祝姜B早日康復🥺 一眾姜糖一定會陪你「昂然在那些陰影 笑著行過」！
👉嘮動新聞
粵語版： https://youtu.be/relO6mnIH0Y
國語版： https://youtu.be/TMkQVWQx_bw

＝＝＝＝＝＝＝＝＝＝＝＝＝＝＝＝＝
記得Like、Share同Comment條片，Subscribe我哋
YouTube Channel，仲有撳埋鐘仔搶先睇片喇！
同埋Follow我哋Facebook同IG呀！

https://youtube.com/channel/UCQRdJCdUVkXYPvWZ6_Omkag

#channelchk #嘮動新聞 #姜濤 #KeungTo #姜濤暈倒 #花姐 #MIRROR #AnsonLo #Jer

攰到暈低作嘔 姜濤IG報平安卻自責
「抱歉讓大家擔心 照顧好身體是自己責任」
短短1小時 獲逾萬人留言打氣

姜濤是男神，但男神也要好好休息。9月14日凌晨2時才下班、但早上11時許又到商場出騷的姜濤，疑體力不支，出場僅6分鐘便當場暈低，要由保安扶走，其間多次作嘔，要用手掩口。休息1.5日後，姜濤深夜在IG報平安，卻自責「沒有照顧好自己的身體」、「抱歉讓大家擔心」。

今年5月，屬天團MIRROR一員的姜濤，已在IG慨嘆「I'm tired of everything」；近期更忙個不停，除要出席各大商場活動和幫手宣傳ViuTV劇集，又要力谷新歌和趕拍電影。暈低當日，姜濤穿上厚厚冬裝，出席尖沙嘴海港城活動，雖已化上厚妝，但掩飾不到疲態和水腫，且步履不穩，結果出場6分鐘便暈低。

姜B經理人花姐其後在IG解釋，姜濤當時有少許胃痛，現場環境「有點焗」，加上閃光燈不斷，所以有少許腳軟而「跣低」，但沒大礙，呼籲「大家不用擔心，老姜答應我，呢兩日會好好休息」。

休息1.5日後，姜濤深夜在IG出post和story報平安；在story貼出V字手勢，打上「我沒事~」，又在post撰寫簡短感言，配上踎在地的逆光相，短短1小時即獲逾萬人留言打氣和逾7萬人讚好。這位「一號種籽」在帖文兩度致歉，自責「沒有照顧好自己的身體」、「抱歉讓大家擔心」。

「真的很抱歉
讓大家擔心了

身為藝人
沒有照顧好自己的身體是自己的責任
所以好好聽了花姐的話
今天好好吃飯睡覺了❤️
休息一天後身體狀況好很多了

你們的關心祝福我都收到了
真的很感謝每一個關心我的人
你們都是我生命中的貴人

再次抱歉讓大家擔心了
讓🍬擔心了」

#姜濤 #海港城 #channelchk #MIRROR #花姐 #報平安 #胃痛

真係同新歌一樣搞不懂～Ian被冒認出IG Story
姜濤早前在IG 早前在IG Story連出15posts，罕有地吐露心事。內容大意是入行一段時間，常遭外間作無聊的比較，新聞報道也是有的沒的，卻沒有人留意他的音樂，漸漸的變得害怕跟別人接觸、對身邊人不信任，「我漸漸變得沒那麼愛笑了，公開的活動也越來越害怕自己一個人」。
如不安伴你經過，便能硬朗。We are one and all。哥與弟，姜濤與陳卓賢，互相扶持，但兩人性格也較內向，很少在IG Story傾訴心事。惟昨晚突然流傳一張IG Story截圖，圖中顯示是屬於Ian的IG iancychan，畫面是晚上的海景。「iancychan」寫道：「頭先爭啲呼吸唔到，點解會咁？幾廿歲人咩大場面未見過！見李嘉誠我都未驚過啦係咪先！自言自語不用理我系列。」
幾廿歲人？Ian今年得28歲，何來幾十歲？「見李嘉誠我都未驚過啦係咪先！」Ian係咁講嘢嘅咩？AK都唔會咁老氣橫秋咁講嘢啦。
今午12時，Ian於IG Story出post，貼出有關「iancychan」「疑似情緒爆煲」的報道截圖，圖上簡單加上一句：「LOLLLL DID I?」
經理人花姐亦於IG Story出po：「今日壓力好大，因唔知醒遲到三個鐘，另外祝大家中秋節快糸，請如實報道。」似是隔空回應有關Ian「疑似情緒爆煲」之報道。
由於該改圖用真Ian IG Story圖再加字，加上「弟」姜濤情緒不太好，令不少鏡粉亦信以為真，擔心內歛的「哥」Ian收藏心事壓力太大，幸Ian馬上澄清，令Hellosss及鏡粉放下心頭大石。
也有Hellosss回應指：「我都覺得Ian冇收埋自己，兼簡單回應，做得好好呀！」、「一次又一次有呢啲報道令我哋更加強大，更加團結！」「Ian平時真係唔會咁口語，同埋用呢啲語氣。」
亦有fans留意到花姐近期偶然在IG「放負」，稱：「要支持埋花姐，連佢IG story 都放負，咁下面16 個點算？希望viu management 可以正視經理人架構。」不過亦有fans認為不應再發大件事，「我都唔想Ian 唔開心。」
#ChannelChk #MIRROR #花姐 #IanChan #陳卓賢 #姜濤

譚仔「宜食不宜抽」？Channel C搵財經專家為大家分析！
https://youtu.be/ySz7_og6WzA

＝＝＝＝＝＝＝＝＝＝＝＝＝＝＝＝＝
記得Like、Share同Comment條片，Subscribe我哋
YouTube Channel，仲有撳埋鐘仔搶先睇片喇！
https://youtube.com/channel/UCQRdJCdUVkXYPvWZ6_Omkag

#channelchk #嘮動新聞 #譚仔 #IPO #新股 #試當真 #IanChan #阿冰 #七仙羽 #花姐 #正大師 #財經 #陳卓賢

Anson Kong 29歲生日 生粉全員出動賀壽
曹永廉同日57歲牛一 留言冷清

「陳卓賢我警告你，呢題如果你唔識或者諗多過一秒，即刻絕交！」鍾意嗌人全名嘅有幾多個？咪就係老闆 Anson Kong 江𤒹生AK囉。

「10月！」都未問，陳仔已經答。
「咦我都未問。等我問埋我個問題先。問題你Anson Kong嘅生日月份係幾月？」
「10月！」

IANSON係講默契嘅。10月16號，老闆29歲生日喇！今日亦係其日系街頭服品牌KYUBI誕生日，簡稱KYUBI誕。Happy Birthday呀老闆！祝KYUBI大賣！

AK生日，六壯士之一皮皮 陳瑞輝Frankie Chan貼圖祝「大鼻妹」生日快樂，花姐（黃慧君）噚日就喺IG出生日post，留言："Happy birthday my dear dear dear dear"，AK留言笑指：「聽（今）日再出多個post，Thanks mom﹗」

到正日凌晨花姐再於IG貼短片，片中AK捧住生日蛋糕，花姐問AK：「你可唔可以對住我講一個生日願望或一個承諾？」AK就笑笑口話：「生日願望係希望我下一年生日，花姐係16號先同我出Post。（承諾？）我乖啲啦，唔好激你咁多啦，快啲買樓畀你啦！」

至於KFC精心準備一系列慶生行動正式開始。生日都要開工㗎，AK一大早就同隊長Lokman正副分明咁去中環出席Versace嘅活動，生粉迫塞店舖門外，就連對面馬路都企滿生粉。AK話，今年最大嘅生日願望，就係家人、朋友同貓貓身體健康。至於慶祝活動，當然係同屋企人食飯慶祝！

今日AK牛一，其實仲有一位藝人同佢同日生日，不過年份就相差28年，差唔多一個double——愛國愛港藝人曹永廉。今年5月曹公因為心臟問題，秘密入院通波仔，之前又生腎石，似乎流年健康運麻麻。

曹公生日，有愛國愛港人士透過微博向佢祝福，大讚曹公係佢一位非常敬重嘅演員，曹公亦回謝對方，讚佢係「一個非常愛國愛港的英雄，支持您」。多麼熱血。不 過排隊賀壽嘅人唔太多，微博加埋fb暫時都唔過100，仲有其中一部份係祝福同日生日嘅張達倫Happy Bday。

#AK生日 #曹永廉 #AnsonKong #KFC #生粉 #花姐 #channelchk

花姐捱摑大犧牲
全女班《全民造星IV》11.1首播 大台推男男配對真人騷

ViuTV節目巡禮因為8號風球改為閉門錄影，今晚播出。節目由《全民造星IV》全女班跳唱全新Remix版本的《前傳》打頭陣。壓軸有ViuTV吉祥物生啤帶埋新吉祥物「生菜」亮相。

據ViuTV「歷史記載」，生菜係去參加《造星IV》時被花姐直接招手邀請加入高層之列，節目巡禮尾聲仲同Mirror一齊跳《Boss》。至於上任感言，係無嘅。生啤唔講嘢，你問生菜都冇用。

《造星IV》將於11月1日推出。節目預告真係嚇咗Channel絲一跳——至高無上監製花姐俾人追問：

「你又話唔搞女團嘅？」
「我冇講過。」
「你又話今屆女仔質素好差嘅？」
「邊有呀？你係咪黐咗線呀？」

花姐講完呢句，鏡頭前有人伸手向花姐「啪」一聲兜巴車埋去……

花姐咁樣「犧牲」，原來為咗呢句「大巴大巴打低昨日的我」…

嘩……

ViuTV推全女版《全民造星》，無綫就推出由王賢誌（Vinci）擔任監製兼節目主持嘅「男男配對」真人騷《仔仔一堂》，英文名叫"Boyscation"，下月初推出。

消息指節目有10位男士參與，包括IG粉絲逾十萬的藍源偉（Juzco）、台灣游泳教練Kevin Tsai、型男主廚楊平（Kenny）等。王賢誌接受傳媒訪問時就話，ViuTV嘅《大叔的愛》的確令人好多人接受LGBT，但始終係童話化，佢係想將真實情況畀大家睇，用多角度探討新一代嘅Gay，以個人經歷幫助社群，仲話預咗會有人鬧咗先。

節目巡禮上，人氣爆燈嘅七師傅七仙羽夥P1X3L跳唱〈Oh My 7 God〉，七師傅仲事先張揚會開拍第二輯《七救星》為藝人轉運，但今次轉運對象有啲唔同，計劃中全部都係邀請巨星上陣，張敬軒已經應承咗拍喇！

#ViuTV #節目巡禮 #生啤 #生菜 #花姐 #全民造星 #仔仔一堂 #Mirror #七仙羽 #七福星 #channelchk

《造星IV》幕後苦與樂 3日冇瞓覺冇換底褲：
背負參賽者命運 艱辛絕對值得

ViuTV選秀真人騷《全民造星IV》周一晚（1日）首播，ViuTV噚晚（30日）播出特備節目《今世做電視：全民造星極限造夢者》，由幕後團隊分享籌備及製作《造星IV》嘅苦與樂，有人坦言「已經3日冇瞓覺」，甚至「3日冇換底褲」。《造星I》後以男團MIRROR出道嘅柳應廷（Jer）都大讚成個造星團隊好有愛。

今次《造星4》首次選女團，今年報名人數有超過3,700人，而海選當日入廠人數高達1,000人。導演Agent L形容：「好似我哋得10個人攞住刀仔，同一班軍隊千幾2千人攞住機關槍咁樣，又影佢唔到」；導演Rain P都形容場面「失晒控」。

幕後團隊由籌備到正式出街需要半年時間。由於拍攝時間長，工作人員都話都知呢個錄影廠係「地獄廠」。節目播出工作人員喺錄影廠瞌眼瞓片段，Rain P同Agent L都話每日基本上有18至20個鐘喺公司，當有地方同時間，團隊會「有得瞓就瞓，通常你行過見到有啲人會聽住bite（對白）就咁瞓」。

節目導演嘅Himtos都話自己「已經3日冇瞓覺」，Endy亦話「由上一朝早餐食到今朝早餐都未收得工」，甚至有工作人員已「冇換衫3日喇，3日冇換底褲」。主持強尼都話已經唔需要再估拍攝時間，力讚「幕後付出好大」。

完成拍攝又到剪片。Agent L同Rain P都話最難係剪完片後得到監製花姐認可，佢哋同花姐共事要抱住警惕心態，「唔容許有任何錯」。花姐都知道團隊形容佢係「慈禧太后」，佢亦承認自己的確好野蠻。

不過，花姐話90幾位參賽者每人只得幾分鐘表演，如果剪輯得唔好，未能將佢哋嘅性格立體呈現出嚟，嗰位參賽者會隨時被淘汰。

Himtos都認為佢哋背負住參賽者嘅命運︰「你點剪點拍，觀眾就見到個參賽者係點，某程度上我哋有好大責任。」即使製作過程艱辛，但佢認為「絕對係值得，始終都好多觀眾鍾意，出嚟嘅參賽者日後都好多發展，好多機會，只要咁樣就值得。」

花姐又喺節目透露當年阿Jer被5盞紅燈淘汰後，喺出面喊到死，阿Jer講：「花姐，多謝你畀機會我，但聽日開始，我要返去現實，我似乎要丟底自己夢想。」花姐話聽完之後個心好唔安樂，「我聲稱呢個節目係幫人追求夢想，但原來我係扼殺緊人哋嘅夢想。」所以花姐都同自己講，「我唔可以做一個仆街監製。」

#channelchk #造星IV #全民造星IV #ViuTV #花姐 #Jer #柳應廷

性感馬欣舞技精湛 未演出先獲導師搶入組
樂隊主音落復活區 評判準則被質疑

ViuTV《全民造星IV》噚晚（3日）可以話係「舞林大戰」，6位參賽者有5位表演跳舞，其中又以家琪（莫家琪）同馬欣（馬彩欣）兩位專業舞蹈員對決最搶fo，佢哋一個行型格路線，一個性感得嚟又唔低俗，搞到評判都勁難揀。至於表演自彈自唱嘅獨立樂隊小紅帽主音Ashi（曾善婷），演出獲導師同花姐好評，但結果落入復活區；其對手、跳Anson Lo（盧瀚霆）《EGO》嘅16歲阿Yo雖然晉級，但就被花姐批評「咁樣跳有咩意思？」網民都替Ashi唔抵，「唱得反而要去『復活區』…真係唔知乜嘢玩法！」花姐都話「評判好攰喇？」

被網民形容為「靚版黃心穎」嘅馬欣係黎明「御用dancer」，試過跟隨天王黎明到台北、澳門等地出騷，又曾為側田、許靖韻、譚詠麟和歌神許冠傑等伴舞；家琪亦曾多次為MIRROR伴舞。

噚晚節目入面，馬欣同家琪喺首輪面試已經深得大家喜愛，導師梁祖堯（阿祖）更高度讚揚馬欣嘅舞姿「性感得嚟完全唔Cheap」、「我好欣賞你呢位Artist」。所以噚晚佢哋比賽開始前，阿祖已經率先撳掣搶住要，所以佢哋任何一個勝出都會加入阿祖一隊。

佢哋兩位繼續表演跳舞，馬欣嘅性感舞姿配以一身白色緊身高衩服飾，相當搶鏡，獲網民形容「馬欣世一」；而家琪則繼續走型格路線，兩位表現都超水準。評判當奴大讚馬欣整個表演都充滿自信，而且一直keep住笑容，又形容家琪表現無得挑剔。

但當兩個只能活一個嘅時候，評判都覺得勁難揀，但最後馬欣成功獲得3盞藍燈晉級。不過，有網民就質疑朱康評審準則，話佢講到唔欣賞馬欣搵dance伴舞，所以理應投票家琪獨舞嘅演出，但「點知佢最後投俾馬欣😅咁其實佢係咩準則㗎？」

至於另一輪淘汰賽由Ashi對決阿Yo，Ashi自彈自唱《Just the Two of Us》，一開口即獲得花姐讚好聽，Alfred都表示「得啊」，但評判就有唔同睇法，朱康就直指Ashi觸動唔到佢。到阿Yo出場跳《EGO》時，喺後台嘅花姐都不時挑剔「呢件咩衫嚟！」、「咁樣跳舞有咩意思？」

正當以為Ashi會贏出之際，3位評判都一致選阿Yo入圍，花姐得知賽果都O晒嘴，問「評判好攰喇？」兩位導師都無撳燈搶人，最後由評判安排入許廷鏗（Alfred）一組。

#channelchk #全民造星IV #女團 #馬欣 #家琪 #Ashi #阿Yo #小紅帽 #花姐 #梁祖堯 #許廷鏗 #朱栢康

冒11°C寒風夜雨昂坪露宿等MIRROR ERROR
勁如3號波體感6°C 天氣師解構再跌溫涼幾耐
去片👉 https://youtu.be/WeiNpYcw0BQ

「旁人毫不贊同，而情理也不容，仍全情投入追星不覺凍，如窮追一個夢，誰人如何激進，亦不及我為你那麼勇。沿途強風再強，無人可擋我路，冒着是夜雨低溫都直衝，再沒有支援，還是有這點英勇。」

300名鏡粉和錯粉今晨（8日）冒着11°C寒冷強風兼有雨，通宵露宿海拔400米高的大嶼山昂坪市集，就是為霸位支持其偶像MIRROR和ERROR在下午現身商台叱吒樂壇頒獎禮記者會。

天氣師李鈺廷提提大家，山上的強風（相當於3號風球風速）容易帶走體溫（風寒效應），而強風亦令皮膚上的雨水更易蒸發，體感溫度可能低至6度，比實測更低。至於未來一周會否更涼？涼多久？天氣師在嘮動新聞為大家分析。

去片👉 https://youtu.be/WeiNpYcw0BQ

＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
https://www.youtube.com/ChannelCHK

#MIRROR #姜濤 #昂坪 #叱吒 #商台 #天氣 #預測 #ERROR #花姐 #嘮動新聞 #鏡粉 #寒流 #寒潮 #市集 #大嶼山 #李鈺廷 #氣象 #風寒效應 #體感溫度 #channelchk #weather #forecast #季候風 #冷鋒 #勇 #商業電台

姜濤紀錄片《答案》Ep.1
「帶你認識真正的我」

19歲拎《造星》冠軍、20歲出頭拎埋《叱咤》兩項大獎，仲做埋最年輕得主，今年22歲嘅 姜濤 ，達成咗好多人一生都未必完成到嘅目標。台上認真、有台風嘅姜濤，吸引咗好多妹妹Fans，而台下成日笑、似返個小朋友嘅姜B，亦都吸咗好多媽媽Fans。不過，廣告越接越多、Show要出越密，加上摯友意外離開，姜濤開始出現唔少令Fans擔心嘅情況—不適暈倒、笑容減少、IG Story放負、黑面⋯⋯種種跡象，可能好多人覺得姜濤變咗，唔知佢而家到底仲係咪以前樂天嘅姜B，如果你想搵原因，咁你要去睇MIRROR官方幫姜拍嘅紀錄片—《答案》。呢段紀錄片，唔只係拍畀Fans，仲係一個畀姜濤再認識自己號契機。

MIRROR YouTube喺今晚Upload咗《答案》嘅第一集，一開始就見到姜B同肥仔練跳《特務肥姜》嘅場景，肥仔仲同姜B喺鏡頭前鬥嘴，串姜「佢係一個不知廉恥嘅𡃁仔嚟㗎～」，但姜聽完笑得好開心。練完舞去街場打波，完全睇得出姜B同普通男仔一樣，打街場都係會火爆。打到一身汗，姜B仲特登好尷尬咁同鏡頭講，因為驚自己污糟，唔想俾等緊佢嘅Fans攔住，所以要CamMan一陣跟佢跑走。鏡頭一轉，姜B同擔心佢嘅大家講點解會出「I'm tired of everything」嗰個IG Story，佢提起某日工作後突然情緒低落、覺得迷失、抑壓，甚至剎那間覺得自己有抑鬱，所以先忍唔住出Story。

呢集用咗姜B同花姐嘅羈絆做結束，姜B喺補錄歌時從人哋口中知道花姐讚佢唱得好有感情，跟住係咁追問到底花姐仲講咗、讚咗啲乜。姜B同鏡頭講，佢好少會約花姐食飯，但就好多嘢都會話畀佢知，包括連媽咪都未必知嘅嘢，「我會同佢講我私底下嘅嘢囉，呢個就係一個我會信任佢嘅一個行動。」

段片上傳咗幾個鐘，已經有好多姜糖留言支持偶像，仲話無論「答案」係乜，都會無條件支持姜濤，又叫姜濤唔好在意其他人心目中嘅「答案」，「只要堅持做自己，就係最好嘅答案」。

#channelchk #全民造星 #姜濤 #花姐 #答案 #紀錄片

強尼力撐梁祖堯眼光獨到：
若無資格做導師唔知邊個有
嘮動新聞👉 https://youtu.be/r3ZUHp-M7EM

《全民造星IV》今晚就開始分組賽，但上星期嘅60強賽果仍然餘波未了，導師梁祖堯被鬧爆偏心「重讀生」方方（方芷欣）同39歲四子之母Ling（謝裕玲），出post回應網民批評後，主持強尼都喺Instagram力撐阿祖眼光獨到，「睇得出每個人嘅特質」，「如果無資格做呢個節目嘅導師，真係唔知邊個有」；佢亦對觀眾有信心，「只要你哋睇落去，你會好似我咁，愛上佢哋每一個。」

強尼深夜喺Ig po咗同阿祖喺《造星III》決賽後嘅合照，留言話好鍾意《全民造星》嘅觀眾，因為佢哋唔止睇得好投入，仲好可愛，話上屆有參賽者喺第一輪賽事表演中國舞後晉級，觀眾「暴動咁滯」，但之後出局，個個觀眾都話要「還我中國舞」。不過強尼覺得「情感就係咁直接架啦，就算睇法會改變都正常不過。」

之後就開始講對阿祖嘅感覺，「佢善於啟發每個參賽者，令佢哋知道表演係乜，有獨到嘅眼光，睇得出每個人嘅特質，再去發揮甚至作出變奏」；仲話佢熟悉舞台製作，會為每個表演嘅每一個燈光、道具甚至更微細嘅設計，都諗到最盡，「為嘅就係想參賽者響觀眾面前變得耀眼」。

強尼又形容阿祖係有能力好心地又有愛嘅專業表演者，「如果無資格做呢個節目嘅導師，真係唔知邊個有，Therefore I trust him unconditionally and irrevocably」。佢對兩位導師、學員、節目台前幕後嘅所有手足有信心外，更加對觀眾有信心，「只要你哋睇落去，你會好似我咁，愛上佢哋每一個❤️」。

節目監製花姐都喺Ig story分享強尼同阿祖嘅合照，話「我好肯定咁講，佢哋估......一個有point嘅主持，一個有心嘅導師」。不過，有連登仔仍然唔滿意，留言反駁「有人插梁祖堯無心咩？插佢無眼光咋嘛」、「而家係佢私心救人」。

#channelchk #全民造星IV #梁祖堯 #強尼 #方方 #Ling #花姐 #偏心 #造馬