【林鄭記招一圖睇晒】

👉🏽社交距離不放寬延至2月17日
👉🏽停面授課延至2月21日

林鄭月娥表示，將大規模擴展疫苗氣泡，現改名為「疫苗通行證」，並指「室內能夠做嘅，我哋都要做」，並表示現時期望香港接種第一針的比率目標定在90%。

👉🏽安心出行已加針卡 2月24日起未打針禁入更多場所 表列處所增類種
👉🏽英美等8國禁飛來港令 延至2月18日 2月5日起抵港酒店隔離 縮短至14天

#channelchk #逸葵樓 #社交距離 #表列處所 #疫苗通行證 #疫苗氣泡 #林鄭月娥 #檢測 #COVID19 #變種病毒 #疫情 #Omicron #Delta #清零 #強制檢測

《東張西望》利用K Kwong硬推士多KF94
錯指「香港無廠生產到KF94」

為咗幫已經收購咗嘅士多宣傳，TVB到底可以去到幾盡？大台《東張西望》早前又出事，節目請來K Kwong教人分辨KF94口罩真假，期間K Kwonng直指「無香港廠生產到KF94」，之後主持就教人上士多買一隻聲稱韓國製嘅ProClean KF94口罩。士多受惠於節目，當晚之後一度有超過4,000人上網排隊搶罩。

然而香港口罩生產商「SAVEWO 救世」其實當時已經拎到韓國嘅認證，K Kwong隨即被網民圍插講「Fake News」，他於網上發聲明，指接受訪問當時仍未知「救世」已獲韓國認證為合資格的KF94生產商，又貼上「救世」的認證資料佐證。K Kwong又聲稱自己「被坑」，解釋於節目所驗的口罩樣本與士多所售的不同，「我手上嘅sample 唔同朋友係佢哋網站買到嘅貨。我驗A，佢賣B」、又話「我其實無介紹佢（士多口罩），佢Cut到利用我同佢賣廣告」。

被冤枉的「救世」之後更加出片「直線抽擊」，指他們測試士多口罩後發現，它們的過濾率奇低，在非油性及油性的測試中，過濾率僅分別有約47%及41%，比「救世」口罩低超過一倍。

事件經FB專頁「思思 TVB 的二三事」@sayno4tvb 整合，唔少網民都有向通訊管理局投訴《東張》散播不實資訊，但睇嚟成功機會不大～根據思思TVB團隊所指，之前其實有同類Case，但通訊管理局就話「現行規管廣播服務的法例、牌照條款或業務守則並無條文規管資訊娛樂節目內容的準確性」、「有關事宜並不屬通訊局處理廣播投訴的範圍」。唔通《東張》內容唔準確，觀眾都無得拗？咁唔怪得知之前可以話斑馬線唔洗停車啦～

#channelchk #東張西望 #士多 #口罩 #TVB #救世 #SAVEWO

【警宿垂直播毒撤離】
👉葵馥苑安葵閣12-14樓08室
【同區1廈都遭殃撤離】
👉葵涌邨雅葵樓所有樓層09室

天水圍特色單月租$13000 463呎連平台種花BBQ樣樣得！坐北向南，有碧霞老師風水認證～

去片👉https://www.youtube.com/watch?v=W-ywWmQB8KA

#channelchk #玄機解樓 #碧霞老師 #風水 #天水圍 #睇樓 #特色單位 #栢慧豪園

元朗藥房員工遭斬傷 2名兇徒逃去

傍晚約6時許，元朗福德街一間藥房外發生斬人案。一名員工於藥房門口突然被兩名男兇徒從後襲擊並斬傷背部。二人犯案後逃之夭夭，一人往福康街方向逃逸，另一人則跑往福德街後巷，拋下一把12吋長、疑似牛肉刀的凶器後逃去。

被斬傷的員工其後返回店內包紮，並被送往博愛醫院治理。從讀者提供的相片可見，店鋪地下遺留染血的鞋印。

#channelchk #元朗 #福德街 #藥房

每日嘅430疫情記者會，有位記者每次都問，「社區有幾多條『纏波Lin』？」⋯⋯大家驚呢條Lin多啲，定驚袁氏去你屋企大廈多啲？
去片👉https://www.youtube.com/watch?v=5JCuUyXh_pI
#channelchk #袁國勇 #COVID19 #疫情

【1晚連封4廈】
👉黃大仙新光中心1及2座
（污水沾疫）
👉觀塘安順大廈
（1居民疑染疫）
👉新葵芳花園C座
（1居民疑染疫）

「蟲草大王」，Channel C等緊你～

TVB視后李佳芯（Ali）早前同「蟲草大王」陳恩德傳出緋聞，仲有多張「約會」照片曝光，但Ali好快就決斷發長文「落閘」，話「今後亦不會有任何發展空間」，被TVB下令禁止二人合照之餘，仲缺席埋陳恩德公司嘅發佈會。嬲到蟲草大王怒轟TVB「0尊」，決定抽起一千萬廣告，點名要高層交代。

Channel絲唔係要乘虛而入，而係想同蟲草大王講，如果你見到，不如考慮吓嚟Channel C落廣告，我哋價格實惠、唔洗一千萬之餘，仲非常尊重每位廣告客戶，合照任影唔嬲！我哋員工年齡層仲非常廣，實幫你諗到一個老中青都啱睇嘅廣告橋！

#channelchk #蟲草大王 #Ali #李佳芯

張致恆被公佈離婚 前妻雯雯：分開不代表完結

張致恆（Steven）一直都俾人話感情關係紊亂，又被指爭人錢唔還所以被貼街招追數，以為佢結咗婚、生咗仔之後就會生性，點知佢老婆雯雯今日（27日）喺IG出Story，公佈離婚消息。

雯雯就話：「分開不代表完結，只是讓大家過更好的。今天，我們正式離婚了，我也真心祝福你能夠幸福。」而張致恆直到依家都未有回應。

回一回帶，之前張致恆話大仔張天寶俾幼稚園校長歧視，覺得個校長因為佢自己緣故所以唔畀個仔入學，而雯雯就出Story連環18擊回應網民指控，幫Steven平反。佢就話Steven「只係犯咗10個有9個男人會犯嘅錯」，力撐Steven，話佢已經轉變唔少。

回第二條帶，作為全職留港湊仔嘅雯雯，不時嗌辛苦之餘仲可能情緒都有啲唔穩定，喺IG吐苦水，曾經仲話「關係結束」。不過啱啱呢個聖誕節，張致恆post咗雯雯同埋兩個仔共享天倫嘅相，話「辛苦老婆喺屋企為我睇住頭家，老公會呀，我好努力工作，希望下年聖誕節可以一家人一齊過，我愛你啊老婆」。

點知隔咗一個月多兩日，就公佈離婚消息…Channel絲希望雯雯可以保重啦！

#channelchk #張致恆 #Steven #雯雯

爆疫葵涌邨芊葵樓壞水喉
居民無奈落街拎水 嬲爆：想煮飯都無水呀

雖然爆疫嘅葵涌邨疫情有所緩和，但一波未平一波又起，出現1宗個案的芊葵樓今日傍晚起突然壞水喉停水，仲唔知要整幾耐。居民又要落街拎水、又要驚被傳染，唯有各出奇招，好似戴兩個口罩、膠袋笠頭等。

據芊葵樓街坊所指，落街拎水等𨋢足足要等5、6分鐘，就算入到𨋢都逼爆，而低層街坊就選擇行樓梯，避免逼𨋢。排隊裝水嘅居民築起人龍，現場街坊怨聲載道，「多謝林鄭！」、「搵人望吓我哋都好吖，又疫情又無水！」、「想煮飯都無水呀！」

圖片由讀者提供

#channelchk #芊葵樓 #停水 #葵涌邨

大台藝人又失言 遭網民圍插
《聲夢》冼靖峰：03年出世？即係沙士死剩種

「嘢可以亂食，說話唔可以亂講」，呢句嘢Channel絲細細個就聽過，不過仍然仲會有人唔明～曾經參加過《全民造星II》、後尾轉投大台《聲夢傳奇》嘅冼靖峰（Archie），上星期（21日）同其餘四位「聲夢學員」開音樂Live時，竟然口出狂言話03年出世嘅人「即係沙士死剩種」⋯⋯搞到其他人勁尷尬😅😅😅😅

發現Archie失言嘅係連登著名User「宇宙第一美人」（美美），此Post一出隨即引嚟網民圍插Archie「講嘢唔經大腦」、「幼稚」等，又話03年係唔少港人嘅慘痛回憶，更有唔少醫護犧牲，唔明點解佢可以咁都拎嚟講笑。

有啲嘢講咗出嚟就覆水難收，此事經「思思TVB的二三事」再講一講，唔少網民都去咗Archie嘅廣告商3HK同富邦銀行派嬲嬲。唔知廣告商又點睇Archie呢番言論呢？

其實大台藝人都唔係第一次喺沙士嘅傷口上面灑鹽，人稱肥媽契仔嘅陸浩明（6號），2020年就曾經喺節目《後生仔傾下偈》入面話沙士源頭係香港，惹嚟網民圍剿，最尾要爆喊道歉收場。事隔兩年，阿寶又出場了～

#channelchk #archiesin #冼靖峰 #聲夢傳奇

警宿疫戶膠板封窗抽氣 疑播毒樓上 僅撤3層08室
同屬垂直傳播 鄰近葵涌邨雅葵樓 撤全棟09室

正當葵涌邨被禁足多日的逸葵樓、映葵樓和夏葵樓的疫情穩定下來之際，同邨的雅葵樓卻被揭向上垂直傳播，累計3戶中招，同座向單位要全數撤離。不過，鄰近葵涌邨、同樣被揭向上垂直傳播的紀律部隊宿舍葵馥苑安葵閣，卻只撤離同座向的3層單位。據警務處新聞稿介紹，安葵閣居屋宿舍單位由警察宿舍組接管。

衞生防護中心傳染病處首席醫生歐家榮與環保署專家到場視察後見記者，解釋撤離安排。他指，安葵閣10樓08室相信是病毒源頭；由於單位用膠板封閉露台窗戶，當患者在露台附近開抽氣扇時，其呼出的帶病毒空氣便容易抽出窗外，加上是暖空氣，則會向上升，傳染11樓08室的外傭。但由於染疫2戶均沒改裝喉管，他相信只撤離11樓疫戶對上3層同座向單位已足夠。

至於雅葵樓，據歐家榮所言，其傳播途徑較安葵閣較為不確定，故全棟同座向單位都要撤離。他們發現，疑似被傳染的2戶較高層單位，喉管經改裝，而且U型隔氣彎管乾涸。雖然雅葵樓3個染疫的09室單位當中，最先發病是16樓，意味該戶可能是病毒源頭，經屎渠播毒給19和27樓，但歐亦不排除該廈仍有其他傳播途徑。雖然歐承認，未有檢查所有單位渠管狀況，但由於污水渠亦可向下播毒，為審慎起見，才要撤離所有09室單位。

#抽氣扇 #葵涌邨 #雅葵樓 #垂直傳播 #紀律部隊宿舍 #葵馥苑 #安葵閣 #omicron #delta #COVID19 #疫情 #變種病毒 #channelchk

疫殺半世紀旅社！星晨啟動自動清盤程序

疫情令百業蕭條，旅遊業首當其衝。屹立香港50年的星晨旅遊宣佈，將啟動自動清盤程序。

公司在網頁發通告，指董事已通過決議，將根據香港公司（清盤及雜項條文）條例，啟動自動清盤程序，2月16日於灣仔溫莎公爵社會服務大樓，召開首次債權人會議。

#星晨旅遊 #旅行社 #channelchk #疫情

【1.27強檢名單重點】
彩雲一邨16廈連商場
坑口海港真味鮮廚
慈雲山名校保良一中
九巴上水車廠
長沙灣菜欄
沙田博康邨3廈
東涌映灣園2廈
美孚新邨1廈
啟德龍譽1廈
（共26處）

住爆疫禁足葵涌邨夏葵樓 2男警疑染疫
21歲守警總 56歲守機場 潛伏期仍上班

警方指，1名駐守警察總部的21歲男警員及1名駐守機場警區的56歲男警員，1.27初步確診2019冠狀病毒病。2人同樣居於近日爆疫、被圍封禁足強檢的葵涌邨夏葵樓，在病毒潛伏期內仍有上班。

2名警員日前獲安排接受病毒檢測，1.27初步證實對2019冠狀病毒病呈陽性反應。2人於過去14日沒有外遊記錄，工作期間有佩戴口罩。2人最後一日上班分別為1.21及1.22。

#警察 #疫情 #Omicron #葵涌邨 #夏葵樓 #covid19 #禁足 #圍封 #強檢 #channelchk

靈車行駛期間跌棺材！斑馬線上開埋蓋

「跌咗嘢～試吓唔好急 跌咗嘢~試吓唔好執～」雖然歌就係咁唱，但今次跌到「開埋蓋」，真係要急住執！🤯🤯🤯

去片👉https://www.youtube.com/watch?v=8A0vDekXUlg

#channelchk #靈車 #棺材

47歲「玻璃朱」涉酒後駕駛被捕
灣仔撞傷菲籍漢

現年47歲嘅「玻璃朱」朱庭萱涉酒後駕駛被捕！據傳媒報道，事發凌晨1時許，佢駕駛平治私家車途經灣仔天樂里與軒尼詩道交界時，撞倒一名正橫過馬路嘅菲律賓籍男子，男子腰背及腳受傷，清醒送院。

玻璃朱接受酒精呼氣測試，證實超標，被警方以涉嫌酒後駕駛拘捕。她已獲保釋候查，2月下旬向警方報到。其私家車已被扣留於鰂魚涌汽車扣留中心，待進一步檢驗。

過去亦有唔少藝人因為醉駕被捕，其中有醉駕前科嘅楊明，喺2020年8月自炒撞毀馬己仙峽道一段約3米長戰前石牆，佢承認「不小心駕駛」及「車窗玻璃光度不足」，去年11月被判囚18日及停牌2年，目前獲准保釋上訴，暫毋須入獄。

TVB藝人郭子豪在2019年3月喺尖沙嘴駕車時遇到警察路障，其酒精呼氣測試錄得約50度，超標逾一倍。佢接受傳媒查詢時聲稱事發時在家。最後被裁定醉駕，被判90小時社會服務令、停牌一年。

歌手梁漢文2018年駕車時，喺花園道與羅便臣道撞欄，當時其酒精呼氣測試更超標近四倍，涉嫌「酒後駕駛」被捕。佢最後被判160小時社會服務令，停牌兩年，罰款1,500元。

#channelchk #玻璃朱 #朱庭萱 #醉駕 #酒後駕駛

黃曉明Angelababy宣佈離婚：
感恩過去所有，未來仍是家人

繼上月王力宏與李靚蕾宣佈離婚後，內地藝人黃曉明與Angelababy今日亦透過微博宣佈離婚，結束6年幾婚姻。雙方在帖文表示「感恩過去所有，未來仍是家人！」

黃曉明也透過工作室發聲明指，兩人是和平分開，並於日前辦妥相關手續，未來將共同撫養孩子。

2015年，拍拖6年嘅黃曉明與Angelababy結婚，喺上海舉行世紀婚禮，兩年後誕下囝囝小海綿。直至近年，兩人屢傳婚變，而且越來越少合體出現，最終今日宣佈離婚消息。

#channelchk #黃曉明 #Angelababy #離婚

貨櫃車去到燈位唔煞車，好似推銀機咁直撞，搞到私家車被夾到好似三文治咁。奉勸司機大佬們揸車要小心呀！

去片👉 https://www.youtube.com/watch?v=ruzzLJIWJ0w

17歲港將黃澤林同美國拍檔Bruno Kuzuhara，於澳網青年組男雙奪冠，齊齊變世一！

#channelchk #ColemanWong #澳網