男子先達偷嘢斷正 警未到已被人打

前幾日有個男人喺旺角先達廣場偷嘢被斷正，被保安及商戶包圍質問，正商討是否報警之際，一名肥仔出手打人行私刑！

網上片段所見，商場保安和商戶職員已將偷嘢男包圍，質問「呢度可以畀你咁樣入嚟偷嘢嘅咩？」該男人表現驚恐，多次喊：「唔係呀！唔係呀！」在場人士一度鼓譟，大罵「唔好扮嘢啦」、「唔精神咪X入嚟啦你」。

正當大家揚言要報警時，其中一名高大肥仔突然郁手打人行私刑，對其拳打腳踢，後遭其他人上前拉開阻止。據悉，事件中暫未有人被捕。

#channelchk #偷竊 #先達 #旺角 #私刑