P1X3L無份入圍叱吒勁難受
Phoebus：花光力氣 連入場券也無緣

《全民造星II》出身嘅Phoebus（吳啟洋）、George（歐鎮灝）同Marco（葉振弘）三為一體組成嘅男子組合P1X3L，今年初正式簽約環球出道，係樂壇新人之一，成軍冇耐已推出派台歌。佢哋初出道時曾透露以贏「叱咤樂壇生力軍」同歌曲獎為目標，但喺噚日叱咤記者會上都未見3人蹤影，新人獎名單亦榜上無名。

佢哋之後都有喺IG story輪流貼黑畫面，對冇得出席都極為失望，其中Phoebus更表示，「一直也沒有一刻停止過，花光了力氣… 連入場券也無緣…」；George都坦言難受，「我哋都想被認可為今年新人」。Channel絲睇到，隔住個mon都感受到佢哋嗰種灰；想同佢哋講加油，除咗師傅愛你，Channel C都愛你㗎！

噚日《2021年度叱咤樂壇流行榜頒獎典禮》記者會上，大會公佈今年樂壇生力軍競爭激烈，生力軍獎項會由3個變9個，將「叱咤樂壇生力軍男歌手」、「叱咤樂壇生力軍女歌手」及「叱咤樂壇生力軍組合」獎項各設金、銀、銅獎。

而角逐新人獎項嘅名單就包括：MC張天賦、楊樂文（Lokman）、呂爵安（Edan）、曾比特（Mike）、石山街、李妍、惡夢扭蛋、張進翹（Manson）、before the night ends、薛晉寧、梁業（肥仔）、郭嘉駿（193）、張蔓姿、ANSONBEAN、MC $oHo & KidNey、Kayan9896，惟獨唔見P1X3L個名，連叱咤入場券都拎唔到。但睇返叱咤資料，佢哋首歌《Braceless》連續5個星期都有打入「903 專業推介」，最高上過第九位。

P1X3L事後都有喺IG story輪流上載黑畫面，流露灰爆心情。Phoebus表示「點解會係咁，一直也沒有一刻停止過，花光力氣，連入場券也無緣」；佢又似憑歌寄意，自彈自唱陳奕迅嘅《我甚麼都沒有》。George都坦言：「當看見一班新人可以同台出席，但偏偏沒有我們，係真係難受……我哋都想被認可為今年新人。」而Marco就話：「我都想嚟㗎。」

不過，環球回覆傳媒時表示，P1X3L因工作撞期而未能出席。

#channelchk #P1X3L #Phoebus #吳啟洋 #George歐鎮灝 #Marco #葉振弘 #ViuTV #叱吒 #新人獎 #生力軍 #環球 #叱咤樂壇流行榜頒獎典禮 #頒獎禮

《2022 叱咤樂壇流行榜頒獎典禮》十大精彩時刻｜So Ching歸隊 Collar全員復出｜姜濤鏡中鏡表現惹爭議｜金髮Jeffery 驚喜現身｜林海峰惡搞《正義迴廊》
網站睇片︰https://channelchk.com/a/6441

昨晚舉行的2022叱咤樂壇流行榜頒獎典禮完滿結束，各個獎項已經塵埃落定，和大家回顧頒獎禮十大精彩時刻。

#2022叱咤樂壇流行榜頒獎典禮 #Collar #Soching #Mirror #lokman #jeremy #Ian #Ansonlo #Ivy #我最喜愛男歌手 #我最喜愛的歌曲大獎 #姜濤 #Jeffery #黃偉文 #填詞人大獎 #艾粒 #First Love #生力軍 #泳兒 #叱咤樂壇女歌手 #林家謙 #叱咤樂壇男歌手 #叱咤樂壇至尊唱片大獎 #至尊歌曲大獎 #樂壇唱作人金獎 #鄭欣宜 #女歌手金獎 #陳蕾 #林海峰 #正義迴廊 #MC #channelchk
＝＝＝＝＝＝＝＝＝＝＝＝＝＝
新聞有價 記者有格 $128成長計劃
立即訂閱：https://bit.ly/3wEkVhz
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
報料：https://bit.ly/3S3zjZy