8舊水睇林鍾一戰LIVE？
白髮梁榮忠拍新片：直頭係科幻小說
「我錯！我膚淺！我對唔住大家！」林鍾一戰今晚上演。呢場「生死之戰」、「大多你100萬」，真係令人期待。最期待之處唔係輸贏，而係紅隧嗰堆巨型廣告牌，終於可以下架。
Clarify番，林鍾一戰正名係《無敵盃》，LIVE只限「鍾培生Derek Cheung」YouTube頻道會員收看，月費$800；加入成為會員後，每月仲有回饋贈送。如果你只係「培生BB」level（月費$25），對唔住，咁暴力嘅場面，你唔啱睇。
呢個月費$800嘅「培生培心」之友，鍾培生表示係為咗發放正能量，「共創更好明天」，仲話搵「頂級金融專家」傾下偈：「我會用一個好mild嘅方式同佢哋溝通，為大家提供最update嘅financial知識」。點解好似講到套料咁… 如果唔mild，唔通打擂台咩……唔係講笑，鍾培生話佢會同HKA職業選手陪大家定期打機。
睇番鍾培生YT Channel「預覽」影片，咦，原來今晚為拳賽評述嘅梁榮忠都拍咗條片，但得15秒，應該係付費先睇到全片。鏡頭前只見忠仔話：「大師兄嬌喘一聲倒在外賣仔懷裡——仲用呢句？Out咗喇喎，武俠小說今次用唔著喇，鍾培生同林作打到上擂台，直頭係科幻小說。」
冇見一排，忠仔白髮好似又多咗。《破壞之王》都已經係上世紀1994年嘅事。忠仔都57歲，變忠叔喇。
至於本文一開首道歉嗰個係邊個？係一位道歉時露出胸部嘅仁兄。杜汶澤。佢噚晚睇完林鍾一戰過磅條片同相，有感而發：「我今日先知，原來上台打拳，係咁嘅身材！白雪雪，滑捋捋咁，咁至叫做靚！當日我做多咗！唔知個醜字點寫，49歲人操到咁，把X咩？我以後唔敢喇⋯⋯無咩事我去食個陳家涼麵做宵夜喇。」配圖係佢成身muscle打擂台嘅相。
有網民留言笑：「又冇人俾一球嘢要揼你。惟有攞個body出嚟曬啦！」俾阿澤一句ＫＯ：「玩咩！我一個月開支都唔只一球啦！」作家高慧然都睇唔過眼：「而家拳手興肥肥白白短短……」
今晚真係唔知點算…
#無敵盃 #林鍾一戰 #林作 #鍾培生 #梁榮忠 #channelchk
白髮梁榮忠拍新片：直頭係科幻小說
「我錯！我膚淺！我對唔住大家！」林鍾一戰今晚上演。呢場「生死之戰」、「大多你100萬」，真係令人期待。最期待之處唔係輸贏，而係紅隧嗰堆巨型廣告牌，終於可以下架。
Clarify番，林鍾一戰正名係《無敵盃》，LIVE只限「鍾培生Derek Cheung」YouTube頻道會員收看，月費$800；加入成為會員後，每月仲有回饋贈送。如果你只係「培生BB」level（月費$25），對唔住，咁暴力嘅場面，你唔啱睇。
呢個月費$800嘅「培生培心」之友，鍾培生表示係為咗發放正能量，「共創更好明天」，仲話搵「頂級金融專家」傾下偈：「我會用一個好mild嘅方式同佢哋溝通，為大家提供最update嘅financial知識」。點解好似講到套料咁… 如果唔mild，唔通打擂台咩……唔係講笑，鍾培生話佢會同HKA職業選手陪大家定期打機。
睇番鍾培生YT Channel「預覽」影片，咦，原來今晚為拳賽評述嘅梁榮忠都拍咗條片，但得15秒，應該係付費先睇到全片。鏡頭前只見忠仔話：「大師兄嬌喘一聲倒在外賣仔懷裡——仲用呢句？Out咗喇喎，武俠小說今次用唔著喇，鍾培生同林作打到上擂台，直頭係科幻小說。」
冇見一排，忠仔白髮好似又多咗。《破壞之王》都已經係上世紀1994年嘅事。忠仔都57歲，變忠叔喇。
至於本文一開首道歉嗰個係邊個？係一位道歉時露出胸部嘅仁兄。杜汶澤。佢噚晚睇完林鍾一戰過磅條片同相，有感而發：「我今日先知，原來上台打拳，係咁嘅身材！白雪雪，滑捋捋咁，咁至叫做靚！當日我做多咗！唔知個醜字點寫，49歲人操到咁，把X咩？我以後唔敢喇⋯⋯無咩事我去食個陳家涼麵做宵夜喇。」配圖係佢成身muscle打擂台嘅相。
有網民留言笑：「又冇人俾一球嘢要揼你。惟有攞個body出嚟曬啦！」俾阿澤一句ＫＯ：「玩咩！我一個月開支都唔只一球啦！」作家高慧然都睇唔過眼：「而家拳手興肥肥白白短短……」
今晚真係唔知點算…
#無敵盃 #林鍾一戰 #林作 #鍾培生 #梁榮忠 #channelchk
【賽果更新】
鍾培生、林作《培生擂台：無敵盃 We are Champs》，今晚8點九龍灣國際展貿中心舉行。門票賣晒，賽事會由鍾培生YouTube頻道獨家直播，睇LIVE入場費每月$800，因為係高級會員限定。
今晚仲有另外五組拳擊比賽，其中包括Youtuber 大J與張致恒對戰。
第1場 ：潘啟晴VS 姚達輝 （6回合／3分鐘）
賽果：潘啟晴勝
第2場 ：Kathy@造美人 對 Ollie@口罩小姐 （3回合／2分鐘）
賽果：Ollie勝
第3場：吳景聰 VS 李鑑任 （4回合／3分鐘）
賽果：李鑑任
第4場：大 J VS 張致恒 （3回合／3分鐘）
賽果：大J 勝
第5場：錢師傑 VS 李耀東 （3回合／2分鐘）
主力賽事：鍾培生 VS 林作 （4回合／2分鐘）
有興趣咪留個言投下票傾下囉🤣
#無敵盃 #林作 #鍾培生 #林鍾一戰 #張致恆 #張致恒 #大J #九展 #channelchk
鍾培生、林作《培生擂台：無敵盃 We are Champs》，今晚8點九龍灣國際展貿中心舉行。門票賣晒，賽事會由鍾培生YouTube頻道獨家直播，睇LIVE入場費每月$800，因為係高級會員限定。
今晚仲有另外五組拳擊比賽，其中包括Youtuber 大J與張致恒對戰。
第1場 ：潘啟晴VS 姚達輝 （6回合／3分鐘）
賽果：潘啟晴勝
第2場 ：Kathy@造美人 對 Ollie@口罩小姐 （3回合／2分鐘）
賽果：Ollie勝
第3場：吳景聰 VS 李鑑任 （4回合／3分鐘）
賽果：李鑑任
第4場：大 J VS 張致恒 （3回合／3分鐘）
賽果：大J 勝
第5場：錢師傑 VS 李耀東 （3回合／2分鐘）
主力賽事：鍾培生 VS 林作 （4回合／2分鐘）
有興趣咪留個言投下票傾下囉🤣
#無敵盃 #林作 #鍾培生 #林鍾一戰 #張致恆 #張致恒 #大J #九展 #channelchk
鍾培生找數 月底迎戰散打冠軍
林作贏100萬最後袋94萬
「唔好講咁多嘢，你話knock out我吖嘛，而家No bullshxt let's go！」林鍾一戰賽前 林作進行處男擂台戰，鍾培生到場，仲喺IG Story向林作教練、香港散打冠軍 李俊亨 Henry 挑機話可以K.O.晒佢哋。結果，Henry上門應戰，挑番鍾培生轉頭：「不如而家打咗先啦！」打喇，真係打喇。鍾培生對Henry。時間係9.26或9.27，地點係鍾家。64公斤級別，打3場。每場2分鐘。不設現場觀眾。
買飛？冇喎，要幫襯月費$800嘅「培生培心」YT Channel做會員。到時Kolor同尹光嚟唔嚟唱歌助興？
件事講起嚟好似有少少複雜。時間線去番林鍾各自操練嗰陣。先撩者咩，結果林作就同Henry上門搵鍾培生，Henry一嘢封住鍾培生條路話要同佢即場打：「你拍片好唔尊重我哋教練團隊，唔尊重我哋。」鍾培生想縮，Henry就用番鍾嘅口頭禪話：「唔好講咁多嘢，你話knock out我吖嘛，而家No bullshit let's go！」鍾最後都係閃咗！Henry拎番個尾彩：「你話唔打唔緊要，我係教育緊佢！」
件事本來就咁完。但賽前幾日，鍾培生忽然又喺fb公開向林作挑機：「有冇興趣加碼？如果我K.O.咗你，扣30萬出場費；如果K.O.唔到，俾多1,000,000你。」林作話受呀，改條件，如果鍾培生K.O.唔到佢，就要同Henry打。於是條時間線又去番起點。
林鍾一戰，鍾培生「贏咗」自己做主辦嘅獎盃；林作就真金白銀捧走100萬——其實得94萬幾左右，因為扣咗啲門票錢。佢用鍾培生俾佢嗰100萬，向鍾培生買番由鍾培生自己主辦嘅拳賽門票。成件事其實幾環保。
大贏家毫無疑問係林作。「外賣仔」套路為佢贏得100萬，仲贏來網民respect。有網民誇張到pm佢「香港需要你，香港未來更需要你」、「遲幾年搵你買保險」，令唔知醜字點寫嘅林作忽然話「受寵若驚」。
#林鍾一戰 #鍾培生 #林作 #李俊亨 #向柏榮 #channelchk
＝＝＝＝＝＝＝＝＝＝＝＝＝
🔥出氣師登場！「谷鬼氣、搵我哋」🔥
如果大家有咩疑難「谷鬼氣」，不妨搵我哋「出氣師」，等我哋幫手出返口氣！
出氣WhatsApp： https://wa.me/85263544742
林作贏100萬最後袋94萬
「唔好講咁多嘢，你話knock out我吖嘛，而家No bullshxt let's go！」林鍾一戰賽前 林作進行處男擂台戰，鍾培生到場，仲喺IG Story向林作教練、香港散打冠軍 李俊亨 Henry 挑機話可以K.O.晒佢哋。結果，Henry上門應戰，挑番鍾培生轉頭：「不如而家打咗先啦！」打喇，真係打喇。鍾培生對Henry。時間係9.26或9.27，地點係鍾家。64公斤級別，打3場。每場2分鐘。不設現場觀眾。
買飛？冇喎，要幫襯月費$800嘅「培生培心」YT Channel做會員。到時Kolor同尹光嚟唔嚟唱歌助興？
件事講起嚟好似有少少複雜。時間線去番林鍾各自操練嗰陣。先撩者咩，結果林作就同Henry上門搵鍾培生，Henry一嘢封住鍾培生條路話要同佢即場打：「你拍片好唔尊重我哋教練團隊，唔尊重我哋。」鍾培生想縮，Henry就用番鍾嘅口頭禪話：「唔好講咁多嘢，你話knock out我吖嘛，而家No bullshit let's go！」鍾最後都係閃咗！Henry拎番個尾彩：「你話唔打唔緊要，我係教育緊佢！」
件事本來就咁完。但賽前幾日，鍾培生忽然又喺fb公開向林作挑機：「有冇興趣加碼？如果我K.O.咗你，扣30萬出場費；如果K.O.唔到，俾多1,000,000你。」林作話受呀，改條件，如果鍾培生K.O.唔到佢，就要同Henry打。於是條時間線又去番起點。
林鍾一戰，鍾培生「贏咗」自己做主辦嘅獎盃；林作就真金白銀捧走100萬——其實得94萬幾左右，因為扣咗啲門票錢。佢用鍾培生俾佢嗰100萬，向鍾培生買番由鍾培生自己主辦嘅拳賽門票。成件事其實幾環保。
大贏家毫無疑問係林作。「外賣仔」套路為佢贏得100萬，仲贏來網民respect。有網民誇張到pm佢「香港需要你，香港未來更需要你」、「遲幾年搵你買保險」，令唔知醜字點寫嘅林作忽然話「受寵若驚」。
#林鍾一戰 #鍾培生 #林作 #李俊亨 #向柏榮 #channelchk
＝＝＝＝＝＝＝＝＝＝＝＝＝
🔥出氣師登場！「谷鬼氣、搵我哋」🔥
如果大家有咩疑難「谷鬼氣」，不妨搵我哋「出氣師」，等我哋幫手出返口氣！
出氣WhatsApp： https://wa.me/85263544742