《造星IV》唱功擔當B2組贏友誼輸比賽
愛心護士Ash被淘汰 感言打動全場

《全民造星IV》第3回合Battle，今集首先出場嘅係跳舞不得了嘅A4組，隊長係芯駖，成員就包括So Ching 、Win Win、筠兒 、超酸同子涓。佢哋帶嚟嘅跳唱《Lady Killa》，成功帶動全場氣氛，連肥仔都睇到好投入。評判鍾舒漫（Sherman）就大讚WinWin Rap功紥實，令佢對A4嘅表演有信心，聽到導師Alfred大為感動，「不枉我棉乾絮濕湊大你哋！」。而之前話過另一組表演似「夜總會」嘅評判陳輝陽，就話因為每個成員都好有個性，所以好欣賞A4組嘅裝束。

相比起A4組「完全唔識唱歌」，佢哋嘅對手B2組就俾梁祖堯形容為係「唱功擔當」嘅一組，隊長係Liu哥、成員有Ana 、Ash 、Winka 、阿Mic、鐵鐵 。B2組嘅相處開心和諧，即使唔識樂理嘅Ash同鐵鐵跟唔上進度，其他組員都好樂意教返佢哋。佢哋上台演出嘅係唱歌表演《相信一切是最好的安排》，本身好鍾意呢首歌嘅Channel絲，覺得睇呢個演出就好似見到佢哋平時點樣互相鼓勵一樣，而成員之間嘅好感情都流露晒喺啲細節入面，例如Winka有時會拖住Ash一齊唱，好warm。雖然陳輝陽話睇唔到主題同突出嘅地方，但呢個表演已經打動咗Channel絲～

全文閱讀：

https://www.facebook.com/101870318844226/posts/148575334173724/?d=n

#channelchk #全民造星IV #Ash #Winka #Ana #阿Mic #Liu哥 #鐵鐵 #子涓 #SoChing #Winwin #芯駖 #筠兒 #超酸

大埔恐怖曱甴屋 三不管逾10年 隔月百隻播鄰居
勇士義闖剿竇 慘遭躝上身 滅族後無盡曱屍滿屋
【慎入！IG直擊屋內👉 shorturl.at/txGM5 】

大埔富亨邨亨隆樓24樓一名50多歲的男住戶妻離子散後，長期酗酒兼愛執垃圾入屋，令單位滋生大量蟑螂。但房署、食環署和屋邨清潔商一直沒插手根治，該公屋單位2年前更被買斷，令問題困擾逾10年。每當戶主家人隔數月上門執屋，就有上百隻曱甴湧出屋，更波及相隔數層的鄰居。

一直跟進問題的區議員何偉霖，昨（24日）陪同滅蟲公司工人勇闖該單位，免費剿滅曱竇，「嗰陣（臭）味道電梯口都聞到」。雖然工人已穿上全套保護衣和戴防毒面具，但大量蟑螂仍躝至其身上，形容情況非常惡劣。當蟑螂被滅族後，曱屍遍佈滿屋，狀甚噁心。何偉霖向Channel C形容，被屠殺的蟑螂可能有過萬隻。

何偉霖指，自己曾要求房署扣戶主分，甚至強制遷離戶主，但房署遲遲不肯跟進，更拖至單位2年前被買斷，已無權再跟進。結果戶主家人每次執屋，清潔工惟有忙於在走廊及升降機大堂撲殺蟑螂，令恐怖曱屍路每隔數月重演，對上一次只是數日前。他認為，即使該單位已賣出，但大廈仍有其他單位是由房署租出，有責任跟進大廈衞生問題，而非僅卸責法團及管業處。

何又指，房署、食環署和屋邨清潔商均表示，該單位屬於私人範圍，不會代為清理內裏的曱屍和垃圾。「食環署表示，就算可以清理，都要收取相關費用。」他認為，由於此事牽涉公共衞生，加上戶主家人上年紀，又有經濟困難，單憑一人之力難以應付，希望政府酌情處理。

何偉霖亦希望有義工協助清理單位內的垃圾，讓滅蟲公司進一步改善單位的衞生問題。社署向何偉霖稱，會聯絡和協助戶主家人，並會嘗試尋找慈善團體和義工，幫獨居的戶主執屋。何又引述戶主家人，稱向受影響的鄰居致歉，希望能勸服戶主搬出並與家人同住。

房屋署指，屋邨辦事處會先勸喻違規戶，再警告，繼而按屋邨扣分制扣分。署方指，雖然涉事單位已經居者置其屋計劃出售，但業主仍須遵守大廈公契；又指富亨邨的法團及其委聘的物業管理公司，已接手屋邨的日常管理、清潔和維修。

#大埔 #富亨邨 #曱甴 #滅蟲 #bug #insect #蟑螂 #cockroach #terrible #crotonbug #pest #blattodea #channelchk #公屋 #何偉霖 #亨隆樓 #居者置其屋 #屋邨扣分制

譚詠麟偷食粉絲有前科 紅顏知己誕私生子
曾認「一己私欲」享齊人之福

71歲歌手譚詠麟（校長）被爆「睡粉」後，唔少網民都重提校長嘅舊情史，話佢早有前科。當年校長與女友結婚十多年後，兩人關係先正式公開，但校長之前已偷食女歌迷朱詠婷（Wendy），盡享齊人之福。Wendy更誕下私生子譚曉風，至2006年譚父譚江柏過身，校長終公開承認Wendy同譚曉風身份。

有指譚詠麟當年對妻子楊潔薇（莎莉）一見鍾情展開追求，兩人感情穩定，到1981年喺美國拉斯維加斯註冊結婚，但一直無公開。直至1993年，莎莉父親過身，訃聞上寫有譚詠麟名字，兩人婚姻關係才算半公開。二人婚後未育有子女，有傳作為獨子嘅校長因而有傳宗接代壓力。

而早喺1991年，譚詠麟喺歌迷會上已邂逅細佢22歲嘅Wendy，佢哋發展成紅顏知己，Wendy喺1995年更願意無名份為校長誕下譚曉風。到2006年，譚父譚江柏過身，訃聞有Wendy同譚曉風嘅名字之外，兩母子亦有出席喪禮。校長接受電台節目訪問時曾承認，自己為「留個後代」和「一己私欲」導致事情發展到咁地步，對「背後兩個女人」致歉，又叫大家唔好學他。

之後，校長、Wendy同譚曉風經常「一家三口」出現。當時有報道指，莎莉心淡看破紅塵，甚至傳出削髮為尼。到2001年，校長喺61歲壽宴上，公開同Wendy出席，似係有意將佢「扶正」。幾年前譚曉風喺英國牛津大學取得碩士學位，校長更豪擲百萬，同親友參加囝囝畢業禮。

#channelchk #譚詠麟 #一夫兩妻 #偷食 #睡粉 #Wendy #譚曉風

鍾天使、蘇炳添等29中國運動員下月訪港 獲豁免檢疫
冬奧紀念鈔設計寓意情繫祖國 200萬張12.1起認購

東京奧運中國國家隊運動員代表團下月3日至5日訪港。民政事務局今午公佈名單，代表團包括來自12個運動項目共29名運動員，例如首名晉級田徑男子100米決賽嘅蘇炳添、推鉛球女將鞏立姣、多次與「牛下女車神」李慧詩對戰嘅鍾天使、乒乓球男子個人及團體賽雙金得主馬龍同隊友許昕等；另有3名教練。

代表團抵港後將展開一連3日訪問活動，包括出席由特區政府舉行嘅歡迎會同晚宴，亦會到訪香港體育學院，與香港運動員交流。代表團成員翌日（4日）將出席3場公開活動，包括上午到伊利沙伯體育館和維多利亞公園游泳池參加兩場運動項目示範活動，及下午於伊館舉行嘅大匯演。3場活動門票將於周五（26日）起於城市電腦售票網以實名登記方式公開發售，每張門票20元，每人限買兩張；市民亦可透過電視直播觀賞以上3場活動。

政府日前已指代表團會來港可獲豁免檢疫，體育專員楊德強接受電台節目訪問時指，代表團在疫情下訪港，須遵守防疫措施。活動規模會較以往小之外，運動員亦不可自己離團觀光，全部要「集體行動」，亦只會按照已獲批的行程活動。其間又會與市民保持社交距離。

另外，北京冬奧明年2月將舉行，中銀香港已宣佈發行面值20元嘅北京2022年冬奧會紀念鈔票，將於12月1日至10日接受認購。中銀今次將會發行200萬張紀念鈔，包括單鈔157萬套、四連張2萬套、35連張1萬套，售價分別為138元、338元及1,388元。配售結果將於12月21日公佈。中銀香港亦特別精選200套慈善珍藏版，以競投方式發售，詳情稍後公佈。

冬奧會紀念鈔票以藍色為主色調，正面印有北京2022年冬奧會會徽及中銀大廈，背面則印有萬里長城及維港剪影。鈔票以唐詩寫月名句「天涯共此時」為設計理念，寓意香港市民心連冬奧，情繫祖國。

#channelchk #中國運動員 #東奧 #訪港 #代表團 #北京冬奧 #紀念鈔 #中銀

網民揭譚詠麟衫褲鞋襪酒店疑match奸夫！
悲傷牛肉麵澄清無收錢 無公關 願奉陪到底
嘮動新聞👉 https://youtu.be/LrhJ3VulTSg

#channelchk #譚詠麟 #悲傷牛肉面 #偷食 #睡粉

＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！
https://www.youtube.com/ChannelCHK

大埔恐怖曱甴屋！滅蟲商料藏幾萬隻！
義務清剿爬晒上身
嘮動新聞👉 https://youtu.be/77pO_pyk-jY

Channel C亦感謝他們為一眾居民衞生着想，勇敢搗破曱竇：
👉 區議員何偉霖
👉 滅蟲商Nobedbugs-HK

#大埔 #富亨邨 #曱甴 #滅蟲 #bug #insect #蟑螂 #cockroach #terrible #roach #crotonbug #pest #blattodea #channelchk #曱甴屋 #公屋 #獨居 #何偉霖 #房屋署 #食環署 #亨隆樓 #區議員 #hygiene #法團 #管業處 #公契 #清潔 #clean #居者置其屋 #屋邨扣分制

＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！
https://www.youtube.com/ChannelCHK

專訪｜勇闖逾萬隻曱甴屋議員 親述極恐經歷：
小強瓹落褲 亦從滅蟲師傅頸罅爬出
廚房二手垃圾堆 淪滋長全屋蟑螂溫床

嘮動新聞👉 https://youtu.be/77pO_pyk-jY
慎入！高清曱屍圖輯👉 shorturl.at/txGM5

所謂「好奇害死貓」，好奇心極重的小編K深明此道；以往收看「好奇五先生」的曱甴實驗片，仍能面不改容，怎料當接過大埔曱甴屋的高清曱屍相時，才開始後悔自己的好奇心太強，相信不少讀者都一樣。但本身很害怕曱甴的當區區議員何偉霖，卻帶同義務滅曱隊頂硬上，勇闖這個正在供養逾萬隻小強的300呎曱竇，希望將其一舉殲滅，還街坊已闊別逾10年的衞生環境。

【何議員接受旁白師電話訪問原句節錄】

「成間屋……全部（曱甴）都郁㗎，仲要係好大隻……當佢一掀開啲嘢，即係啲雜物，（曱甴）就開始飆出嚟喇。」

「好多（曱甴）未跑到出嚟，已經死咗喺入面喇，變咗（屋內）成地都係（曱屍），尤其廚房最嚴重……鄰居掉出嚟啲垃圾，佢好鍾意拆開，睇吓有冇啲食剩嘅嘢，佢就攞番去食；但啲垃圾佢攞番去，就掉喺廚房個位，堆到滿晒出嚟㗎喇……好多袋，變咗嗰度係個溫床囉。」

「（曱甴）有爬過落（我）條褲度囉，但係我真係搞唔掂，要即刻跳番出嚟，真係太過惡劣喇。佢哋做緊嘅人（滅蟲隊），基本上成個身都爬滿晒（曱甴）㗎喇。佢哋行出嚟休息時，我同滅蟲嗰個人講講吓嘢，（對方）喺身嗰度、喺頸嗰啲罅位，都爬幾隻好大隻嘅（曱甴）出嚟。」

「以前我唔知咩係『曱甴味』，但今次我入到去就知道。我問滅蟲公司，呢啲係咩味？點解咁臭、咁難聞嘅呢？佢話呢啲咪『曱甴味』囉……即係又醙、又酸、又臭，嗰祲味好濃烈，我真係無法用言語去形容呢祲味。」

「滅蟲公司同我講，（屋內）可能有幾萬隻（曱甴），而家未完全清晒。你淨係見到大（隻）都咁多啦，細嗰啲呢？」

「喺咁緊急、咁危害到公眾健康、咁嘅衞生情況，你（政府）都唔肯酌情處理（曱甴屋），要我哋搵坊間慈善團體同義工處理？咁如果冇義工處理，最後點呢？件事就擺喺度，唔處理？所以點解長年都冇解決到呢個問題；由佢租嘅時候，經過咁多住戶投訴、聯署，點解嗰時又唔處理呢？仲要最後賣埋個單位畀佢？」

更多👉 shorturl.at/amszC

#大埔 #富亨邨 #曱甴 #滅蟲 #蟑螂 #cockroach #channelchk #公屋 #何偉霖 #亨隆樓

EomBuy易買特約爆片爆相｜大埔車禍救急扶危
貨van翻側冒煙 熱心途人爬高 齊救被困司機

香港地，總不乏義不容辭救急扶危的熱心人！一架灰色貨van今早（26日）8時許在大埔工業邨口的完善路和汀角路交界，與一架紅色私家車相撞，向右翻側並冒煙，司機被困。多名熱心途人爬高至朝天的另一邊車窗，合力救人，相當有愛。

Channel C讀者今早8時05分乘車路經此處時，看見貨van被撞至翻側，立即拍照並報料給小編，獲EomBuy易買特約爆片爆相採用。至於另一架涉事私家車，車頭亦嚴重損毀，疑似漏出在車頭用來散熱的水。

受意外影響，現場交通在上班的繁忙時間受阻逾1小時；至早上9時許，意外現場才清理好。車龍由完善路近汀角路的十字路口，最長時一直伸延至廣福邨，長達1公里。

#channelchk #大埔 #大埔工業邨 #翻車 #冒煙 #交通意外 #車禍 #交通消息 #撞車 #完善路 #汀角路 #讀者報料 #好人好事 #救人 #貨van #客貨車 #私家車

新變種病毒B.1.1.529襲港 專家憂削疫苗功效
倡仿英國 禁南非等6國航班來港

富豪機場酒店早前出現酒店內傳播，兩名患者帶有源於非洲的COVID-19新變種病毒株B.1.1.529，被專家形容為「迄今最惡劣變種病毒」。政府專家顧問許樹昌表示，新病毒有大量基因突變，或影響現有疫苗功效，傳播力亦可能更高。英國已宣佈周五起禁止南非等6個非洲國家航班入境，許認為香港亦可以跟隨。

全球首宗感染B.1.1.529病例於本月11日在非洲博茨瓦納發現，現時全球已有11宗個案，包括博茨瓦納的3宗、相鄰的南非有6宗。香港則有兩宗病例，衛生署昨（25日）公佈在富豪機場酒店戴氣閥口罩、由南非抵港的印籍男子（第12388號個案）帶有該種變種病毒株，並傳染對面房住客。

據報B.1.1.529是一種被稱為B.1.1舊型變種病毒的演化，在刺突蛋白中有32個突變，是目前為止變異最多的變種病毒。與擁有16個突變的變種病毒株Delta相比，B.1.1.529傳染力更強。

許樹昌今早在商台節目表示，部份研究發現Delta已令疫苗功效大打折扣，降至4至8成，而新病毒株有32個基因突變「未見過咁多」，「（病毒蛋白）形狀變咗，而家疫苗係以未變種嘅病毒配對」，擔心會更影響疫苗功效，傳播力亦可能更高，但他指「你話（疫苗）完全無效又未必」。

英國周五宣佈，暫時禁止由南非、納米比亞、津巴布韋、博茨瓦納、萊索托及史瓦帝尼等6個國家的航班飛抵該國。許樹昌說，香港亦可以跟隨；至於抵港旅客的檢疫期需否延長，許認為本港的檢疫期已是「全世界最長」，毋須再調整。

B.1.1.529目前已被世衞列入「正開展進一步監測的病毒株」。世衞周五將召開特別會議，評估B.1.1.529對疫苗及現行治療方式影響，以及討論是否將之列為「值得注意的變種」（variant of interest）或「值得關注的變種」（variant of concern）。

#channelchk #變種病毒 #COVID19 #疫情 #南非變種 #delta #許樹昌 #南非 #英國 #世衞 #疫苗

【17：40更新】
TVB股價跌至4.68元 重回歷史最低！

電視廣播（0511）股價節節暴跌！繼前日（24日）首次跌穿5元，連續兩日無「復甦」迹象，今日收市更跌至4.68元，全日跌3.7%。

TVB踏入11月「台慶月」後，股價由月初6元，之後一直徘徊喺5個幾，到9號又升返超過6元。但自從11號升到6.1元之後，股價節節創暴跌，前日更首次跌穿5元，收市價報4.96元，豈料低處未算低，今日開市又跌到得返4.81元，之後到中午都無回升，下午開市報4.7元，收市更跌至4.68元；市值亦得返約20億元。

之前TVB股價仲有5個幾時，無綫首席創意官王祖藍就話「抵買！係入貨好時機」，而家唔知會唔會再吸引多啲股市入貨呢？！如果大家要買股票，可以不妨考慮Channel C嘅專屬連結喺華盛通開戶，不過投資涉及風險，要量力而為呀。
【11月開戶送$1000股票💰】
立即為你送上華盛11月嘅開戶優惠😍！
成功線上開戶就可以拎到$1000股票(兩股Twitter)！
仲送你港美股0️⃣佣！同埋美股深度擺盤👍🏼，可以直接睇40檔報價！
首入金3萬仲會加送一手7522 ETF (約＄200)！
即刻睇下有咩獎賞啦👏🏻！
✨兩股Twitter（約HK$1,000），港股無限免佣
✨美股免佣半年
✨美股深度擺盤，40檔報價
✨HK$288港股免費串流報價
✨HK$300現金券轉倉賞
11月有咁多優惠，咁多著數，即刻嚟華盛開戶啦！
登記連結： https://hk.vbkr.com/hd/register/2019/0517...

#channelchk #TVB #股價 #台慶月 #股市 #無綫 #王祖藍

叱咤「我最喜愛」5強名單出爐
組合Rubberband出局 張敬軒獨對MIRROR4子

2021叱咤樂壇「我最喜愛」第一輪投票階段結束，各組別的最後5強名單正式出爐，入圍的組合有 C AllStar 、 Dear Jane 、 ERROR 、MC $oho & KidNey 及 MIRROR ；而女歌手則包括 Serrini 、 方皓玟 、 陳凱詠 Jace 、 陳蕾 Panther Chan 、 鄭欣宜 Joyce Cheng ；男歌手就有 張敬軒 Hins Cheung 和MIRROR四子： Ian 陳卓賢、 Anson Lo 、 Edan Lui 呂爵安 及 姜濤 。

第二輪投票階段為11月29日至12月3日，得獎名單會於明年1月1日頒獎典禮公佈，唔知大家嘅心水又有無入到5強呢？

#channelchk #叱咤 #我最喜愛 #CALLSTAR #DEARJANCE #ERROR #MIRROR #mcsohoandkidney #Serrini #方皓玟 #陳蕾 #陳凱詠 #鄭欣宜 #張敬軒 #呂爵安 #陳卓賢 #姜濤 #盧瀚霆

車cam直擊大埔貨Van被攔腰撞翻
私家車司機疑衝燈涉危駕被捕

大埔今早發生兩車相撞意外，網上流傳拍攝事發一刻的車cam片段，可見一架貨Van於大福街交界燈位駛出完善路時，被一架紅色私家車攔腰撞翻，貨Van翻側橫亘路中，並冒出白煙。數名熱心途人見狀合力救出被困的貨Van司機；而38歲車司機涉嫌危駕被捕。

事發早上8時許，網上車CAM片段，貨Van當時在綠燈亮起時開車，駛至十字路口時，被一架紅色私家車攔腰撞翻。貨Van司機受傷一度被困，多名熱心市民見狀上前協助。消防及救護員接報到場，35歲姓趙貨Van司機右手及背部受傷，由救護車送院治理。

兩車司機酒精測試為零度。警方初步調查後，38歲姓鄭私家車司機涉嫌危險駕駛被捕，已獲准保釋候查，須於明年1月向警方報到。

#channelchk #大埔 #交通車禍 #撞翻 #冒煙 #交通意外 #車禍 #撞車 #完善路 #貨van #私家車

《造星IV》預告疑爆40強最終回落敗組別
戲劇新手B4組扮金魚 昨撼贏可愛A2組晉級

《全民造星IV》今晚將播出第二回合最後一輪淘汰賽，即40強就會誕生。節目預告透露，今晚A、B兩組自選項目會以非主流表演出戰，仲見到評判少爺占討論淘汰參賽者時，拎住咗B組名單，唔知係咁啱，定係B組真係輸咗。至於噚晚（25日）出場嘅A2組同B4組，佢哋嘅演出就令評判非常難抉擇喇！

噚晚平均年齡最細嘅A2組，由Day、Mei mei、Elka、Tania、阿蛋同阿Yo組成，自選項目係跳唱《Candy Ball》，大sell青春可愛，結果獲評判好評，連怕睇可愛嘢嘅韋羅莎都話睇得好舒服。

佢哋對戰嘅B4組有Ivy So、Gao、Sarah、Karen、咖喱同暐翹，呢組就用咖喱之前做醫生嘅一段經歷，化為戲劇《六條金魚》，喺後台嘅節目監製花姐都大讚「好睇」，導師梁祖堯同女團經理人Wing亦睇到喊，一班評判亦被打動，陳輝陽大讚：「我睇完好驚嘆，因為佢畀咗好多情緒畀我，佢直情好似睇𡁵一套mini movie，我係無諗過睇到一個咁嘅表演，尤其係呢嗰節目裏面。」

輪到Dance Battle，兩隊大跳MIRROR嘅《BOSS》，「舞」得難分難解，令到5位評判都非常頭病，其中韋羅莎投票前更忍唔住眼濕濕：「剩係其他4個（評判）投得唔得啊？我唔投得唔得啊？」最終B4組以4盞紅燈晉級。唯一投A2組嘅鍾舒漫就指：「我唔想浪費呢一組，我逐嗰搵，有冇一個係比較離咗神、冇咁投入或者遜色啲，但我搵唔到，所以我呢一分就係畀藍組。」落敗嘅A2組入面，評判最後淘汰咗Elka。

#channelchk #全民造星IV #ViuTV #Day #Meimei #Elka #Tania #阿蛋 #阿Yo #IvySo #Gao #Sarah #Karen #咖喱 #暐翹

父母疑畀小朋友坐大髀揸「大膽車」
網民直斥馬路炸彈、「生仔要考牌」

好多小朋友都鍾意玩賽車，但為人父母，千祈唔好教佢揸「大膽車」呀！網上近日流傳一段短片，影到一架私家車入面，有位小朋友坐咗係司機位嘅爸爸大髀，隻手就不時伸出嚟搞個軚盤，而坐喺副駕位嘅媽媽，見到此情此景就一啲反應都無。

唔少網民睇到片段後都直呼「牙煙」，又話佢哋唔止教壞緊個仔，仲害緊其他道路駕駛者，有人就話如果唔小心發生車禍，安全氣袋好可能會整親小朋友，直斥「生仔要考牌」。

其實10年前都曾經發生類似事件，當年一對父母將2歲小朋友揸「大膽車」嘅片擺上YouTube，引來網民聲討及報案，最後要去警局自首。佢哋被控危險駕駛及慫恿他人危險駕駛罪，各被判160小時社會服務令及停牌半年。睇嚟今次阿寶又要出動了，唔知今次片中嘅父母知道錯未呢？

#channelchk #私家車 #阿寶 #人類總要重複相同的錯誤 #大膽車 #揸車

洗米華捲內地跨境賭博犯罪集團案
公安發稿促投案自首 「爭取寬大處理」

太陽城集團（1383）創辦人周焯華（又稱「洗米華」），疑捲入內地跨境賭博犯罪集團案，被內地溫州人民檢察院批准逮捕。

浙江省溫州市公安局透過官方微博「平安溫州」發稿稱，局方於2020年7月就「張寧寧」等人開設賭場案立案調查，發現周焯華同為跨境賭博犯罪集骨干，涉嫌於中國境內開設賭場，情節嚴重。溫州市人民檢察院近期已依法對嫌疑人周焯華（澳門居民、太陽城博彩中介一人有限公司董事）批准逮捕。公安透過稿件敦促周焯華儘快投案自首，以「爭取寬大處理」。

#channelchk #洗米華 #周焯華 #太陽城集團

譚詠麟疑「偷食粉絲」引抽水大戰
譚仔覆PokeGuide惡搞：湯底配米線先係世一

71歲歌王譚詠麟疑偷食粉絲一事，除咗搞到眾說紛紜，仲搞到全城抽水抽到「SuperDry」添呀！先有網民改歌「我直入微博 你背面極強壯」、餐廳出「愛呈陷阱套餐」，網媒 Pokeguide 亦都整咗張「譚伯上海粉絲」海報惡搞譚仔雲南米線 ，話出咩「臭茜鹹豬手配操上海粉絲」喎，加$20仲可以追加「悲傷牛肉麵」，加$300就可以換購埋Kimochi波鞋⋯⋯連埋句「譚伯對食粉絲的一份堅持」，真係吸濕大笨象都唔夠佢抽啊～

好多網民都喺個post到tag返譚仔，而被惡搞嘅譚仔今日就出返個post「導人向善」，話米線可以日日食，但「粉絲就唔可以亂咁食」。譚仔話，佢哋嘅湯底配米線先係世一，但就唔會出豬手，可以試咗牛柏葉先，叫大家無波鞋可以換住「譚仔遮遮」先，不過就點都「遮唔到醜」～

抽水嘅其實仲有 Pricerite實惠 同 新巴城巴 NWFB and Citybus，實惠除咗叫大家「食粉絲要食得精明啲」，仲趁機宣傳佢哋唔知悲唔悲傷嘅牛肉麵；而新巴城巴就惡搞咗對出晒名嘅「K」字波鞋，將佢哋改咗做eShop嘅產品，仲話「城巴新巴及小編對此證實了這個消息」。

食粉絲搞到咁大件事，譚校長今次真係「PokeGuide」啦～唔知PokeGuide會唔會喺佢地個App到加埋偷食逃生路線呢？失德藝人名單，呢次「麟到你了」！

#channelchk #譚仔 #PokeGuide #譚詠麟 #實惠 #新巴城巴 #悲傷牛肉麵

澳門政府發稿證周焯華被司警帶走：依法追究，絕不姑息

太陽城集團（1383）創辦人周焯華涉於內地經營賭場，被內地檢察院批准逮捕，而網上今日流傳一張照片，指周焯華已被澳門司警帶走。澳門政府下午發新聞稿證實警方行動，又重申所有在澳從事博彩業的人員，都必須嚴格遵守國家和澳門有關的法律規定，當局會依法追究違法行為，絕不姑息。

新聞稿指，澳門政府收到內地通報，指澳門居民、某博彩中介一人有限公司周姓股東、董事涉嫌成立跨境賭博犯罪集團，非法組織中國公民赴其承包的境外賭廳賭博，參與跨境網絡賭博活動，涉案金額特別巨大，嚴重妨害了國家的社會管理秩序。澳門警方今早根據之前刑事偵查所獲的證據，將周焯華及其他涉案人士帶返警局調查。

據《澳門日報》報道，澳門司警偵破一宗涉及犯罪集團非法經營賭博及洗黑錢的案件，合共拘捕11名疑犯，將會於周日（28日）舉行特別新聞發佈。本港《有線新聞》則引述消息指，案件涉及周焯華。

#channelchk #洗米華 #周焯華 #太陽城集團 #澳門 #司警

世衞命名新病毒株「Omicron (o）」
不按字母順序 跳過Nu、Xi引揣測

南非最近出現COVID-19新變種病毒株B.1.1.529，有專家料傳染力強，或降低疫苗效力，而比利時、以色列及本港都先後出現病例。世界衞生組織周五（26日）宣佈，將這病毒株命名為Omicron (o），由於病毒株過往是按希臘字母排名，Omicron前應尚有Nu、Xi，此舉惹來外界揣測當中玄機。

俄羅斯官方新聞電視台《RT》（今日俄羅斯）引述一名世衞官員指，Nu被跳過的原因是因為讀音似常用詞New（新），容易混淆；而Xi則因為習是「常見姓氏」，世衞希望避免冒犯任何國家、文化和社會。報道最後亦提到，中國國家主席習近平的拼音為「Xi」。

#channelchk #covid19 #who #世衞 #omicron #nu #xi

由片中人除衫嗰一刻，已經睇得出佢想隻揪嘅決心。而身為「老江湖」嘅佢，早喺兩年前已經比人影到喺荃灣單挑黑人⋯⋯
去片👉 https://www.youtube.com/watch?v=3cP4ujm8i08

#channelchk #李小龍 #功夫 #KungFu #巴士 #荃灣
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！
👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://t.me/channelchk
報料／廣告接洽：
info@channelchk.com
＝＝＝＝＝＝＝＝＝＝＝＝＝＝＝

借錢黨除咗呃錢仲呃埋人哋嘅同情心，一齊睇吓Channel師喺旺角站點擊退佢哋啦！
去片👉 https://www.youtube.com/watch?v=afi07xEBaTQ
#channelchk #嘮動新聞 #地鐵站 #借錢黨 #呃錢 #騙徒 #踢爆
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！
👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://t.me/channelchk
報料／廣告接洽：
info@channelchk.com