盼以字體喚醒香港精神 香港字體設計師製「思緒重生體」

講到香港文化，大家都應該係諗起食物、建築、共同回憶等等……有幾多人會諗到字體，都可以係香港文化嘅載體？

即撳Link支持👉🏽https://wabay.tw/projects/reborn-font?locale=zh-TW&ref=bd1a64429a

香港字體設計師陳靖軒同埋佢嘅團隊，上年年中公佈製作「思緒重生體」呢個字體。事緣就係，2020年生活在香港的人們很無力，所以希望透過「香港重X」幾個設計字幫香港人打氣，之後就開始諗會唔會可以發展成為一套字型。2021年移民潮爆發後，佢就希望可以透過字體，喚醒支離破碎嘅香港人，同埋一份「很香港」嘅精神。

「思緒重生體」嘅千字試用版包含咗一千個最常用嘅一繁體字，仲好意外地登上咗達明一派演唱會嘅video wall。依家呢個字體仲可以喺KOLOR開嘅咖啡店ohm... cafe同埋非實力派嘅YouTube Channel見到！

之後，團隊就將呢個project放上台灣募資平台挖貝，依家就有600幾人支持，募集咗200萬新台幣，58%達標。大家都知道，為香港文化打拼不嬲都唔係一件容易嘅事。團隊計算未來一年嘅造字，以及兩位設計師嘅全職投入，成個「思緒重生體」需要350萬先可以投入實現。

Channel絲都好認同設計師話：「這項計劃不止是一套字體，更多的是為了香港的文化和風氣努力，令香港的繁體字和廣東話等香港靈魂保存下去。」

#channelchk #思緒重生體 #陳靖軒 #達明一派 #KOLOR #非實力派 #挖貝 #字體 #香港字體 #香港文化 #本土文化 #繁體字