無綫謝東閔捲危駕航拍機事件
「gluestic」反狙擊網民：報咗國安

一個名為「gluestick_production.fpv」嘅IG上傳航拍片，無人機在汀九橋上一度低飛，爭啲擦過巴士頂，疑已觸犯民航處條例。網民幫佢起底，懷疑其真身就係無綫藝人 謝東閔，證據包括IG頭像與「謝東閔影像社」YT Channel吻合，IG嘅航拍片如輕鐵站摸黑低飛亦曾出現於謝東閔IG。網民搵佢對質，「gluestic」以「快啲報警拉我啦x你老x」等「關心語」回應。原來「gluestick」仲「反起底」，將網民嘅帖文cap低，聲稱「已經報咗國安處」，仲話知道佢喺邊度返工。

究竟「gluestick」係咪真係謝東閔本尊，謝生同無綫而家都未有回應。既然謝生講得出自己係公眾人物，上次俾女友朱智賢派帽都即刻開記招。今次被傳涉危險操作航拍機、辱罵網民，無論是否謝生做嘅，為保護自己，係咪都會考慮講兩句澄清／解釋番？何況今次搞到話「報國安」咁緊要。

根據思思 TVB 的二三事fb報道，「gluestick」今次咁火，疑因為嬲豬被起底。雖然佢好快已剷晒涉「危駕」影片，但網民已backup仲send返畀「gluestick」，「gluestick」爆粗還擊，又質疑對方係咪「唔x夠膽個樣出嚟見人」。

受辱罵網民向「思思 TVB 的二三事」透露，「gluestick」仲「反起底」，留言俾該名網民，話知道佢喺邊度返工，又cap低其fb帖文，send返網民影嘅《蘋果日報》畀佢，聲稱「已經報咗國安處」、「祝你x家平安」。

咁究竟「唔x夠膽個樣出嚟見人」嘅係邊個？Channel 絲都好想問下謝東閔，又或者「gluestick」，可惜「gluestick」唔止刪晒啲片、改名做「abcdefgdndvsjznvd」，近日帳號仲已經停用。

#TVB #謝東閔 #無人機 #航拍機 #國安處 #朱智賢 #公關災難 #channelchk

英國BBC及《衛報》教整賀年美食 用呢啲道具？

農曆新年仲有兩個星期就到，而睇嚟英國嘅傳媒同行都想沾染下賀年氣氛，就出咗啲賀年食物嘅食譜。

係呀，你冇睇錯。Channel絲一開頭都以為我睇錯。

英國《衛報》噚日（16日）就刊登一篇賀年食譜文章，就講3位美食作家推薦嘅賀年粵菜、川菜同埋台灣菜。當中呢款「酸辣豬肉蟹肉餃子」嘅食譜，提到餃子形狀就好似一個金元寶，就寓意財源滾滾，所以用嚟賀年。不過影相就擺咗啲金銀衣紙喺側邊，errrrrr……

而BBC就可能因為見到個吉儀上面有個「吉」字，就以為同利是封係同樣道理，同樣用法，所以就擺咗喺度影相。

而一個駐英國記者 Vivienne Chow 就喺Twitter同返兩間媒體解釋成件事，同時都有另一個記者Laurel Chor，話之前喺巴黎好想食亞洲菜，所以就去食金邊粉，點知上碟嘅時候係一支筷子打直咁篤咗入個金邊粉……

BBC Food其後都拎走咗幅相，不過Channel絲啱啱整呢張圖嗰陣，《衛報》個網都仲有顯示。新年流流，大吉利是咩🙏🏻🥵

#channelchk #公關災難 #BBC #TheGuardian #衛報 #農曆新年 #賀年食物

Initial中國爆公關災難
員工新年訂清明花圈畀客 天貓店被投訴至關閉

喺香港擁有多間分店嘅服裝牌子Initial，近日喺內地爆發一場「公關災難」。事源一位網民喺「小紅書」上控訴，因為一啲溝通誤會，Initial嘅一位天貓客服竟然幫佢訂咗個清明節花圈，新年流流真係大吉利是囉～

事源Initial網店寄錯咗件衫畀呢位網民，於是客服就Send短訊叫佢寄返件衫畀鋪頭，但唔知咩事嘅網民以為客服係騙子，所以開頭就無理到件事。直到後來開返個App，竟然發現個Initial客服訂咗個花圈俾佢。網民再向Initial客服細問多次之下，發現其實係職員咁啱又填錯電話、地址，所以佢根本無收到件衫，而客服傾傾吓亦都承認訂咗花圈，但而家已經退咗貨，為事件同網民道歉。

不過道歉平息唔到位網民嘅怒火，件事喺網上傳開去之後，更加惹起咗公憤。Initial上海一位高層急急親自打畀網民道歉補鑊，但就話涉事員工「情緒激動」唔敢炒咗佢⋯⋯補鑊失敗，最後間天貓店就俾人投訴到要關閉。

雖然Channel絲無用淘寶呀天貓呀呢啲好耐，但原來可以幫人訂花圈又真係幾過癮，唔知各位有無仇人嘅淘寶Account？

#channelchk #Initial #天貓 #淘寶 #公關災難

雪姨潛水後出片介紹麻糬甜品 三店急割席：死亡之吻來得有點突然

雪姨早排因為基隆茶餐廳盆菜風波，潛水潛咗一排之後可能想試下水溫，又出食評片！不過出咗呢條「三間港島區超長龍人氣麻糬甜品店（非廣告）」推介片之後，三間小店先後都出Post割席，話冇搵雪姨合作，其中一間仲要Hashtag「死亡之吻來得有點突然」。

即睇全文👉🏽https://cutt.ly/4AXD9Dc

#雪姨 #KOL #基隆茶餐廳 #盆菜 #麻糬甜品店 #麻糬 #港島 #JamesBonbonBakery #治癒果子店 #CookieVission #YouTuber #公關災難

【日本吉野家公關災難史細訴 處女染毒癮論捱轟掀罷食｜盤點東瀛父權怪象 曾禁女性登富士山 護士闖相撲台急救暈倒漢 反被叫離場】

大家如果去日本旅行，仲會唔會食吉野家？🤔

去片👉 https://youtu.be/mSS8MFxha-8

#channelchk #吉野家 #日本 #jp #japan #yoshinoya #牛肉飯 #行銷 #marketing #公關災難 #pr #publicrelations

日本吉野家再爆公關災難
誤判混血兒為外國人
拒其參加招聘會

繼有高層在教學時講出性別歧視言論後，日本吉野家再一次引爆公關災難。事緣有就讀大學4年級的網民在twitter發文，表示作為混血兒的自己有日本國籍、在日本成長，卻被吉野家判斷為是外國人，取消她參加招聘說明會的資格。事件隨即引發日本網民熱議。

該名女生接受「朝日電視台」訪問時表示，她不曾被對方確認國籍，相信她被判斷為外國人，是因為她的姓名以片假名書寫。

全文👉🏻https://bit.ly/3kSrbwB

#吉野家 #日本 #混血兒 #歧視 #公關災難 #channelchk

【戶戶送死機3小時冇通知 遲到失蹤虛報樣樣齊 捱餓食客淪步兵 自費搭車取餐 Deliveroo罕爆公關災難玩謝小店平民】

網站睇片👉https://bit.ly/3PhdlBr

辛苦搵來自在食，但有時也不容易。著名外賣速遞服務商Deliveroo戶戶送，在2022年7月16日晚上7時許罕有全球死機3小時，癱瘓車手派遞，令大量製備好的訂單滯留食店，更在本港引爆公關災難。大批香港客戶和食店投訴戶戶送一直沒公佈系統故障，僅靠大眾自行互通消息，亦批評訂單失蹤，甚至虛報已送達，但又不能取消或退款，相當無助。

#channelchk #deliveroo #戶戶送 #公關災難 #外賣
＝＝＝＝＝＝＝＝＝＝＝＝＝＝
😎新一輪商戶優惠大募集又開始啦！🤝
誠邀各商戶提供專屬優惠畀我哋會員，互相宣傳；
有意請電郵至：marketing@channelchk.com
＝＝＝＝＝＝＝＝＝＝＝＝＝＝
新聞有價 記者有格 $128保就業計劃
立即訂閱：ttps://bit.ly/3wEkVhz
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出$200元電子禮券！
報料：https://bit.ly/38XUGu7

梨泰院慘劇｜行政安全部長官指提前部署亦不能避免意外 遭斥逃避責任

全文👉https://bit.ly/3sGUc27

南韓梨泰院昨晚（29日）發生「人踩人」意外，慘劇目前釀成最少153死、103人傷，其中24人重傷，死傷者大多為年輕人，當局另接獲3,580宗失蹤報告，全國由即日起進入哀悼期至11月5日。由於昨晚是防疫兩年多以來首個大型街頭慶祝活動，有指當時有10萬民眾湧到事發區域，而警察則只有200名，當地政府被批評沒有做好人流管制及為該區分配足夠警員。

據韓媒報道，行政安全部長官李相民於記者會回應相關批評時，說當局今年的人手安排與往年的萬聖節沒有太大出入，又指就算提前部署好亦無法避免意外發生，他更稱昨日首爾市內有不同的抗議及請願活動，因此分散了警察和安全部隊的人手。李的一番言論獲廣泛報道後，隨即引起韓國民眾憤怒，有人批評他逃避責任，亦應為慘劇引咎辭職，「這個政府瘋了嗎？」、「閉嘴當幫忙吧」。

南韓總統府則拒絕置評李相民的言論，稱因為未能掌握他當時確切所表達的意思，故不宜發表意見。

#梨泰院 #南韓 #韓國 #公關災難 #Channelchk
＝＝＝＝＝＝＝＝＝＝＝＝＝＝
新聞有價 記者有格 $128成長計劃
立即訂閱：https://bit.ly/3wEkVhz
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
「爆片爆相」返嚟喇！
一經獨家採用將會獲得由網上零食店易買
送出$200元電子禮券！
報料：https://bit.ly/3S3zjZy