葵涌邨深宵封多1廈 4am-7pm困家等強檢

疑因拾荒漢傳染清潔工、終令至少20住客染疫的葵涌邨逸葵樓，全棟2,500名居民先被圍封強檢，再禁足居家隔離5日。但壞消息未止，由於同邨另一棟住宅映葵樓多2人疑感染變種COVID-19病毒，政府罕有凌晨4時突襲圍封該廈，上門陸續叫居民起床，在下午1時前強檢，並爭取在晚上約7時解封。黎生們慘了～

政府在新聞稿指，居民將獲安排到臨時採樣站，接受核酸測試；由專人以咽喉和鼻腔合併拭子採樣。政府會為行動不便的人士和長者，安排上門採樣。全部人須在下午1時前完成檢測。在所有人完成檢測和檢測結果公佈前，居民須留在其處所，以減少交叉感染風險，目標在晚上7時解封。

至於若有僱員因封樓強檢而未能上班，政府發言人在稿中僅稱：「希望僱主能酌情處理，不要扣減員工的薪金和福利。」

P.S. 小編4am出呢個po，其實冇OT錢😥但唔出又唔得...

漁署3日殺2,229倉鼠 多預期逾倍 單日滅1,299隻
袁國勇料銅鑼灣店逾10%染疫 大埔倉庫3%

漁護署指，1月21日「人道處理」多1,299隻倉鼠，來自全港寵物店，連同1月19日毀滅的Little Boss銅鑼灣店69隻及其大埔倉庫861隻，即3日內增至2,229隻倉鼠被殺死。由於驗出COVID-19病毒的全港寵物店有所增加，其店內的倉鼠亦受牽連，故被殺滅數目較原先預期約1,000隻多逾倍。

政府專家顧問袁國勇在1月20日晚撰文，解釋殺鼠令，透露漁護署初步驗出Little Boss銅鑼灣店逾10%倉鼠帶有COVID-19病毒。同晚，他視察爆疫的葵涌邨逸葵樓，被記者追問殺鼠令時再透露，其港大研究團隊抽驗Little Boss大埔倉庫其中100隻，發現有3隻帶有病毒，推算倉內1,000隻有3%受感染。

但他重申，其港大研究團隊在Little Boss銅鑼灣店發現的Delta變種COVID-19病毒，具有「D427G」的特殊突變，而且在捷克未被發現，擔心此新變種病毒會廣泛散播，贊成要果斷忍痛撲殺在冬至抵港的所有倉鼠。

漁護署1月21日深夜公佈，與Little Boss同集團的I Love Rabbit，其銅鑼灣及大埔廣場分店的環境樣本都驗出COVID-19病毒。衞生署決定強制此2間寵物店的所有到訪者，員工更要入隔離營檢疫。

#銅鑼灣 #大埔 #寵物 #倉鼠 #漁護署 #channelchk #LittleBoss #Delta #Omicron #COVID19 #變種病毒 #疫情 #人道毀滅 #人道處理 #袁國勇 #animal #pet #iloverabbit #hamster

【1.21強檢名單重點】青衣吉野家、荃灣悅來坊KFC、荃灣滿屋日本料理、九龍城啟晴君豪餐室、九龍灣南豐餐廳、東涌Cinnabon、東薈城麥當勞、觀塘牛大人、深水埗譚仔（共39地點）

此外，驗出污水含病毒的黃大仙豪苑、鳳德公園和嗇色園社會服務大樓；以及驗出環境含病毒的寵物店I Love Rabbit銅鑼灣及大埔廣場分店，所有在指定時段到訪的人都要強檢。

【逸葵樓群組續擴大】
多間傳媒引述消息指，已全幢圍封嘅逸葵樓及清晨突圍封強檢嘅映葵樓，今日新增逾40宗初步陽性個案。

【最新】
下午1時許，多間傳媒再引述消息指逸葵樓、映葵樓增逾70宗初步陽性個案。

港鐵宣佈，觀塘綫油塘站有月台幕門設備故障，調景嶺至觀塘站列車服務暫停；觀塘至黃埔站則維持服務。有線新聞報道，油塘站月台一度火警，大批市民疏散。

【最新】油塘站關閉！港鐵表示，油塘站有月台幕門設備故障，車站已經關閉，來往觀塘站至調景嶺站服務暫停；黃埔來往觀塘站列車則每4分鐘一班。

住逸葵樓警隊女文職人員初步確診
有緊密接觸同袍接受檢測

葵涌邨逸葵樓群組不斷擴大，一名住在逸葵樓的警隊女文職人員亦初步確診！與該文職人員可能有緊密接觸的警務人員及文職人員，需接受病毒檢測。

警方表示，一名駐守人事部人事服務及職員關係科的32歲女文職人員初步確診，患者在荃灣政府合署上班，前日（20日）最後一日上班。警方指高度關注事件，警方亦已派員清潔及消毒文職人員的工作地方。

#channelchk #警隊 #文職人員 #初步確診 #香港警察

大埔有私家車跣軚失控自炒，車頂被劏開，場面驚險！不過正所謂「＿到盡頭便是型」，司機同乘客繼續淡定坐喺度，Chill～🚬

去片👉https://www.youtube.com/watch?v=p1rwtMwMzdI

#channelchk #車禍 #私家車 #大埔

許樹昌料年初四恢復晚市堂食微乎其微

政府早前延長禁晚市堂食、關閉表列場所等社交距離措施至農曆年初三（2月3日），已令食肆及相關行業叫苦連天，甚至要結業。隨着第五波疫情惡化，政府專家顧問、中大呼吸系統科講座教授許樹昌預料，年初四放寬社交距離措施微乎其微。

許樹昌出席電台節目後形容，本港正面對變種病毒Omicron、Delta兩條「戰線」，「年初四我相信都冇乜可能可放寬社交距離措施，因為而家兩條戰線，又有Omicron又有Delta，而家葵涌屋苑又有爆發，我哋都要時間搞清楚社區有無擴散。」

他建議政府帶頭容許非緊急公務員在家工作，以鼓勵私人企立業及院校效法，並期望大眾做好防疫措施，減低市面人流，有助減少疫情擴散風險。

#channelchk #年初四 #禁晚市堂食 #社交距離措施 #許樹昌 #Omicron #Delta

【今增26宗確診 25宗本地感染 其中3宗源頭未明 ／
個案主要涉及逸葵樓、映葵樓 5宗涉佛教筏可紀念中學／
另暫錄逾100宗初步確診 96宗屬逸葵樓】

加埋就快200歲嘅謝偉俊同白韻琹喺酒店外出現，佢哋仲十指緊扣，真係恩愛到震呀～

去片👉🏻https://youtu.be/O9KYT9gVF7I

#channelchk #謝偉俊 #白韻琹

大窩口邨81歲老婦、18歲學生染疫
與逸葵樓相距約600米

葵涌邨逸葵樓出現大規模群組感染，而與其僅相距約600米、10分鐘路程的大窩口邨，亦相繼出現確診個案。一名居於大窩口邨富強樓的81歲老婦確診，衞生防護中心暫時尚未找到其感染源頭。病人於1月18日發燒，其後求診，Ct值約17，已注射3劑科興疫苗。當局指，她平時出外主要都是買餸，無特別活動，會與保安打招呼。傳染病處主任張竹君補充，邨內一名保安早前染疫，他居於葵涌邨逸葵樓。

除了這名81歲婆婆，邨內一名就讀地利亞修女紀念學校（吉利徑）的18歲學生亦初步確診，她居於富德樓。由於早前出現感染群組的是百老匯分校，當局仍然在調查這宗個案。

#channelchk #COVID19 #omicron #Delta #葵涌邨 #逸葵樓 #大窩口邨

「妹控」Edan 25歲生日po嘟嘴錫妹妹相要經審批
小如豬感謝哥哥好忙仍陪伴傾偈開解

MIRROR成員Edan（呂爵安） 噚日25歲生日，向來係「妹控」嘅佢喺Instagram po咗同妹妹「小如豬」一齊慶祝嘅合照，其中一張見佢嘟嘴想嘴妹妹，但妹妹就擺出嫌棄嘴臉。Edan仲話張相花咗一番唇舌先出到，「審批越嚟越難過了！」

Edan喺po寫下感受，話喺出道時set咗個目標畀自己，「就是希望自己25歲能做到一些成績出來，起碼能夠養活自己，不用家人擔心（雖然不知道為什麼是set 25歲哈哈😂😂），現在想跟當時21歲的傻小子說聲：你個傻仔做到了！🥰🤣」

Edan又希望繼續做好自己，繼續努力，繼續進步，帶更多好作品畀大家，亦希望身邊每一位，每天都開開心心，順順利利，健健康康，幸幸福福。佢亦多謝「爵屎」嘅生日應援，「#看到大家到不同的生日應援打卡 #見到大家高興我也很高興呢 #很感受到大家的愛」。

「小如豬」亦po咗兩兄妹嘅舊合照，同哥哥講生日快樂同送上祝福，「今年無論喺唱歌演戲都見到你落好多心機，希望你新一歲對自己有自信d，進步大大，令你嘅努力有回報♡平時多謝你好忙仲夜晚陪我傾偈開解下我 加油啦多d休息٩(๑•̀ω•́๑)۶」。

#channelchk #Edan #呂爵安 #小如豬 #生日

【林鄭：葵涌邨全部清潔工都要隔離檢疫、映葵樓開始5天圍封檢測，但膳食要明天起才有供應，希望居民體諒今晚無晚餐派發】

除了葵涌邨逸葵樓及映葵樓須圍封5天，其餘4幢鄰近大廈芊葵樓、曉葵樓、旭葵樓及雅葵樓，今晚亦會圍封強檢，另外邨內其他大廈及紀律部隊宿舍安葵閣、樂葵閣亦會被列入強制檢測名單。特首林鄭月娥呼籲，希望接下來仍可自由出入、從事高風險行業的葵涌邨居民，不要出門上班，以防止病毒傳播，冀僱主體諒。
#channelchk

港府曾叫港人「先苦後甜」 年初四有望放寬措施
過去一周疫情急速反彈 林鄭今稱解禁機會微

上星期五（14日）林鄭曾召開記者會，除了宣佈延長社交距離措施外，更說本港疫情正逐步回穩、當局成功截斷傳播鏈，如疫情沒有出現明顯的大逆轉，年初四有望可以疫苗氣泡為基礎，解除晚市堂食禁令、處所重開等，甚至提到「通關可期」。

惟在過去一星期，疫情急速反彈，先出現銅鑼灣Little Boss員工感染Delta、倉鼠被驗出陽性要被「大屠殺」、油麻地海景絲麗酒店巴裔婦群組更蔓延至葵涌邨致大爆發，林鄭月娥於今晚（22日）的記者會上明言，年初四放寬社交距離措施「機會微」，但她亦稱當局會再仔細討論，並適時再公佈。

#channelchk #疫情 #林鄭 #COVID19 #Omicron #倉鼠

雪姨拍盆菜片捧Ritz-Carlton 踩低良心茶記基隆
大彈髮菜少兼趁機植入廣告 網民：識唔識咩叫尊重？

向來人緣廣、出名富貴嘅KOL雪姨，因為一條盆菜評比片，喺網上引爆咗場公關災難。

事源佢出咗段片比較3間迷你盆菜，包括係酒店Ritz-Carlton售$688嘅一人份盆菜、帝京酒店$788二人份盆菜同埋深水埗基隆茶餐廳$128嘅一人份盆菜。用酒店同茶記比較，就咁聽落都怪怪地，而雪姨喺片中更加大彈基隆唔抵食、蝦肉霉、鮑魚差Ritz-Carlton「太遠」，仲嫌髮菜唔夠多，趁勢插入「金主爸爸」嘅養髮液廣告，最尾只俾2.5分基隆、 而帝京有7.5分，Ritz-Carlton就最高有9分。

呢段片除咗俾網民狠批實測嘅對象錯晒之餘，雪姨亦都被鬧用基隆趁機賣廣告嘅方式「非常唔尊重」。而由於基隆茶餐廳出晒名係良心小店，更加成日會派飯俾長者同埋其他有需要嘅人，令網民更加為基隆感到不值，覺得雪姨非常離地。經過觀眾喺YouTube嘅負評留言同連登Post，雪姨無耐之後就將條片下架，仲喺YouTube社群發聲明道歉，話因為「出邊好少地方有出迷你盆菜」，
所以條片先會咁拍。

雪姨仲話，除咗佢嘅Content team，佢身為老闆都責無旁貸，又以自己搞緊「大乾爹市集」為例，聲稱「引入咗好多有質素嘅小店」、「其實我係同上年一樣都係幫好多小店免費宣傳」。但雪姨並無將呢段道歉聲明擺喺IG同其他平台，只係話希望大家見到道歉文後，「千祈唔好以為我冇將你哋同埋冇將呢件事擺喺心中，唔好覺得我仲係離地風花雪月」。

雖然IG一個相關嘅Post都見唔到，不過雪姨就有覆到網民鬧佢嘅留言，話「嚟緊會為基隆做返啲事」。而一眾討論區嘅網民就似乎就唔多受落，覺得雪姨仍然意識唔到自己問題係邊，又淨係識以Content team做藉口等。唔知大家又點睇呢？

#channelchk #雪姨 #基隆茶餐廳 #盆菜

朗豪坊外有兩男為女大打出手，其中前男友更當眾跪低求復合，唉，問世間情是何物？👺
去片👉https://www.youtube.com/watch?v=Sgi6SeBviGw
#channelchk #打交 #前女友 #前男友 #朗豪坊 #旺角

今日疫情新聞，邊部份你最深刻？警隊女文員中招、映葵樓封5日、瑪嘉烈2名健康助理染疫、81歲婆婆打3針科興都確診⋯⋯🤔

去片👉https://www.youtube.com/watch?v=hZ41EHlSi_M

#channelchk #omicron #疫情 #COVID19