Channel C TG頻道 🎞
27.2K subscribers
15.2K photos
726 videos
49 files
17.1K links
Channel C stands for City, Crime, Culture,主打即時熱話、突發奇聞、文化生活!

YT: https://youtube.com/ChannelCHK
IG: https://instagram.com/ChannelCHK
FB: https://facebook.com/ChannelCHK
FB 2.0:https://www.facebook.com/channelchk2.0

查詢/廣告接洽可PM或電郵:
info@channelchk.com
Download Telegram
何君堯開live大鬧檢疫安排:個火要燒出去,林鄭要辭職!
拍枱拍到電話跌 斥國泰:再嚟一次!識唔識!串謀行騙!

何君堯講自己經歷,就話政府前日(7日)下午公佈要隔離檢疫,但去到夜晚7點先有人聯絡,仲要到深夜12點先安排進入竹篙灣。佢就問相關人員,但對方表示人手緊張,因為一架車只可以車一個人,咁所以成個「洪門宴」群組要用170幾轉車接送。何君堯批評香港防疫「好睇唔好使」,又話防疫工作組織失調,食物及衞生局局長陳肇始要負責,而特首林鄭月娥要負「最終責任」。

身為執業律師嘅何君堯,批評檢疫安排之時都不忘呢個身份,指國泰有豁免就應該有責任,要作出承諾保證,但結果就違反承證,話國泰有「Conspiracy to Defraud!再嚟一次!識唔識!串謀行騙!」不過睇返相關法律,應該就係串謀詐騙嘅。

何君堯喺直播入面話「洪門宴」係一個「合情合理合法」嘅宴會,只係「跌咗個有病嘅落嚟」,仲話 「我都唔想架」。點知而家就被加上「莫須有」嘅罪。講到中段,佢越講越激動,仲一嘢拍枱,大力到電話都跌埋。仲話「問咩責呀?特首要辭職啦!」,「個火要燒出去,林鄭要辭職!」

食生日飯冇錯,生日都冇錯,所以何君堯都話「洪為民冇錯,如果錯係佢阿媽嗰日生佢出嚟,但係你唔可以怪人哋老母架喎」,仲問「有邊個慶祝生日嗰日唔係真係生日?」呢度個邏輯Game高深到Channel絲都load咗一陣。

#channelchk #何君堯 #竹篙灣 #洪門宴 #檢疫 #隔離營 #林鄭月娥 #陳肇始
This media is not supported in your browser
VIEW IN TELEGRAM
各位大佬,對唔住!徐英偉帶頭道歉 轉完黑icon又刪
同場加映 萬千星輝議員道歉巡禮2022

黑色Icon到底有咩意義呢?點解民政事務局局長徐英偉道歉時,要轉Facebook頭像同埋封面圖片做黑色呢?又點解之後又要刪除咗佢,轉做「無頭像」呢?

徐英偉就喺Facebook出post同大家道歉,話「作為問責官員我應該更加警惕,小心謹慎萬事以防疫為首先的考慮作出行動」,同埋「要向中央政府、行政長官、問責團隊、民政事務局同事及香港市民致歉」喎。

另外,立法會議員梁君彥早前公佈,總共有19名立法會議員有出席「洪門宴」,包括譚岳衡、郭玲麗、陳沛良、陳家珮、葛珮帆、容海恩、黎棟國、何君堯、周文港、洪雯、林琳、郭偉強、霍啟剛、林順潮、梁毓偉、陳仲尼、吳傑莊、邱達根及陸瀚民。不過,林智遠就喺社交媒體話梁君彥漏咗佢,所以總數為20人。

而Channel絲幫大家收錄咗一部份議員嘅「道歉post」,請大家細閱🙏🏻

#channelchk #徐英偉 #竹篙灣 #洪門宴 #檢疫 #隔離營 #洪為民 #打針 #口罩 #防疫 #疫情 #立法會 #COVID19
竹篙灣Foodie大召集!
雞胸肉冇味 螺絲粉好難食 有帶飯素或成最大羸家

講起竹篙灣飯盒,點可以唔提上年嗰舊蒸肉磚(我冇打錯,係肉磚)。事隔一年,唔知有冇改進呢?

Channel C收到嚟自竹篙灣嘅food review,呢位foodie收到政府嘅邀請去試食tasting。而佢就簡短地交咗貨,首先係螺絲粉。一句講晒:「呢盒螺絲粉好難食。」

咁其實有冇好食嘅呢?係有嘅!原來就係呢個中式牛柳粟米斑塊飯。讀者就話「今日食咗個晚餐巧巧食,可能因為八點幾先有飯食,勁肚餓」,加埋「撈咗啲飯素,食晒成盒」。

另外,@pigpigpigliving 都有分享佢嘅dining experience~佢就話啲飯盒「正正常常,唔係凍嘅,唔係想像中咁難食」,不過都係同入嚟隔離期比較長嘅朋友仔講,「強烈建議你帶返支飯素撈飯,成件事即刻唔同晒」。

原來到最後,都係要靠自己,帶飯素。強烈要求立法會議員喺Facebook分享to-bring list,要加埋飯素!!!!!!!!!

#channelchk #竹篙灣 #hkig #hkfood #hkfoodie #hkigfood #hkdining
HKTVmall週一起送貨到竹篙灣 專屬車隊負責
網民大讚:應double pay俾送貨員及司機

要幾大膽幾肯搏先會做呢個promotion?噚日(12號)HKTVmall宣佈增加竹篙灣呢個派送地點,為而家喺隔離營嘅香港人「營中送暖」!

小編喺Facebook話訂單買滿$100,並於結賬時入埋優惠碼「PBQCD100」,即有免運費派送。而由於需要依照申請手續,訂單會喺下星期一(17號)開始派送,而派送可能需時,就請大家耐心等下。貨品會經由送貨團隊派送至竹篙灣,之後交由隔離中心工作人員代為轉交畀營內嘅收件者。

而小編都有提提大家,香煙、雪茄、煙草、噴灑式飲品、賭博用具、容易腐爛物品及未經醫生處方之藥物係唔送得入去架。

有唔少網民都好關心「Team竹篙灣」嘅保護措施,小編都好有心機咁解釋返畀網民聽,就話「Team竹篙灣」會由專屬車隊運作及派送,而呢個團隊係唔會參與其他地區派送工作。另外,派送人員只會將訂單放到指定交付地點,由隔離中心工作人員轉交,係唔會直接接觸正在隔離嘅人。「Team竹篙灣」都會每星期進行兩次檢測同埋嚴守防疫指引,工作前後需要徹底消毒。

除咗防疫,網民都關心「Team竹篙灣」嘅待遇,話「公司應double pay 俾送貨員及司機」,同埋「希望可以加返啲津貼俾送去嗰到嘅前線員工啦,始終嗰到都比較大嘅風險」。原來HKTVmall都有額外津貼,「感謝他們為隔離人士送上所需」。

網民都大讚HKTVmall呢個做法,除咗「好窩心!充滿溫暖」之外,都有人講笑話「終於唔洗自帶微波爐啦」。

#channelchk #HKTVmall #竹篙灣 #隔離營
圖解播毒鏈!廣場舞大媽群組再蔓延
按摩師隔窗紗 隔離營傳染貼通告保安

與28歲美國返港免檢疫空姐同住的62歲跳廣場舞母親,未曾接種COVID-19疫苗。雖然女兒12月29日晚發病,並搬到朋友家,但母親已被傳染Omicron變種病毒。不過老婦12月30日起一連多日仍社交頻繁,包括造訪舞友家、與20友跳舞、與多人在不同場合共膳,掀起多條傳播鏈。

其中老婦與舞伴去北角國都廣場足福里按摩時,或傳染51歲女按摩師,而女按摩師曾接種兩劑科興疫苗。女按摩師在竹篙灣隔離營時確診,疑再傳染51歲女保安。衞生署指,保安曾在按摩師房間紗窗貼通告,疑因此染疫;而保安的病毒基因,與空姐相關個案相同。

#channelchk #疫情 #COVID19 #Omicron #變種病毒 #北角 #國都廣場 #足福里 #按摩 #科興 #疫苗 #vaccine #竹篙灣 #隔離 #檢疫 #保安 #廣場舞 #大媽 #免檢疫 #空姐 #美國 #quarantine
竹篙灣啲嘢太難食? 市民自備雪櫃、微波爐入營

變種病毒Omircron令好多市民都被逼要入竹篙灣「度假」,但入面嘅膳食安排一直都為人詬病,啲飯因為出名無味、款式單調,連立法會議員何君堯之前都要準備一箱零食同杯麵入去(雖然最後無用武之地)。

有身處隔離營嘅讀者就目擊,有人出營時搬走埋雪櫃同微波爐,由於竹篙灣無提供呢兩項電器,相信呢啲嘢係佢哋入營時自備。其實疫情兩年前開始後,網上都流傳唔少隔離「必備物品」名單,當時已經有人指出膳食問題,要人準備多啲乾糧,但估唔到問題兩年後仍然未解決,即使換埋供應商,都仲有市民被迫選擇帶電器入營⋯⋯😩

#channelchk #疫情 #COVID19 #疫苗 #確診 #竹篙灣
Media is too big
VIEW IN TELEGRAM
足本字幕!竹篙灣隔離女 失控飛腳踢職員
雙方追逐對峙片 揭營內滯留無援慘況
嘮動新聞👉 https://youtu.be/42SwTQPrtF8

無論係喺隔離營欠缺支援嘅人,還是遲遲未拎到出營證明而滯留嘅人,甚至係人手短缺但仍然緊守營內崗位嘅人,佢哋都係香港人。佢哋都係一班「被選中」嘅悲慘香港人。😢

呢條片後半部,來自網上流傳嘅足本版雙方對峙片。雖然我哋發佈咗交代到來龍去脈嘅嘮動新聞片,但有熱心讀者之前擔心我哋人手不足,幫我哋整咗足本字幕版,風格仲學足字幕師,所以而家出埋,畀大家欣賞。

未睇嘮動新聞版本嘅你,記得睇番嘞~ 睇完包無後悔🥲
👉 https://youtu.be/42SwTQPrtF8

#channelchk #竹篙灣 #隔離營 #檢疫中心 #保安 #醫護 #隔離 #檢疫 #quarantine #covid19 #疫情 #Omicron
鄧炳強:從隔離設施逃走或罰款判監 譴責抹黑抗疫者 若涉刑事會調查

青衣方艙醫院在「國家支持」下,一周內建成,惟設施被指衞生情況不佳,女廁有尿兜、鞋印,保安局局長鄧炳強表示,會精益求精,加強清潔。他表示,如已發出檢疫令,患者拒絕入住隔離設施、或企圖逃走,有機會被判罰款及監禁。

他批評,有人惡意抹黑抗疫工作及國家支持,如涉刑事,執法部門會調查。

👉https://bit.ly/3KCNfGz

#隔離 #青衣方艙醫院 #方艙醫院 #隔離 #隔離設施 #竹篙灣  #鄧炳強 #抹黑 #譴責
中建獲欽點 砌港方艙院 急省靚廁迎「貴賓」
淘寶500至8,900人民幣 售類似隔離艙
【EomBuy易買特約 爆片爆相】

👉https://cutt.ly/DAEpimR
撳link睇圖輯及詳細報道

#方艙醫院 #新田 #洪水橋 #隔離 #疫情 #竹篙灣 #青衣 #COVID19 #quarantine #快速測試 #招標 #中國建築 #淘寶 #集裝箱 #貨櫃 #廁所 #公廁 #channelchk
疫情|增574確診 印傭完成檢疫居僱主家
第12日確診 疑復陽個案
全文:https://bit.ly/3OGNDXp

本港新增574宗確診,包括290宗核酸檢測陽性及284宗快速測試陽性呈報個案,11宗屬輸入,其中7宗個案昨抵港,包括4人乘搭CX100由澳洲抵港,其餘來自加拿大、英國及墨西哥;有3宗是於酒店檢疫期間確診,分別來自韓國、美國及法國;另有一名抵港12日的38歲印傭於社區檢測中心發現確診。

衞生署衞生防護中心傳染病處首席醫生歐家榮表示,該印傭本身沒有病徵, 已打兩針。她本月8日乘CX798抵港,抵港後到檢疫酒店接受7天檢疫,其間都有檢測 ,一直呈陰性,離開酒店返家後按要求於4月19日,即第12日再檢測,經私營化驗所結果為不確定,而衞生署驗到陽性惟CT值大於35。其僱主一家沒有病徵,已列為密切接觸者須檢測。衞生署初步估計印傭疑為復陽個案,但她之前沒有陽性紀錄,相信沒有傳染性,為安全起見會安排她入住隔離設施。

#疫情 #復陽 #COVID19 #中學文憑試 #DSE #竹篙灣 #channelchk
增313確診 多3病人死亡
59歲長期病患男竹篙灣隔離營昏迷 送院不治
全文:https://bit.ly/37hgzEo

本港新增313宗確診,多3名染疫病人離世,其中一名59歲有長期病患男病人於竹篙灣隔離期間離世。

#疫情 #確診 #COVID19 #竹篙灣 #channelchk
【衞生署搞乜?|太太確診唔使入竹篙灣 老公無中招竟然要入? 介紹隔離7日特別的計算方法】

去片👉https://www.youtube.com/watch?v=4E5-jI4qsrE

讀者甄生的太太在上月27日確診,居家隔離4日後,檢測已變回陰性,而甄生的快測結果則從來都是陰性。但此時竟收到衞生署來電,指甄太的病毒株是新型變種病毒BA.2.12.1,但由於她檢測陰性,被視為康復者,不需要隔離,但從來沒測出陽性的甄生則需要去竹篙灣隔離。甄生多次向衞生署追問原因不果,於是向Channel C求助。

但衞生署回覆Channel C查詢時,僅叫本台參考政府新聞公報『政府闡釋涉及Omicron變異病毒株亞系個案及密切接觸者的隔離及檢疫安排』。

#channelchk #Omicron #變異病毒株 #衞生署 #衞生防護中心 #確診 #竹篙灣 #隔離 #疫苗 #打針
==============
新聞有價 記者有格 $128保就業計劃
立即訂閱:https://bit.ly/3wEkVhz
撐Channel C請記者
一齊為民請命 抱打不平
==============
🔥「爆片爆相」返嚟喇!🔥
一經獨家採用將會獲得由網上零食店易買
送出$200元電子禮券!
6隔離設施閒置每月保養開支達375萬 醫衞局指分階段釋出用地或轉用途 北大嶼山及竹篙灣保留防疫
https://channelchk.com/a/17697

新冠疫情期間,政府興建多個社區隔離設施,惟復常後已轉為備用狀態或作重用安排。醫務衞生局今日(17日)表示,6個隔離設施目前仍處於閒置狀態,每月保養開支約為375萬元。當中,竹篙灣隔離設施每月開支佔最多,達約170萬元。局方透露,將分階段釋出用地或原址使用作其他用途,而北大嶼山感染控制中心及竹篙灣的部分單位,則會保留作防疫抗疫用途。

快啲Follow我哋後備IG啦
https://www.instagram.com/channelc_hk/

#社區隔離設施 #閒置 #隔離設施 #每月保養 #開支 #達375萬 #醫衞局 #分階段釋出用地 #轉用途 #北大嶼山 #竹篙灣 #保留防疫 #channelchk
==============
新聞有價 記者有格 $128成長計劃
立即訂閱:https://channelchk.com/plan
撐Channel C請記者
一齊為民請命 抱打不平
==============
😎Channel C 廣告推廣和媒體合作!🤝
誠邀各商戶傾談廣告宣傳和合作推廣;
有意請電郵至:marketing@channelchk.com
==============
🔥「爆片爆相」返嚟喇!🔥 
一經獨家採用將會獲得由
齊柏林熱狗店送出$50元 禮券乙張!
報料:https://wa.me/85264691456