警車小路出大路險撞電單車
司機與死神擦過：你一定啱㗎啦!

「阿sir係專業的，唔會錯的!」網上流傳一段警車「小路出大路」險撞電單車司機的影片。事發於上周五下午，在將軍澳欣景路，一輛警車從警署駛出，懷疑沒看清大路面便匆匆駛出，差點撞到一輛向景林邨方向行駛的電單車，幸電單車司機及時煞停，才不致受傷。

事後司機落車跟警察理論，劈頭便說：「阿SIR，你咁樣殺出嚟嘅，有無搞錯呀!」 車上多名警員亦下車，其中一名警員解釋是前面的巴士讓給他，令他看不到後面。

為平息事件，其他警員亦紛紛問候司機傷勢，更促司機：「睇吓架車有無嘢!」但與死神擦過的司機未能平伏情緒，形容自己「好彩剎得到」，但最後也無奈向警察說：「你一定啱㗎啦，得啦，無事啦.....」警員亦即場登記司機資料。

不少網民認為今次警察做得不對，「小路讓大路，唔識揸車的都知...講聲對唔住、唔好意思，根本係基本禮貌。」有人揶揄警方「點解可以唔打燈出兩條線？請問邊間(駕駛)學院畢業？」有人看過片段後為司機感心驚，「好彩你停得到，唔係飛埋出車。」Channel C 聯絡到該司機，但他說由於案件已進入司法程序，故不方便回應。

#警車 #將軍澳 #警署 #欣景路 #小路出大路 #交通意外 #電單車