TVB股價又又又創新低
一度見4.35 收市跌2.61%

潮流興倒轉，Channel絲都發現有啲嘢倒轉之後真係會開心好多㗎～🥳

是咁的，TVB電視廣播（00511）嘅股價今日又又又見新低啦，下晝三點幾左右一度見4.35元，又破咗至抵價呀！大家有無走寶呢？

可能因為實在太抵買，臨收市前有精明投資者買入885萬股，最尾股價收市報4.47元，全日跌2.61%。

唔好喊呀TVB Buddy，唔緊要㗎，跟住陶大宇一齊唱《倒轉地球》，送走對股價嘅擔憂，抖抖先再講啦🥸！

#channelchk #TVB #電視廣播 #00511 #抵買 #無綫 #股價 #股市 #倒轉地球 #陶大宇

傳曾志偉邀葉念琛 仿韓《Penthouse》拍狗血劇
TVB股價單日重挫半成再創新低 市值跌穿19億

自從曾志偉上任TVB助理總經理之後，電視台頻頻有「大搞作」。有傳媒引述消息，就話曾志偉邀請咗葉念琛導演，一齊構思一套好似韓劇《Penthouse上流戰爭》嘅劇集。

劇嘅內容就仲諗緊，不過大概會係講幾個女仔啲鬥爭，又點樣一齊復仇呀等等。仲話志偉相當放心交呢套劇畀葉念琛發揮，因為覺得佢都幾擅長呢方面嘅題材。不過，睇嚟網民對於TVB翻兜韓劇，都有一兩句微言：「抄嘢真係好叻嘅啫，人地紅嘅抄晒返嚟，腦都唔洗用，幾好。」相比翻兜韓劇，有人就話「重拍皆大歡喜好過」。

除此之外，聽講呢套劇嘅人選，就係近期TVB力捧嘅四朵花：陳瀅、劉佩玥、蔣家旻同埋之前拍《香港仔》同曾志偉有情慾戲嘅蔡潔。雖然TVB力推佢哋，不過網民就話如果「三大女主角是朱咪咪，苑瓊丹和花姐」，就「一定捧場」，又有人覺得「4個女主角完全唔吸引」。

講開又講，TVB股價今日（6日）又再插水，仲創埋新低，市值已經跌穿19億喇。Channel絲對於翻拍咩劇，搵咩人拍都冇乜意見嘅，唔知曾志偉咁多新搞作，會唔會成功搞返旺TVB呢？

#channelchk #TVB #電視廣播 #00511 #抵買 #無線 #股價 #股市 #曾志偉 #葉念琛 #Penthouse #陳瀅 #劉佩玥 #蔣家旻 #蔡潔 #韓劇