紫薯媽媽很有愛！Serrini設港大獎學金：
小小地for undergrad開心下 下年再top up多d啦

本地獨立歌手「樹妮妮」Serrini（梁嘉茵）首個大學獎學金正式成立！佢今日同大家分享呢個喜訊，但個名就唔係網民之前提議嘅「油尖旺金毛獎」或者「樹妮妮令你令你令你感覺有獎學金」，而係「Serrini Scholarship 梁嘉茵獎學金」。將會榮升做BB契媽、本身都喺港大讀緊博博士課程嘅Serrini話：「原來命名都唔可以『梁嘉茵博士獎學金』or『梁嘉茵契媽獎學金』咁，so依家kinda 正正常常🧘🏻‍♀️💎」

港大網頁資料顯示，梁嘉茵獎學金每年有5個名額，每名學生可獲得10,000元。獎學金開放畀港大文學院二年級或以上嘅本地學生申請，而CGPA就要有3.3或以上，其他方面都要有出色表現，例如具領導才能、積極參與社區服務等。

Serrini留言話：「因為一次過要捐n年，所以今年個amount唔係好多，我下年再top up多d啦。」仲話「最鍾意啲無乜意義嘅獎學金，小小地幾開心for undergrad開學開心下。」唔少網民都留話想再讀書，「畢業N年也想考返入港大讀undergrad 」，就連盧覓雪都話：「我都想你做我契媽！」填詞人梁栢堅仲話可以做「新歌名」添！

#channelchk #樹妮妮 #Serrini #梁嘉茵 #獎學金 #港大 #梁嘉茵獎學金 #梁栢堅 #盧覓雪