元朗自炒意外一刻曝光 清潔工與死神擦過 4男女受傷送院

網上流傳片段，影到元朗合益街市發生交通意外一刻，保時捷高速炒上行人路，差啲撞到推住垃圾車嘅清潔工人，幸好無撞到正，架車就喺佢身邊擦過，清潔工定一定神之後自行起身。

晚上6點半元朗合財街合益街市發生交通意外，出事嘅係一部保時捷，懷疑失控自炒剷上行人路，撞爛鐵欄及路牌，車頭嚴重損毀。

據悉，肇事女司機曾一度昏迷，及後清醒，佢同女乘客都係南亞裔人士。意外導致2男2女受傷送院，一個途人擦傷手腳。有現場人士指，曾聽到好大聲踩油門，然後架車就撞埋去，懷疑女司機喺車輛失控後想踩Brake，但慌亂下踩錯油門，但確實意外原因仍有待警方調查。

去片👉https://www.youtube.com/watch?v=vjypU2vinPs
#channelchk #元朗 #車禍 #車Cam

已婚警DONKI偷拍女子裙底罪成 還柙候判
官斥辯詞匪夷所思 被告行為令大眾厭惡

休班已婚交通男警去年初在尖沙嘴Donki用經剪裁的環保袋，露出手機鏡頭去偷拍女子裙底。他早前否認一項作出有違公德的行為罪，今於東區裁判法院被裁定罪名成立。被告還押至1月26日判刑，其間法庭會索取其背景及心理報告。

被告蘇賢浩（38歲）被控於去年1月21日，於尖沙嘴美麗華二期廣場DONKI內作出猥褻、淫褻及令人憎惡的行為，即偷拍事主X裙底。辯方求情指，被告與妻子育有兩名就讀小學的兒子，過往奉公守法，經審訊定罪後，或被革職及失去長期服務金；而案發後，被告飽受精神折磨，已受教訓。

裁判官葉啓亮批評，辯方指袋上的洞口是被告與保安員拉扯所造成的說法匪夷所思，認為是為脫罪杜撰的藉口；從閉路電視片段可見，被告當時不似選購貨品，而是尋找目標女子拍裙底，再用連接手機的遙控器拍攝。葉官並稱，控罪雖然只涉一名女事主，但案件明顯涉及不止一名女性，直指被告行為不但令事主不安，亦令大眾厭惡，明言本案不宜判處社會服務令。

#channelchk #DONKI #已婚警 #交通警 #休班警 #偷拍 #猥褻

【政府七時起封香港仔石排灣邨碧朗樓】
一名20歲男大學生初步確診，政府晚上七時起圍封其居住的香港仔漁光道68號石排灣邨碧朗樓，居民須接受強制檢測。

元朗車禍有前傳！原來涉事保時捷出事前，曾經褪後撞倒一架車再衝前🥶

去片👉https://www.youtube.com/watch?v=z0Cb4aunx9A
#channelchk #元朗 #車禍 #車Cam

除罩疫慌洪門宴 增至222人去過 111人隔離
暫僅「少女」王詩雅及女馬主陳穎沁染疫
由私竇轉場其餘3人 TVB記者郭詠欣隔離中

衞生署衞生防護中心傳染病處主任張竹君在疫情記者會被多番追問，終願公佈1月3日晚在灣仔西班牙餐廳舉行的除罩疫慌洪門宴，找到的出席者增至222人，其中111人與患者同時在場（當晚9時半後），要入隔離營檢疫。

至於出席宴會的患者維持2人。有報道指，2人分別為37歲「少女」、中環榮源茶行太子女王詩雅，以及43歲女馬主陳穎沁。2人與TVB記者郭詠欣及另外2人在晚上9時半一同到場前，原來曾在西營盤干諾道西155號地舖「飲嘢」和「食少少snack」。同場還有7至8人，與郭詠欣同被列為密切接觸者要檢疫。

本身是廠商會青年委員、冠有不少建制派名銜的王詩雅，與壽宴主角、人大代表洪為民關係友好。至於陳是港澳深圳市僑聯聯宜會會董、香港青年關愛協會公關主任，以及新界居民婦女聯合會會長。不過陳本來未獲洪邀請赴會，是王帶她入場。

#王詩雅 #陳穎沁 #洪為民 #洪門宴 #隔離 #馬主 #少女 #疫情 #安心出行 #D類食肆 #疫苗 #針卡 #針紙 #COVID19 #omicron #口罩 #channelchk #郭詠欣 #TVB #張竹君

如果求升職加薪，風水佈局有咩要注意？一齊跟碧霞老師睇吓青衣翠怡花園呢個盤啦！

去片👉https://www.youtube.com/watch?v=SZ4BsFc2-v8
#channelchk #玄機解樓 #碧霞老師 #青衣 #翠怡花園 #風水

SOGO強制Sales打針 唔打隨時無工返
專櫃員工批評開壞先例：完全冇同我哋公司諮詢過

SOGO崇光百貨疑因為銅鑼灣分店有2名店員先後染疫，發信要求所有該店及尖沙咀分店的零售人員於月底前打針，並於2月4日前完成員工疫苗接種紀錄，因身體因素未能接種疫苗者，則要提交健康證明書。

屆時所有未打針的員工會被要求「三日一檢」，須提交陰性結果證明方可上班 ，SOGO於信中強調會「嚴格執行」措施，未打針又沒有證明的人將不可進入員工範圍。

唔打針隨時無得返工，讀者何先生（化名）就同Channel C控訴，話佢根本唔係直接受聘於SOGO，只係咁啱被派到SOGO分店。即使公司本身並無強制何先生在內嘅員工打針，但佢哋今次都畀呢項新政策搞到被迫要打， 「完全係冇同我哋自己嘅公司夾過或諮詢過，係SOGO單方面咁強推要打針嘅呢個做法，完全唔理我哋嘅意願」。

何先生又認為，SOGO今次做法有如喺零售行業「開壞先例」，擔心越來越多店鋪會跟隨新政策。至於第五波疫情大多涉及Omicron個案，何先生認為藥廠所披露的數據不足，兩款疫苗亦暫不足以抵抗新變種病毒，坦言對疫苗作用「不抱信心」，惟在SOGO新政策下，公司備受壓力，佢根本「冇得揀」。

#channelchk #疫苗 #SOGO #強制檢測

張竹君罕有失笑 疫情記招花絮輯錄
妙答記者妙問：你有新穎追蹤方法？

#張竹君 #疫情 #點新聞 #陸田園 #廣場舞 #大媽 #channelchk

袁國勇澄清「兩個口罩」論：係戴完外科口罩再戴布口罩

北角楓林花園3期懷疑出現垂直傳播，港大微生物學系講座教授袁國勇今日（12日）視察完環境之後接受傳媒訪問，除咗講解返個案詳情，仲建議市民可以戴兩個外科口罩，增強過濾能力，唔洗全民戴N95咁話喎。

呢番言論一出，隨即引嚟網上瘋狂討論，除咗有人出Post抽水，專家如港大化學系博士K Kwong都有為袁教授解畫。不過袁教授事後就透過傳媒澄清返，其實佢係想講戴完外科口罩再戴一個布口罩，話咁樣效果會好過N95，建議喺高危地方返工嘅人可以考慮。

其實近日有外國嘅專家都提出同一個建議，解釋布口罩可以提高外科口罩嘅貼合度，可以更加防止Omicron傳播。不過，無論戴布口罩定外科口罩，講到戴兩個罩，香港人平時都應該已經慣晒啦⋯⋯

#channelchk #袁國勇 #口罩 #外科口罩 #布口罩

【旁白師自肥系列】
Ivy So成功以女團出道！旁白師訪問咗一班蘇蝦，凌晨趕製呢條片，講講大家撐蘇媽嘅心路歷程同展望～😌
👉 https://youtu.be/9nIXf5fEKm8

【1.12強檢名單重點】瑪麗醫院急症室、香港中央圖書館、上環壽司郎、炮台山譚仔、皇室堡CoCo壱番屋、灣仔心事如塵、油塘大食代（共20地點）

袁國勇：長期病患 機場等高危點工作可戴兩個口罩
倘沒有源頭不明個案 農曆年前後可停第五波

港大微生物學系講座教授袁國勇昨（12日）建議市民戴兩個外科口罩防Omicron變種病毒後，晚上就澄清指是戴完外科口罩再戴一個布口罩。他今日接受商台節目再建議，戴兩個口罩能減低「漏氣」情況，因為外面的口罩可壓住入面的口罩。若外面戴好貼面的布口罩，可將入面外科口罩更貼面頰，過濾效果更好，但現時未必每個人都要戴兩個口罩，「如果你係長期病患者，尤其無辦法打疫苗，亦可能從事高危行業，例如喺機場做，尤其喺室內好密封情況下，都可以考慮。」

被問到長者戴兩個口罩可能令影響呼吸暢順，袁國勇直言「無辦法完全可乜嘢代價都唔付，就增加口罩濾過能力。」但他指，布口罩的過濾能力雖然比外科口罩弱好多，但其主要作用是令入面的外科口罩更貼面，研究亦指對呼吸影響不大，反而「戴兩個外科口罩係辛苦啲。」

袁國勇又被問到視察「疫廈」時會否戴兩個口罩，袁國勇稱他所戴的是鴨嘴N95口罩，因為視察地方屬高危，又未經消毒，「鴨嘴N95其實係瑪麗醫院嘅，因為好多護士覺得戴鴨嘴N95好難睇、唔靚，見無人用不如戴嗰啲，.....所有醫院唔用嗰啲都收集晒。」

他又說，現時確診數字無幾何級數升，反映疫情受控，暫時大部份傳播鏈都已搵到源頭，除了仍未找到超市理貨員的感染源頭外，若搵到所有傳播鏈，而數目仍維持在確診者的緊密接觸者及家人，「香港呢一波疫情有望農曆新年前後停到落嚟」，但最重要仍是接種疫苗。

不過，呼吸系統專科醫生梁子超在港台節目表示，目前疫情是否受控仍言之尚早，因為本地陸續發現新個案，並需要較長時間才找出傳播鏈，相關密切接觸者或未及找出，屬危險警號，擔心有大量隱性個案仍未被識別。而Omicron傳播力較強，故此現階段說疫情好轉，或誤導公眾。

另外，銅鑼灣希慎廣場「牛気」懷疑出現傳播，袁國勇重申，打邊爐不會增加傳染風險，「唔會因為熱空氣上升製造多啲霧化污染」，而火鍋店理論上空氣轉換量高，相信兩人要坐得好近、「貼住耳邊講嘢」才造成傳播。但今次兩名患者「隔成行」仍傳播病毒，袁坦言感奇怪，推測病毒可能透過食肆的共用物品，例如食物夾傳播。

#channelchk #袁國勇 #兩個口罩 #外科口罩 #Omicron #確診 #第五波疫情 #農曆新年

明知巴士咁多人，都仲要食住煙慢駛…而家啲的士司機真係😮‍💨

睇到都炆👉🏽https://www.youtube.com/watch?v=YI7aWmS3Cvg

Viu另組女團？
照板煮碗組另類女團DOLLAR Ash Sica Alice 疑為一員

COLLAR昨日才正式出道，另一邊廂已有傳ViuTV另外會再組一隊風格不同的女團，模仿MIRROR及ERROR的模式，為求吸納不同喜好的粉絲。

有網民在沒有入選COLLAR的《全民造星IV》參賽者Instagram尋找到蛛絲馬跡，分別在Sica、Ash、Alice、Yoyo、Win Win的簡介標籤了「@viutv」，也有寫上了相關經理人的聯絡方式，只有超酸未有寫下資料。惟有傳另一隊女團將命名為DOLLAR，因首個字母「C」和「D」是相連，有兩隊女團「並肩而行」的意思，而超酸也將會是DOLLAR一員。

不過除了女團發展，也有指ViuTV與她們簽約是作拍劇發展，處女作疑似是即將開拍的新劇《季前賽》。

#channelchk #viutv #全民造星IV #collar #dollar #winwin #ash #alice #sica #超酸 #yoyo #女團

葵興地盤外判工追薪 危站天橋企跳
談判專家游說2小時救回 消防氣墊戒備

【Channel C Telegram專享】
讀者和網媒SOUNDNews記者均報料，指下午1時許，葵興有中年男人危站葵福路行人天橋企跳。從照片所見，天橋圍欄被掛上紅字白布橫額，相信是事主所寫。他指自己是政府工程外判工，控訴大判欺詐，令其「有汗出冇糧出」。消防在天橋底張開氣墊戒備。

警方嘗試游說事主返回安全位置，談判專家其後到場加入游說。至下午近3時，事主由救援人員協助，返回安全位置，並無受傷，由救護車送院檢查。受事故影響，上址部份行車線要封閉，交通一度繁忙。

（照片由Channel C讀者和網媒SOUNDNews記者提供）

【由於朱克伯格好憎呢類內容，小編唔敢喺FB同IG出呢個po，惟有喺TG出】

Channel C讀者熱心報料，追加另一張角度。

HKTVmall週一起送貨到竹篙灣 專屬車隊負責
網民大讚：應double pay俾送貨員及司機

要幾大膽幾肯搏先會做呢個promotion？噚日（12號）HKTVmall宣佈增加竹篙灣呢個派送地點，為而家喺隔離營嘅香港人「營中送暖」！

小編喺Facebook話訂單買滿$100，並於結賬時入埋優惠碼「PBQCD100」，即有免運費派送。而由於需要依照申請手續，訂單會喺下星期一（17號）開始派送，而派送可能需時，就請大家耐心等下。貨品會經由送貨團隊派送至竹篙灣，之後交由隔離中心工作人員代為轉交畀營內嘅收件者。

而小編都有提提大家，香煙、雪茄、煙草、噴灑式飲品、賭博用具、容易腐爛物品及未經醫生處方之藥物係唔送得入去架。

有唔少網民都好關心「Team竹篙灣」嘅保護措施，小編都好有心機咁解釋返畀網民聽，就話「Team竹篙灣」會由專屬車隊運作及派送，而呢個團隊係唔會參與其他地區派送工作。另外，派送人員只會將訂單放到指定交付地點，由隔離中心工作人員轉交，係唔會直接接觸正在隔離嘅人。「Team竹篙灣」都會每星期進行兩次檢測同埋嚴守防疫指引，工作前後需要徹底消毒。

除咗防疫，網民都關心「Team竹篙灣」嘅待遇，話「公司應double pay 俾送貨員及司機」，同埋「希望可以加返啲津貼俾送去嗰到嘅前線員工啦，始終嗰到都比較大嘅風險」。原來HKTVmall都有額外津貼，「感謝他們為隔離人士送上所需」。

網民都大讚HKTVmall呢個做法，除咗「好窩心！充滿溫暖」之外，都有人講笑話「終於唔洗自帶微波爐啦」。

#channelchk #HKTVmall #竹篙灣 #隔離營