楊明判囚准保釋等上訴 莊思明留言勉勵：沉在下底不用悲觀

TVB藝人楊明 Mat.Y 去年喺馬己仙峽道駕車失事撞壆，上周四（4日）因不小心駕駛罪判囚18日，獲准保釋等候上訴。女友莊思明 Lisa Ch'ng 當時喺庭上更哭成淚人，事隔幾日佢似乎心情已平復唔少，噚日（9日）喺IG上載咗兩張單人相，又留言似為男友同自己打氣：「人的一生難免浮浮沉沉，順境逆境都是一時，也都是常態。凡事往好處想，你的心態決定你的命運！浮在上面不必驕傲，沉在下底不用悲觀！人生總在歷練中成長❤️」

莊思明同楊明拍拖5年，佢哋早已視對方為結婚對象，莊思明仲話過「嫁過楊明」添！就算男友官司纏身，佢都不離不棄，一直陪伴喺楊明身邊默默支持對方。佢哋經歷咗咁多高低起跌，Channle絲都祝福佢哋早日有情人終成眷屬，永遠都唔會分開呀！

#channelchk #楊明 #莊思明 #不小心駕駛 #拒絕提供血液樣本以作化驗 #車窗玻璃透光度不足