元朗唐狗被炮仗聲嚇親走失 獲梁祖堯救起與主人團聚
惟狗主另一狗狗仍未尋回

雖然話「炮竹一聲除舊歲」，但其實市民無論喺邊度放煙花、炮仗都係違法，危險之餘仲會令毛孩受驚。居於元朗嘅梁祖堯昨日下午喺社交平台出post，話喺大棠路紅棗田附近發現一隻疑被炮仗聲嚇走嘅唐狗，「佢非常之害怕，喺大棠路車來攘往之間走來走去，非常危險。」

阿祖見狀先將狗狗帶返屋企，喺網上呼籲大家將消息廣傳，希望盡快幫狗狗搵返主人。經熱心市民及毛孩守護者義工幫助下，佢哋得知狗狗有晶片，3歲，叫「靚妹」。之後隔咗陣「靚妹」主人終於聯絡阿祖佢哋，仲話「靚妹」真係因為鄰居燒炮仗而嚇到走失。阿祖憶述，「靚妹搵返媽媽嘅時候開心到成個跳起不停擺尾，我哋同佢相處咗半日佢都未試過擺尾。」

雖然成功幫「靚妹」搵返主人，但阿祖話呢位主人同時有另外一隻狗走失，仍未搵返嘅狗狗同「靚妹」係同胎嘅兄弟姊妹，樣子基本上係一樣，呼籲各位街坊見到可以先hold 起狗狗，然後聯絡佢。「靚妹」主人亦喺帖文留言多謝阿祖幫忙照顧「靚妹」，話「靚妹」已經安定落嚟，但昨晚搵到而家，仲未搵到「靚妹」阿哥「四眼仔」。而「四眼仔」同「靚妹」一樣樣，顏色偏深色，走失時戴住鐵鍊頸帶，有晶片。

阿祖亦提到每年歲晚好多村會放炮仗煙花，好多寵物都會嚇到走失，昨日亦遇到一個女仔正搵緊一隻金毛犬，所以佢都呼籲大家要好好睇住毛孩，尤其過年過節，「佢哋真係會俾啲炮仗嚇到不顧一切咁樣逃走。既然呢個地球上已經冇人有辦法或願意去阻止違例嘅燒煙花炮仗，咁作為主人就唯有自己小心啲。」

阿祖喺帖文享自己嘅親身體會：「前年我都親身因為咁走失咗隻狗，好在有街坊hold住，先至可以團聚。唔係嗰次經歷，都唔會識得見到有狗喺街上邊走失，無論如何都應該hold住佢，否則佢越走越遠或者會遇到交通意外後果不堪設想...」

#channelchk #梁祖堯 #煙花 #炮仗 #民間煙花 #唐狗 #走失 #毛孩

註：燒炮仗截圖取自《now新聞》影片

中秋夜多區上演民間煙花騷
荃灣區兩男搜出小量炮仗被捕
全文：https://bit.ly/3DgkC1b

中秋夜，何文田、深水埗和大埔等地區都有人放煙花，傳來陣陣巨響和閃光。而警方在青山公路一帶海灘巡邏時，亦發現有人放煙花，隨後從兩名男子檢獲小量炮仗，遂以涉嫌「非法藏有煙花爆竹」罪名，拘捕29歲及21歲男子。

#煙花 #民間煙花 #非法藏有煙花爆竹 #青山公路 #channelchk
＝＝＝＝＝＝＝＝＝＝＝＝＝＝
新聞有價 記者有格 $128保就業計劃
立即訂閱：https://bit.ly/3wEkVhz
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出$200元電子禮券！
報料：https://bit.ly/38XUGu7

中秋夜多區上演民間煙花騷 荃灣區兩男搜出小量炮仗被捕
網站睇片︰https://bit.ly/3L4CNsA

中秋夜，何文田、深水埗和大埔等地區都有人放煙花，傳來陣陣巨響和閃光。而警方在青山公路一帶海灘巡邏時，亦發現有人放煙花，隨後從兩名男子檢獲小量炮仗，遂以涉嫌「非法藏有煙花爆竹」罪名，拘捕29歲及21歲男子。

#煙花 #民間煙花 #非法藏有煙花爆竹 #青山公路 #channelchk
＝＝＝＝＝＝＝＝＝＝＝＝＝＝
新聞有價 記者有格 $128保就業計劃
立即訂閱：https://bit.ly/3wEkVhz
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出$200元電子禮券！
報料：https://bit.ly/38XUGu7