作。為保障所有顧客及同事之健康與安全，該店將暫停營業至另行通知，並於2月20日全面消毒。

#DONDONDONKI #DONKI #屯門 #屯門市廣場 #疫情 #COVID19 #channelchk

1日2 DONKI分店因職員染疫停業
小西灣店關閉至另行通知 2.20消毒

繼屯門市廣場DON DON DONKI分店近日因有2019冠狀病毒病初步確診者曾到店工作，而要暫停營業至另行通知後，柴灣小西灣藍灣廣場分店亦因相同問題，要暫停營業至另行通知，並於2.20全面消毒。

#DONDONDONKI #DONKI #驚安の殿堂 #疫情 #COVID19 #channelchk

【 DONKI減薪 | 員工控訴公司一年前已部署減人手 做超市被調到壽司店 年年賺錢開新店有營運問題？日資公司人手管理術？】

去片👉https://www.youtube.com/watch?v=m8Ez2a7sgoM

近日日本連鎖超市「驚安之殿堂」DON DON DONKI傳出減薪的消息，不接受減薪的新合約，員工便要離職。在DONKI工作了2年多的阿菲，今天聯絡我們，指早在一年前，公司已經「施計」要減少人手，借人手調配使員工「自然流失」...

#channelchk #dondondonki #DONKI #驚安之殿堂 #減薪 #員工 #返工
＝＝＝＝＝＝＝＝＝＝＝＝＝＝
新聞有價 記者有格 $128保就業計劃
立即訂閱：https://bit.ly/3wEkVhz
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出$200元電子禮券！
報料：https://bit.ly/38XUGu7