《造星》史上最年輕對決
16歲燒賣搏盡無悔 憑搞笑投入險勝女團人選阿妹

ViuTV真人選秀節目《全民造星IV》噚晚（2日）上演咗《造星》史上最年輕之戰。兩位年僅16歲嘅參賽者燒賣（曾業喬）同阿妹（黃敏蕎）仲讀緊書，燒賣更承認要受家庭壓力，要考到全科合格，三科要頭十名先可以參賽，結果首輪比賽亦成功晉級：「好想行我自己行嘅路，我都想話畀佢哋知，唔一定書本上嘅嘢最有用」，仲話「我唔會褪後，我都行咗。」

年紀最細嘅燒賣同阿妹喺節目入面深受幕後人員歡迎，有幕後更自爆係「燒賣關注組」，個個都大讚佢可愛。但燒賣承認家人唔支持佢比賽，覺得佢參賽係發明星夢，「佢哋唔係好睇得起我」，但佢仍然好想比賽，所以同家人協議全科合格，三科要頭十名先可以參賽，結果佢達成目標。被評判問到贏咗之後係咪唔讀書，佢都搏盡無悔咁話：「所有後果都要我承擔，而我已經有心理準備。」

而燒賣噚晚嘅表演項目係《今朝有啲唔舒服》，既有演戲又有唱歌，演出之後佢話：「我係一個鍾意引人笑嘅人，見到人笑我會覺得好滿足。」結果佢嘅表演深得評判讚賞，認為係目前唯一享受表演嘅參賽者。

至於阿妹都話屋企人對佢參賽係一半支持一半擔心學業，但佢仍好想做歌手，所以參賽：「由細到大冇乜嘢自己鍾意好耐，但唱歌係由細到大都鍾意唱。」佢首輪淘汰賽就演唱《記得》，雖然被視為擁有女團成員條件，但喺兩個只能活一個嘅賽制下，結果由燒賣勝出；阿妹就跌落復活區。

上年參加過《造星III》嘅子涓（夏子涓）亦有參賽，曾經係女團BINGO成員嘅佢因為對女團無興趣，所以出錢同公司解約，結果今年行返轉頭，參賽加入女團。面試時花姐都質疑「你而家話畀我聽你想做女團？」不過子涓就話佢會信任嚟緊嘅女團團隊，仲話唔嚟參加都唔知結果。而上年嘅客席導師、今屆導師梁祖堯同上年導師之一嘅林二汶都非常關心子涓，希望子涓今年能夠成功。

子涓最後跳唱演出欣宜嘅《@princejoyce》，至於走文青路線嘅對手陳祖（陳祖兒）就演唱原創歌《做人一定要養貓》，佢嘅風格都得到唔少網民歡心，但最後以三盞藍燈輸畀子涓，落入淘汰區。

#channelchk #ViuTV #全民造星IV #燒賣 #曾業喬 #黃敏蕎 #阿妹 #女團 #陳祖 #陳祖兒 #子涓 #夏子涓

全民造星IV選60強捱轟 梁祖堯解方方阿Ling復活
阿Ling與網民IG開火！
去片👉 https://youtu.be/0oZ60DweH80

ViuTV《全民造星IV》60強名單的爭議持續發酵，包括導師梁祖堯寧在淘汰區救回《造星III》20強的方方方芷欣和39歲的阿Ling謝裕鈴，卻未有復活網民喜愛的阿妹黃敏蕎、Yanny劉綺婷、Yanis吳欣諺、Catrina梁式昕及Jackie劉展翹，被質疑其評審女團的準則。

梁祖堯在IG發文解釋，圖為爭議降溫。但另一方面，阿Ling似乎沉不着氣，在IG與網民激辯。選秀節目的討論陷入撕裂，是否大家都輸？其實各方大動肝火、傷及和氣後，ViuTV或已成最大贏家了（關注度方面）。無論如何，入圍的所有參賽者，你們要繼續加油呀～💪

#全民造星 #梁祖堯 #方方 #阿Ling #60強 #阿妹 #Jackie #Catrina #Yanis #ChannelCHK #女團 #方芷欣 #謝裕鈴 #Yanny #黃敏蕎 #劉綺婷 #吳欣諺 #劉展翹 #嘮動新聞

＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！
https://www.youtube.com/ChannelCHK

全民造星IV｜強尼寸網民雙標？罷睇齋噏？
「上屆Dilys晉級即暴動 但出局就嗌還我中國舞」
嘮動新聞👉 https://youtu.be/r3ZUHp-M7EM

做節目最緊要係咩？揸緊宗旨？搞錯喇！最緊要係有Noise吖嘛！

ViuTV《全民造星IV》就做到喇！唔揀青春少艾，揀超齡實力派，成功撳起「罷睇Noise」！上禮拜五選出60強後，怒火醞釀一日，導師梁祖堯推千字文回應。再隔一日，主持強尼凌晨出po力撐，讚阿祖「善於啟發每個參賽者，令佢哋知道表演係乜，有獨到嘅眼光，睇得出每個人嘅特質，再去發揮甚至作出變奏......諗到最盡為嘅就係想參賽者響觀眾面前變得耀眼。有能力好心地又有愛嘅專業表演者，如果無資格做呢個節目嘅導師，真係唔知邊個有」。

緊接就輪到花姐發力，讚阿祖係有心嘅導師，咪延續到話題性囉！話晒家陣對家生日曬冷，仲話兩套台慶劇連住播，無Noise點鬥呀？

雖然對於強尼同花姐嘅加持，網民似乎都唔係好buy，話「有人插梁祖堯無心咩？插佢無眼光咋嘛」，又話睇性格嘅，花姐應該加入。但花姐作為節目監制，有Noise有花生畀大家食，都好正常，如果無嘢好拗，邊度得嚟洗晒版？

另外，網民都唔係得個鬧字，有建議畀返花姐，話「搵阿妹（黃敏蕎）、Yanis（吳欣諺）、梁卓瀅（Cherena）、潘穎芝（Gigi）、張右雨（Glora）、Alina（李炘頤）同20強競爭，選出最終10強平息民怨」。可惜，強尼世一已經睇穿一切，話「上屆由『中國舞』（黎蘊芝 Dilys） 第一圈晉級暴動咁滯，到佢之後出局個個話要『還我中國舞』」，所以網民「就算睇法會改變，都正常不過」，仲話「只要你哋睇落去，你會好似我咁，愛上佢哋每一個」。

#全民造星 #花姐 #強尼 #梁祖堯 #阿妹 #黃敏蕎 #ViuTV #Yanis #吳欣諺 #梁卓瀅 #潘穎芝 #右雨 #Alina #李炘頤 #中國舞 #黎蘊芝 #Dilys #channelchk #嘮動新聞

＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！
https://www.youtube.com/ChannelCHK