打針抽機票今早起可登記 名額5萬張
網站一度塞爆 快運會員轟「完全入唔到」

港府出盡招數「谷針」，商界及機構亦全力配合，雖然通關無期，機管局就照贊助5萬張機票。已打針嘅香港居民今日（16日）10時起可於網上登記抽獎，但事前必須登記成為國泰航空、香港快運（HK Express）或亞洲萬里通會員。

不過，今早有唔少香港快運會員表示「完全入唔到」，Channel絲喺一個多小時內嘗試登入好多次，亦唔成功；香港快運小編就留言話因為反應熱烈，網站可能要多啲時間處理，提大家只要喺9月30日之前登記都可以參加。至於國泰網站，今早就登入前就要先等10分鐘，大家想早啲登記抽獎就要畀啲耐性喇！

任何持有香港身份證的永久或非永久居民，於9月30日或之前在香港已打兩劑疫苗，或已接種一針的COVID-19康復者，可於今日（16日）至9月30日登記抽獎。參加者不設年齡限制，但須先登記為國泰或香港快運會員，或亞洲萬里通會員；參加者亦可分別到國泰（ https://bit.ly/3ltYMNh
）及香港快運（ https://bit.ly/2VKXXXv
）的專屬網站登記抽獎，惟每名參加者都只有機會贏得經濟客艙來回機票一張。

抽獎的機票目的地包括歐洲、美國、加拿大、澳洲、日本及南韓等不同航點，參加者可在登記抽獎時，選擇喜歡的目的地組別，但獲贈機票的目的地會由航空公司分派。

得獎結果將於10月8日公佈，得獎者會透過已登記的電郵地址收到通知；國泰及香港快運亦會於10月12日在其專屬網頁公佈結果。

#channelchk #打針抽獎 #機票 #疫苗 #疫苗接種 #機管局 #國泰 #快運 #香港快運 #HKExpress #通關 #covid19