《喜劇之王》入面「甜筒輝」因為同李兆基「基哥」收陀地搞到俾人打到變豬頭，現實中就有一名自稱「Tempo」嘅四眼男疑響朵，結果得罪人被人打到爆缸。噚晚（2日）WhatsApp群組就流傳片段，拍片男同另一男子叫Tempo除口罩同道歉，又要佢拎身份證出嚟，「你響朵吖嘛，頭先你話跟邊個？」Tempo初時話「我無跟人㗎！我跟上帝」，後尾先講自己跟邊個，然後就指指自己翹起雙手話叫Tempo。

拍片男佢哋見到咁就忍唔住出手打，「Tempo呀～？！好Ｌ型呀？」另一段片就見到Tempo已被打爆嘴流晒血，佢邊抹血邊話「對唔住老細，我以後會生性、搵錢」，再鞠鞠躬。件事似乎就咁告一段落，不過Tempo就冇「甜筒輝」咁收到廿蚊陀地喇！

#channelchk #收陀地 #響朵 #撻朵 #甜筒輝 #喜劇之王

慘！Tempo再被兜巴刮甩眼鏡 上唇變唐老鴨
遭警告亂響14K雄雞朵 竟辯稱「嗰日唔係我」

因為收陀地失敗而被打到爆缸嘅四眼男「元朗Tempo」，星期一（6日）再有佢上鏡嘅片段流出。拍片者一邊兜巴星Tempo到眼鏡飛脫，一邊警告佢咪再亂響朵。Tempo初時唔肯認之前響過14K「雄雞」嘅朵，更一度辯稱「嗰日唔係我」，結果被打多幾巴。而網上亦流傳佢收陀地失敗後嘅傷勢，現場嘅人笑佢個嘴好似唐老鴨咁！

#Tempo #甜筒輝 #保護費 #喜劇之王 #周星馳 #李力持 #十兄弟 #響朵 #元朗 #雄雞 #14K #channelchk