觀塘撞車黨扮飛鼠撲向私家車
司機乘客被嚇窒：嘩！佢自己行埋嚟㗎喎！

明明已經過咗農歷七月㗎喇，點解揸揸下車無啦啦都會有啲白色嘢彈出嚟嘅？觀塘周日（24日）有司機遇上撞車黨，涉事車Cam片在網上瘋傳，片段顯示，當車駛到麗港城茶果嶺道右轉茜發道時，一個着住白色衫嘅男人無啦啦撲上車頭，搞到司機都唔知畀咩反應好，「嘩！佢做咩呀？佢自己行埋嚟㗎喎！」

事發時間為夜晚八點幾，車Cam片段見到嗰位企圖碰瓷嘅男人，當時完全唔理紅燈，突然衝出馬路，瞄準架車助跑飛撲撞埋去。撲埋去之後唔知係咪見到車Cam，突然又好似無事發生咗，悻悻然上返行人路走咗去⋯⋯

其實之前旺角都曾經有撞車黨出沒，當時仲俾司機鬧佢「搵食行遠啲」。（重溫嘮動新聞：
https://youtu.be/iBDvI9nqhqw ）事隔一個月再有同類事件發生，警方就話留意到網上流傳嘅短片，強烈譴責對道路使用者構成嚴重威脅的行為，又提醒「碰瓷黨」有機會干犯「欺詐」罪。根據《盜竊罪條例》(第210章) 第16A條，最高可被判處監禁14年。

#channelchk #撞車黨 #觀塘 #私家車 #麗港城 #盜竊罪條例 #車Cam

港鐵小黃人例牌孭隨身攝錄機？啤到行查飛！市民驚侵犯私隱｜C睇發現

香港閉路電視無處不在，但你又知唔知，原來你行出行入嘅港鐵站，除咗天花有閉路之外，一眾查飛嘅員工都有部Cam跟身呢？一齊入去睇片探討吓啦！

去片👉 https://www.youtube.com/watch?v=aULOXSa4onY
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！
👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://t.me/channelchk
報料／廣告接洽：
info@channelchk.com
#channelchk #C睇發現 #查飛 #Cam #私隱 #港鐵 #MTR #CCTV #閉路電視

喺非洲，每60秒就有一分鐘過去；喺TVB嘅平行時空，一句嘢等如一個鐘。今次劉佩玥真係嗌破喉嚨都無人嚟救佢⋯⋯

去片👉 https://youtu.be/sCJyemcqybE
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！
👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://t.me/channelchk
報料／廣告接洽：
info@channelchk.com
#channelchk #嘮動新聞 #劉佩玥 #TVB #無綫 #拍劇 #深水埗

政府專家倡高危族 優先打第3針谷抗體
經葉劉實測 2科興應溝1復必泰 反之不建議

香港已有440萬人打過2針COVID-19疫苗，佔人口65%，但部份人抗體已減退。年初打2針中國科興的71歲葉劉淑儀，9月為養和醫院試溝1針德國BioNTech復必泰，抗體由極低水平飆升300倍。政府專家今（27日）開會後，建議高危族補打第3針；打過2針科興應溝1針復必泰，抗體更多；而除非對復必泰過敏，否則不建議2針復必泰溝1針科興，因無數據顯示效果更好。

衞生署衞生防護中心轄下的聯合科學委員會專家所指的高危一族，是指60歲或以上的長者；醫護、跨境司機、機場和酒店員工、安老院舍員工等高風險接觸者；長期病患者；須化療或電療的活躍癌症患者、愛滋病人、曾移植器官人士和洗腎病人等免疫系統失調者；以及因風濕等病症而要服藥抑制免疫系統的人。

若屬免疫力低的高危一族，政府專家建議他們打完第2針至少4周後，就要補打第3針。至於並非免疫系統失調的其他高危一族，政府專家建議他們的第3針，應與第2針相隔6個月。曾染疫的康復者本應只須打1針，但由於抗體只能維持半年，加上部份人到高危國家工作和讀書，可與醫生商討是否打多1針。

政府本月中才公佈，將750萬劑已用公帑購入的阿斯利康疫苗捐往外地，但專家月底卻建議高危一族補打第3針。衞生防護中心總監徐樂堅被問到餘下的疫苗數量，是否足夠應付第3針需求時，未能即時解答：「今日之後係要盤算吓；我哋一路係推動市民打1、2針，第3針係要計算。」至於長遠會否強制人人打3針，他僅稱言之尚早。

#疫苗 #打針 #第3針 #溝針 #COVID19 #科興 #復必泰 #抗體 #BioNTech #BNT #葉劉 #葉劉淑儀 #channelchk

《披荊斬棘的哥哥》新相被批老套、P過龍
黃貫中神情呆滯 Style勁似「忘了愛」

中國早前嚴格規範內地娛樂圈，又下令禁「娘炮」，令好多行開妖繞路線嘅偶像，都要留返啲鬍鬚同操返大隻自保。好彩，識睇嘅一定睇《披荊斬棘的哥哥》，雖然呢班哥哥平均應該都年屆40，但除咗最近有人「飲湯」要打格仔之外，佢哋完全無人受「娘炮」令影響，仲影咗輯潮到濕度99%嘅相添～

《披荊斬棘的哥哥》上星期擺咗輯相上官方微博，興奮到Channel絲對眼爭啲流產。唔浪費時間，講啲大家都識嘅港星啦～首先就係三七面望鏡頭嘅「Laughing哥」謝天華，今次佢唔扮古惑仔，唔扮警察，而係扮小飛俠，可能因為唔想單手爬山掛；輪到前機師張智霖，佢一臉唏噓嘅鬚根、略帶油膩嘅眼神，初哥哥嘅氣質已經絲毫不復見；再嚟大家都識嘅「山雞」陳小春，一身紅色長反領背心、再GEL個雞冠頭，睇得出佢從來都無放低過山雞呢個角色。Band友黃貫中同MC Jin同組，着到全身黑、戴埋條鐵鏈喺頸嘅佢，如果你唔講，我真係唔知呢個神情呆滯嘅人同黃貫中有咩關係。而好耐無見，唔知點解要戚眉嘅MC Jin，Channel絲咁岩個Mon有點嘢污糟咗，眼花睇錯，爭啲以為有人係香港深山走咗上去拍節目⋯⋯

畀呢輯相狠狠驚艷嘅唔止Channel絲，有大陸網民都留言批評啲相P過龍同老套，「是節目組沒錢了嘛？」、「黃貫中的臉是不是P過頭了，怎麼這麼長」、「你們的美工不行」⋯⋯呢班網民真係好錫呢班大灣區哥哥，鬧美工、鬧Stylist、鬧節目組，但完全無人講一句哥哥們嘅不是，完全係True Love。MIRROR之前就慘啦，賣吓廣告都要畀大陸網民質疑點解紅，又話佢地「醜」，睇嚟文化差異就係咁解。

睇晒啲相，Channel絲有啲擔心呢班大灣區哥哥，你知啦，今日「娘炮」畀人禁，聽日「娘」可能都要畀人禁㗎嘛～

#channelchk #披荊斬棘的哥哥 #陳小春 #大灣區哥哥 #謝天華 #張智霖 #山雞 #黃貫中 #MCJin

Lancer馬鞍山突冒煙自焚 女司機堅守烈火戰車

一架三菱Lancer私家車昨（27日）晚6時許，駛至馬鞍山寧泰路33號對開時，車頭突然冒煙和起火，慘變「烈火戰車」。女司機停車報警，即使火勢蔓延至車廂，仍堅守車旁，但無受傷。消防到場將火救熄，將調查起火原因。

#Lancer #馬鞍山 #火警 #私家車 #烈火戰車 #channelchk

52歲西九休班男交警猝死 家中突暈倒昏迷
住順利宿舍8座 經兒子報案 送院不治

多間傳媒報道，指隸屬西九龍交通部、住順利紀律部隊宿舍8座的一名52歲休班男警員，昨晚（27日）在家中突然暈倒昏迷，經兒子報案，送往聯合醫院不治。警方初步調查後，相信案件無可疑，死因有待驗屍確定。

警方則指，昨晚11時13分接獲男事主家人報案。家人指事主在利安道一單位暈倒。救護員到場發現事主昏迷，立即為他急救，再送他往聯合醫院搶救。事主今日凌晨被證實死亡，死因有待驗屍確定。案件列作「送院時死亡」。

#猝死 #暈倒 #昏迷 #休班警 #交通警 #警察 #聯合醫院 #順利紀律部隊宿舍 #西九龍交通部 #channelchk

曾拒評《星夢》學員 古天樂撐試當真
公開點名最欣賞《係咁先啦》女神吳家忻

YouTube頻道「試當真」開台一年人氣高企，周二（26日）連開兩場騷吸引咗唔少藝人捧場。向來支持後輩嘅古天樂就擔任當晚嘅神秘嘉賓，佢似乎仲係一位星級「認真毛」，最鍾意短片《咁大件事冇人講》之外，仲話「最欣賞Locker條女（即係Jeannie吳家忻），嗰條片仲係最多人睇。」

「試當真」主創之一嘅游學修係古老闆旗下藝人，所以古仔都一直支持「試當真」。嗰晚開騷佢就喺《Channel需要仔》環節上扮見工，一嚟仲講笑話：「『試當真』一周年開騷咁大件事冇人講嘅？」佢又笑游學修平時見到佢都唔稱呼佢，「個人好冇禮貌」，又稱呼游學修、蘇致豪同許賢做「修哥」、「豪哥」及「賢哥」，搞到3人即刻耍手擰頭。

談到最欣賞短片，古仔就話係《咁大件事冇人講》，大讚「特技、火燭之類做得好好！」至於最欣賞邊位女網紅時，佢仲諗都唔諗就「最欣賞Locker條女，嗰條片仲係最多人睇。」

睇返古仔之前被記者問對無綫《聲夢傳奇》學員有咩評價時，佢嗰刻即話「《聲夢》就唔講喇，完！」，同今次喺台上毫無懸念咁答最欣賞Jeannie，都幾大對比。

Jeannie因為「試當真」短片而出名，近月就同許賢和蘇致豪合作演出《係咁先啦》，但其實早喺去年《唔通佢有男朋友》播出後已人氣急升，被網民封為「港版周子瑜」。《唔》播出至今約10個月，已有118萬人次觀看，係頻道入面最多人觀看嘅短片。佢嘅社交平台Instagram至今已有逾20萬人追蹤。

23歲嘅Jeannie雖然已成為網民新一代女神，但佢曾接受傳媒訪問時就話唔覺自己係靚女，五官分開睇唔係特別精緻，而且個鼻幾大，「但照鏡又覺得OK，都match到我個樣」。佢當時仲自爆話大學時因為壓力爆煲，所以體重直線上升，係肥妹仔一名，後來試斷食及唔同方法減肥，要半年後先瘦返。人靚又謙虛嘅Jeannie今次得到古老闆加持，睇嚟會再人氣飈升啦！

#channelchk #試當真 #古天樂 #吳家忻 #Jeannie #聲夢傳奇

巴斯光年個人電影《光年正傳》預告出爐
網民齊齊錯重點：一直以為巴斯光頭 勁想鄧梓峰配音

「太空戰士，一飛沖天！」每次睇《反斗奇兵》（Toy Story）見到巴斯光年都會諗起呢句對白。嚟緊巴斯仲會擔正，講緊嘅係迪士尼同彼思動畫（Pixar）合作嘅獨立電影《Lightyear》（港譯《光年正傳》），噚日Pixar就上載咗分半鐘嘅預告片，已經令人好期待，但電影預計要明年6月先喺美國上映，大家仲要等下先喇！

《反斗奇兵》入面嘅巴斯係玩具太空人，而《光年正傳》就會圍繞巴斯嘅原型人物製作，講述佢由試飛員成為太空戰士嘅故事。電影英文版會由「美國隊長」演員基斯伊雲斯（Chris Evans）聲演。不過似乎呢個都已經唔係重點，因為預告片一出之後，唔少網民都話原來巴斯有頭髮，「一直以為巴斯光年是個光頭」，仲話「唔慣見到佢有頭髮」，仲有人提議可以搵鄧梓峰配音添。

#channelchk #迪士尼 #彼思 #Pixar #光年正傳 #Lightyear #巴斯 #反斗奇兵

霸氣婆婆又單膊托車喉！一周最少3次被捕獲
車房透露每星期抬2條

上星期網上流傳一張大力婆婆單手托汽車死氣喉嘅相後，引起唔少人討論。但原來呢位婆婆似乎已習以為常，因為近呢一個星期已最少3次俾人影到佢托住或用手推車運死氣喉。有車房人士仲向Channel絲透露，呢位婆婆每星期抬2條添！Channel絲都要佩服呢位婆婆有強而有力嘅肩膊呀！

話說上星期五（22日）大力婆婆單手托死氣喉嘅相係網上廣傳之後，雖然唔少網民都形容佢「十里不換肩」，又講笑話婆婆想改車，但都有人質懷疑佢係擅自拎走。不過之後有車房人士就解畫係客人唔要條車喉，所以畀婆婆拎走嘅。

雖然最後都唔知婆婆拎條喉去邊，但第2日婆婆再俾人影到佢單手托死氣喉，呢次佢嘅裝束唔同咗，但就一樣俾人覺得佢係好輕鬆咁抬住條喉周圍走。今次車房嘅人員都有同托住喉嘅婆婆「合照」，不過就只係睇到背脊，睇唔到婆婆嘅廬山真面目。

Channel絲之後都向呢間車房了解，對方就透露婆婆每星期都會抬2條喉，仲send咗婆婆另一次運喉嘅相，不過今次就見到佢用手推車嚟運喉，唔係靠「托」，唔知係咪要畀膊頭抖抖呢？

#channelchk #霸氣婆婆 #死氣喉 #車房 #回收

媚姨處女catwalk！譚仔×HKDI學生時裝騷
沈殷怡高衩裙曬美腿曲線 Jessica C.制服誘惑

媚姨俾ViuTV《阿女又戀嚟》捧紅咗，原來佢除咗有喜劇細胞、口才了得，仲有行catwalk嘅潛質！話說譚仔搵HKDI知專生，搞咗個「2046未來制服」時裝騷，慶祝嚟緊開業25周年，唔止搵嚟名模馬詩慧Janet同Jessica C.，以及Viu TV女神沈殷怡Shirley同劉沛蘅Hillary，一齊扮譚仔姐姐，以「制服誘惑」上陣，仲搵埋媚姨行天橋。媚姨經馬詩慧指導之後，可謂驚艷全場！

譚仔拍低咗呢場時裝騷，放上網畀大家睇。名模Janet着住生菜造型上衣同貼身剪裁長褲，率先登場。設計靈感係同大自然融為一體，將生菜融入設計，寓意譚仔嘢食新鮮，即叫即製，配合埋譚仔綠黃主色調。Janet大讚個騷好過癮：「製作十分認真，大家當正是真正的時裝騷去做，非常好玩！以前行騷真是當吃生菜，今次真是一棵生菜放在身上，十分新鮮呢！」Janet仲身兼時裝騷嘅編排總監同模特兒導師，教佢哋行騷秘訣。

至於Shirley着嘅係富有現代東方美學嘅新派旗袍，將經典嘅譚仔話展示喺旗袍；高衩裙獨特剪栽讓佢大騷美腿。喺台上充滿自信嘅Shirley話：「譚仔吃得多，但穿上身又是甚麼玩法呢？哈哈……不過我向來都有積極操fit，這副身形穿甚麼也carry得到呢！」

Hillary就以一身宮廷look現身，行可愛路線。負責設計嘅學生希望套衫帶出譚仔姐姐除咗親切同富人情味，亦可展現氣質同可愛。Hillary話同家人經常食譚仔，「今次穿上設計學生為譚仔姐姐設計的作品，感覺特別又有趣，同台還有不少知名模特兒，當然要向Janet偷師」。而以「譚仔遮遮」cyber造型示人嘅Jessica C.，就以美式口音嘅譚仔話講咗句「我係譚仔姐姐」，令全場爆笑！

媚姨雖然首次行天橋，但備受矚目！佢着上素食主義制服；芽菜設計嘅上衣配生菜長裙，喺片入面爆出不少搞笑對白：「真是亂來的，找我來行時裝騷，又不是要我做譚仔姐姐，又沒有男生給我挑選，真的不知道找我來做甚麼！」當譚仔國際集團主席兼行政總裁Daren以「時尚教主」造型壓軸出場後，媚姨再爆金句：「嘩，呢個男仔幾型喎，返去介紹畀阿女識先！」

#媚姨 #ViuTV #阿女又戀嚟 #catwalk #譚仔 #HKDI #知專 #時裝 #名模 #馬詩慧 #JessicaC #沈殷怡 #劉沛蘅 #channelchk

《玄機解樓》EP5👉 https://youtu.be/IRPtWda6D5A

今集主角係一位媽咪Joanne，2019年購入上環新成大廈一個兩房一廳單位，同老公女女一家三口住。買嗰時無乜嘢，但住落日日望到醫院，雖然係無乜大病，但個心硬係唔舒服，究竟佢係咪應該為咗一家健康而搬屋呢？
樓又買咗，想樓換樓都唔係話咁易，玄學家唐碧霞（碧霞老師）一於出馬，教路5招壯陽大法，再醒Joanne上環換樓風水禁忌，住得健康之餘，下次換樓就識得揀啦！

去片👉 https://youtu.be/IRPtWda6D5A

如果你都想碧霞老師幫你解決家居或辦公室煩惱，想放盤買賣或租賃，歡迎send電郵至 info@channelchk.com 寫底訴求，等碧霞老師免費上門為你《玄機解樓》！

＝＝＝＝＝＝＝＝＝＝＝＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
https://www.youtube.com/ChannelCHK

#channelchk #玄機解樓 #上環 #碧霞老師 #醫院 #風水 #玄學 #買樓 #景觀 #忌 #新成大廈 #皇后大道西

網絡流傳一條疑似校園欺凌短片，Channel C有向相關學校了解！去片👉 https://youtu.be/NVlp8-_pmMs

#裘錦秋中學 #jccsskc #連登 #嘮動新聞 #葵涌 #channelchk #欺凌 #bully
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
https://www.youtube.com/ChannelCHK

Facebook改名Meta 主打「元宇宙」概念

Facebook揸fit人朱克伯伯喺Facebook Connect 2021大會上宣佈，將Facebook呢間公司改名做「Meta」，連美股代號都由FB改做MVRS，12月1號生效。

點解會改呢個名呢？原來Meta係取自於Metaverse（元宇宙），Meta解超越、verse就係”universe”個verse，兩個加埋就係超越宇宙既意思。嗱！咪以為係高達U.C.0001起殖民衛星上太空個啲。朱克伯伯話元宇宙係下一代移動網絡世界，更加係社交科技既最終形態。下個平台將會令人更加親歷其境同具體嘅互聯網，用戶會置身其中。簡單講，元宇宙係一組虛擬空間，而係虛擬世界嘅存在感會透過AR擴增實境同VR虛擬實境而大大提升。

講到咁勁，大家可能會想投資Facebook嘅股票，咁華盛通幫到大家！最近華盛通推出開戶幸運大抽獎，最吸引係，好多證券行開戶都只係送「觸不到的東西」，例如股票同免月費等，但華盛通除咗大獎有10萬代金券之外，仲有二等獎嘅HK＄10,000 Apple Gift Card同三等獎嘅Switch遊戲機添！真係啱晒Channel絲呢啲投資白痴，你知啦，一陣開戶唔小心燈死個股市，啲血汗錢同Jetso用都未用就畀我蝕晒，咁點算喎⋯⋯有嘢揸手，幾時都開心啲～

新戶唔止有獎抽，仲有$1,000現金券、$200新股認購券、免費串流報價、$300現金券轉倉賞同美股買賣180日免佣、港股買賣無限免佣添，聽落係咪好吸引呢？如果你都心動想開戶，就快啲㩒下面Channel C嘅專屬登記連結啦！
📍登記連結：https://hk.vbkr.com/hd/register/2019/0517?_scnl=NmFhMXMxMzd1Yjhk
🗓登記日期：即日至2021年10月31日
🙋🏻‍♂️參加資格：凡年滿18歲，並持有有效香港身份證的用戶
#Facebook #Meta #朱克伯格 #唔係facebook改名 #係Facebook成間公司改名 #元宇宙睇片咪好正 #channelchk

兩黑幫尖嘴樓上酒吧爆衝突 追打到街上
半百人包圍私家車狂扑
嘮動新聞👉 https://youtu.be/BgEaM_V1hYw

尖沙嘴天文臺道周四（28日）凌晨上演了一幕如電影橋段般，黑社會晒馬講數的場景！數十名黑衣人包圍着一輛白色私家車，其間傳出敲打聲響和群眾起哄叫囂聲。私家車隨後倒後突圍，沿漆咸道南方向逃脫。相關的3段片段在網上廣傳，消息指，事件與黑幫「踩場」引發衝突；有傳媒亦引消息稱警方高層亦對此極為震怒。

據報事發昨日凌晨4時許，網上流傳的3段片段中，其中一段可見近半百黑衣人在馬路正包圍着一架私家車，部份人從後上前，其間傳出叫囂聲；另一段是從高處拍攝，見到數十人包圍着白色私家車，有人拍打車身，人群幾乎佔據了一半馬路，該片片尾見到私家車欲倒後駛離。第3段片則見到有片中人稱「扑車」，並見私家車駛離人群後，一度停下又退後，其間不斷傳出引擎聲，片中人又形容私家車「褪尾撞」。私家車最後駛出漆咸道南絕塵而去。

消息指，事件涉及「新義安」及「和勝和」兩批黑幫成員。當時「和勝和」頭目「肥馮」與手下到天文臺道一間樓上酒吧捧場，其間「新義安」頭目「雞康」帶人到場，並稱「邊個唔歡迎承哥啲人」，負責睇場的「勝和」成員見狀隨即平息事件。但後來兩幫人再發生衝突，並各自「吹雞」晒馬，雙方大打出手，由酒吧追打到街上；「雞康」在衝突中被打爆嘴。

有傳媒報道引述消息指，警方十分重視今次事件，油尖警區反黑組接手跟進，將採取掃蕩行動。

#channelchk #黑幫 #黑社會 #晒馬 #吹雞 #尖沙嘴 #天文臺道 #包圍

天文台料冷鋒下周尾襲港 電腦預測低溫未定
15-22°C都有 如大包圍 最高概率僅10%

【天氣師李鈺廷提提你】
即將踏入11月的深秋，香港天氣仍炎熱，市區氣溫連日高達28°C，部份新界高曠地區更逾30°C。但氣象超級電腦預計，下周日將有新一波冷空氣南下；香港有氣壓上升、氣溫下降的趨勢。不過由於預測時間長達9日後，電腦仍未掌握冷空氣抵港強度，令預測結果不確定、相當分散；11月8日市區低溫預測由15至22°C都有機會，堪稱大包圍，而且最高概率僅10%，反映預測未可靠，要再觀望。

天文台在官方預測僅透露，一道冷鋒下周後期會在華中形成，並逐漸南移，在下周周末期間（六及日）橫過華南；暫料下周六日（11月6及7日）市區最低氣溫分別為24和22°C。天文台明早（10月30日）才公佈11月8日的氣溫預測，估計屆時預測亦不會太進取，而是逐步下調氣溫預測。各位就要密切留意天文台的預測更新和Channel C的最新報道嘞～

#天文台 #冷鋒 #轉涼 #天氣 #李鈺廷 #冷空氣 #氣象 #預測 #forecast #weather #channelchk

萬聖節扮鬼扮馬注意！警籲市民勿攜仿製槍械或利器

後日（31日）就是萬聖節，警方今（29日）發稿表示，據過往經驗，部份市民會於萬聖節期間打扮或模仿電視電影角色，並會攜帶道具，故呼籲市民「切勿攜帶仿製槍械作道具」。因為根據法例，任何人管有仿製火器最高可判監兩年；警方又呼籲市民不要攜帶利器、攻擊性武器或違法物品。

警方又指，預料會有大量市民到中環蘭桂坊一帶慶祝，明日（30日）起一連3日會在當區封路及人群管理，實施特別交通安排，並可能會在不予任何警告的情況下，票控或拖走違例停泊的車輛，以及在有需要時封閉部分道路及實施單向人潮管制等。

※下列道路將於明日（30日）下午2時至11月1日清晨5時封路：
1. 介乎雲咸街與威靈頓街的德己立街；
2. 蘭桂坊；
3. 榮華里；
4. 和安里；
5. 介乎雲咸街與德己立街的威靈頓街；及
6. 安蘭街。

警方亦會視乎人潮情況，屆時或會封閉介乎己連拿利與皇后大道中的雲咸街；介乎皇后大道中與威靈頓街的德己立街；介乎德己立街與閣麟街的士丹利街；介乎德己立街與閣麟街的威靈頓街；介乎威靈頓街與士丹利街的閣麟街；擺花街；及介乎畢打街與砵典乍街的皇后大道中。

此外，士丹利街近德己立街、安蘭街；及介乎亞畢諾道與德己立街的雲咸街，所有路旁停車位將於明日下午1時至11月1日清晨5時暫停使用。

#channelchk #萬聖節 #Halloween #電影角色 #魷魚遊戲 #死神 #月光光殺清光 #槍械 #武器

警方食環巡青衣食肆 9人無掃安心出行遭票控
BEANS食客被指無填妥紙仔 罰停晚市14日

再有食肆因食客無填妥紙仔被罰！被視為黃店的BEANS下午在社交平台發帖，指食環署及警方今到其青衣分店巡查，發現一名食客「沒有完整填寫紙仔」，有關分店將由明日（30日）起停晚市14天及只可二人一枱。

BEANS呼籲顧客入座時配合同事，準確填寫表格上各項資料，並在帖文hashtag「無奈」、「盡在不言中」。該分店明天起將提供晚市外賣自取七折。

警方今表示，青衣分區雜項調查隊、特遣隊及軍裝巡邏小隊，聯同食環署人員下午約1時突擊巡查青衣區內多間餐廳，發現3間餐廳內2男7女未有按法例掃「安心出行」二維碼，違反《預防及控制疾病規例》（第599F章），遂向他們發出定額罰款通知書。另有4名食肆負責人違反抗疫規例，接收傳票。

#channelchk #黃店 #安心出行 #填紙仔 #COVID19 #安心碼

京官斥境外牌券商 非法買賣美港股予內地人
富途美收市跌13% 年初高位挫71% 盤前再瀉

中國內地人民銀行官員日前在北京演講，批評僅持境外牌照的券商在境內「無牌駕駛」；在網上非法買賣美股和港股予內地人。演辭在10月28日香港時間傍晚傳出後，在美國上市的中資系券商富途證券在當地28日曾急挫逾25%，收市仍跌13%，至29日盤前再跌3%；老虎證券在當地28日亦曾跌20%，收市仍跌17%，至29日盤前再跌1%。

富途自今年初升穿每股200美元創新高後，股價反覆向下，10月28日收市價較年初最高位，累計下挫71%；但仍較2019年3月12美元的招股價，高出4倍。富途並無正面回應京官指控。而老虎證券則指，集團一直視合法合規營運為生命線，並沒有任何法律合規上的變化和創新，只是通過中國科技力量，提升用戶體驗。

人民銀行金融穩定局局長孫天琦10月24日在北京一個論壇指出，部份境外證券商未取得境內牌照，就經互聯網向內地投資者提供包括美股及港股等境外證券投資服務，都屬「跨境支付」，是非法金融活動。他又指，由於互聯網散播和擴張很快，須嚴厲打擊和重罰違法違規的互聯網券商，依法追究其刑事及民事責任；監管部門不能說「牌照不是我發的，不歸我管」，也不能以「人手不夠」推搪。

想買賣美股？華盛通幫到大家！最近華盛通推出開戶幸運大抽獎，最吸引係除咗大獎有10萬代金券之外，仲有二等獎嘅HK＄10,000 Apple Gift Card同三等獎嘅Switch遊戲機添！

新戶唔止有獎抽，仲有$1,000現金券、$200新股認購券、免費串流報價、$300現金券轉倉賞同美股買賣180日免佣、港股買賣無限免佣添，聽落係咪好吸引呢？如果你都心動想開戶，就快啲㩒下面Channel C嘅專屬登記連結！

📍登記連結：https://hk.vbkr.com/hd/register/2019/0517?_scnl=NmFhMXMxMzd1Yjhk
🗓登記日期：即日至2021年10月31日
🙋🏻‍♂️參加資格：凡年滿18歲，並持有有效香港身份證的用戶

推廣生意的競賽牌照號碼：54940
條款及細則：https://vbrokers.app.link/e/TNC

#美股 #港股 #美國 #中資 #富途 #證券 #人民銀行 #內地 #金融 #孫天琦 #channelchk #stock #US #finance #China

男子先達偷嘢斷正 警未到已被人打

前幾日有個男人喺旺角先達廣場偷嘢被斷正，被保安及商戶包圍質問，正商討是否報警之際，一名肥仔出手打人行私刑！

網上片段所見，商場保安和商戶職員已將偷嘢男包圍，質問「呢度可以畀你咁樣入嚟偷嘢嘅咩？」該男人表現驚恐，多次喊：「唔係呀！唔係呀！」在場人士一度鼓譟，大罵「唔好扮嘢啦」、「唔精神咪X入嚟啦你」。

正當大家揚言要報警時，其中一名高大肥仔突然郁手打人行私刑，對其拳打腳踢，後遭其他人上前拉開阻止。據悉，事件中暫未有人被捕。

#channelchk #偷竊 #先達 #旺角 #私刑