下周三最低15°C 有咩要準備？
林超英慳電又慳水 唔沖熱水涼兼1分鐘沖完

等咗咁耐，天氣下星期終於再轉涼啦！根據天文台嘅天氣預測，下周三（24日）最低會跌至15度，唔知大家準備好過冬未呢？未嘅唔緊要，出名環保嘅前天文台台長 林超英 Lam Chiu Ying 又有新嘢教大家，原來佢除咗夏天唔開冷氣，冬天都唔會沖熱水涼㗎。繼「佛系降溫」後，前台長今次教埋你點「古法禦寒」！

冬天就快到，林超英接受傳媒訪問時用四字真言教大家暖身，就係「要靠自己」，着夠適當嘅保暖衣服就夠。至於暖爐，林超英覺得嘥電，如果要保暖嘅話，佢建議用「古法」，即係多數用暖水袋暖被窩，再幫雙腳保暖。只有好凍好凍好凍嘅時候，林超英先會建議用一小張電熱毯披上身，「一年10日都無」。

而透露自己沖涼只沖1分鐘嘅林超英仲提醒大家，其實沖完熱水涼隨時仲凍，「微絲血管擴張，停水後會覺得特別凍」，建議淨係用30度嘅水就夠。

#channelchk #林超英 #天氣 #轉涼 #天文台 #熱水涼 #環保 #電