港首奪美網青年大滿貫男雙冠軍
黃澤林創歷史！贏波一刻飛擁法國拍檔

黃澤林（Coleman）夥拍法國的Max Westphal，在美國網球公開賽青少年組決賽，以6:3、5:7和10:1擊敗烏克蘭和保加利亞組合，成為首個贏得青少年大滿貫男雙冠軍的香港球手，創下香港歷史。黃澤林得知奪冠後，飛撲拍檔擁抱，相當興奮。

做過香港網球總會4年會長的商人周小龍，在Facebook提到Coleman 13歲時與教練湯家寶，均自費去美國贏Orange Bowl，「Coleman今日嘅成就係因為佢小時嘅教練李更運，同埋佢而家嘅教練湯達富同埋湯家寶」。

香港網球總會出po祝賀黃澤林，並提到對上一次香港球手在青少年男雙打得最好的一次，已是1985年吳繩祖夥拍夏里遜於溫布頓創下的四強佳績。至於另一位來自香港的青少年大滿貫得主是希麗敏，1983年在溫布頓奪得女雙冠軍。

不過周小龍則不滿香港網球總會對球手支援不足，「Coleman呢個trip，你哋出咗啲乜嘢？你哋個會長莫君逸 Philip Mok，點解做咗三屆（6年），對香港網球發展同網球員培訓完全冇貢獻？仲要繼續迷戀呢個位？要唔要做夠四屆、做足8年？」

周小龍又指：「我4年（2012至2015年）喺香港網球總會建立嘅基礎，就被莫君逸食老本食到而家，一啲進步都冇！近年仲失去咗一個機會舉辦ITF Grade One一級U18青少年比賽！DKLM諗起都嬲。」

#美網 #大滿貫 #黃澤林 #ColemanWong #MaxWestphal #周小龍 #香港網球總會 #湯家寶 #美國 #李更運 #湯達富 #網球 #Tennis #usopen #channelchk

17歲網球健將黃澤林 西班牙職業賽男雙奪冠
周六再出戰澳網青少年男單、男雙

疫情都睇到頹了🥲一齊睇吓啲好消息🥳
17歲香港網球新星黃澤林（Coleman），繼2021年同法國拍檔喺美國歷史性奪得青少年組別男雙冠軍後，1月9日同西班牙球手一齊出戰當地職業賽，仲拎埋首個成人組男雙冠軍，真係好叻仔😎

Coleman周六（15日）會喺墨爾本出戰澳洲網球公開賽嘅青年組男單同男雙賽事，大家一齊幫佢打吓氣啦！🔥🔥🔥

#channelchk #2022australiaopen #colemanwong #黃澤林 #網球

17歲黃澤林澳網闖男雙8強、男單16強
一齊幫Coleman打打氣！！

17歲香港網球新星黃澤林（Coleman）又勝一仗！出戰2021澳洲網球公開賽青少年組嘅佢，喺周二（25日）早上先贏土耳其球手2盤6:2首次勇闖男單16強，再成功同美國拍檔Bruno Kuzuhara殺入男雙8強，勁呀！

Coleman周三會再挑戰一日打兩場，男雙會迎戰意大利嘅Daniele Minighini與Niccolo Ciavarella，男單則會對上立陶宛球手Edas Butvilas，大家記得去Coleman IG幫佢打吓氣啦！！

#channelchk #Coleman #黃澤林 #網球 #澳網