媚姨處女catwalk！譚仔×HKDI學生時裝騷
沈殷怡高衩裙曬美腿曲線 Jessica C.制服誘惑

媚姨俾ViuTV《阿女又戀嚟》捧紅咗，原來佢除咗有喜劇細胞、口才了得，仲有行catwalk嘅潛質！話說譚仔搵HKDI知專生，搞咗個「2046未來制服」時裝騷，慶祝嚟緊開業25周年，唔止搵嚟名模馬詩慧Janet同Jessica C.，以及Viu TV女神沈殷怡Shirley同劉沛蘅Hillary，一齊扮譚仔姐姐，以「制服誘惑」上陣，仲搵埋媚姨行天橋。媚姨經馬詩慧指導之後，可謂驚艷全場！

譚仔拍低咗呢場時裝騷，放上網畀大家睇。名模Janet着住生菜造型上衣同貼身剪裁長褲，率先登場。設計靈感係同大自然融為一體，將生菜融入設計，寓意譚仔嘢食新鮮，即叫即製，配合埋譚仔綠黃主色調。Janet大讚個騷好過癮：「製作十分認真，大家當正是真正的時裝騷去做，非常好玩！以前行騷真是當吃生菜，今次真是一棵生菜放在身上，十分新鮮呢！」Janet仲身兼時裝騷嘅編排總監同模特兒導師，教佢哋行騷秘訣。

至於Shirley着嘅係富有現代東方美學嘅新派旗袍，將經典嘅譚仔話展示喺旗袍；高衩裙獨特剪栽讓佢大騷美腿。喺台上充滿自信嘅Shirley話：「譚仔吃得多，但穿上身又是甚麼玩法呢？哈哈……不過我向來都有積極操fit，這副身形穿甚麼也carry得到呢！」

Hillary就以一身宮廷look現身，行可愛路線。負責設計嘅學生希望套衫帶出譚仔姐姐除咗親切同富人情味，亦可展現氣質同可愛。Hillary話同家人經常食譚仔，「今次穿上設計學生為譚仔姐姐設計的作品，感覺特別又有趣，同台還有不少知名模特兒，當然要向Janet偷師」。而以「譚仔遮遮」cyber造型示人嘅Jessica C.，就以美式口音嘅譚仔話講咗句「我係譚仔姐姐」，令全場爆笑！

媚姨雖然首次行天橋，但備受矚目！佢着上素食主義制服；芽菜設計嘅上衣配生菜長裙，喺片入面爆出不少搞笑對白：「真是亂來的，找我來行時裝騷，又不是要我做譚仔姐姐，又沒有男生給我挑選，真的不知道找我來做甚麼！」當譚仔國際集團主席兼行政總裁Daren以「時尚教主」造型壓軸出場後，媚姨再爆金句：「嘩，呢個男仔幾型喎，返去介紹畀阿女識先！」

#媚姨 #ViuTV #阿女又戀嚟 #catwalk #譚仔 #HKDI #知專 #時裝 #名模 #馬詩慧 #JessicaC #沈殷怡 #劉沛蘅 #channelchk

林家謙《二十五小》啖啖譚仔味 姐姐和唱勁pro
七師傅新制服行catwalk 賀25周年

「諗唔到食乜就食譚仔」，唔知大家係咪同Channel絲一樣都有呢個習慣呢？不過唔講都唔知，原來譚仔大過Channel絲㗎！譚仔25歲生日，梗係要做返啲嘢賀賀佢，就係「譚仔廿五載情如初見」活動啦！有啓動禮啦、廿五周年主題曲啦、慈善義賣啦、《譚仔．姐．遮》藝術展覽啦，仲有之前嘅「譚仔姐姐2046未來制服設計比賽」等。

首先聽下由人氣創作歌手林家謙作曲作詞同主唱、譚仔姐姐女聲合唱團和唱嘅主題曲《二十五小》先啦，淨係睇歌名都知啖啖「譚仔」味呀！呢首歌嘅MV取景於譚仔嘅「根」——深水埗。個MV嘅內容簡單啲講，就係家謙細個食完米線唔夠錢畀，譚仔姐姐見到就笑住收埋佢張單；到家謙大個仔，佢就學個姐姐幫個學生哥埋單。途中家謙仲途經咗好多個深水埗而家嘅地標，即使而家深水埗唔同咗好多、多咗好多文青Cafe，但譚仔同譚仔姐姐都係唔會變㗎～睇完個MV，除咗彷彿聞到譚仔陣味之外，Channel絲想講，睇開Channel C嘅人都知我好窮，如果家謙都可以幫我埋單就好啦～

譚仔國際集團CEO劉達民喺啓動禮到話，慶祝活動融合咗譚仔一貫「取諸社會，用諸社會」嘅經營理念，希望譚仔未來能夠繼續發揮創意，喺努力發展業務嘅同時，都可以積極回饋社會。CEO呢番話唔係講假㗎，譚仔今次搵咗6位本地插畫家：CHEAP CENTURY的蘇泳康、謝曬皮、PLASTIC THING、奶茶通俗學的崔氏兄弟、包川田和羅浩光，參與創作又靚又特別嘅「譚仔遮遮」，亦宣佈將透過協康會向有特殊教育需要嘅低收入家庭送出2,500套米線餐飲禮券。幫到人之餘，又推動到本地創作，好滾動呀～

喺啓動禮上，「星級譚仔姐姐」的七師傅仲聯同ViuTV藝人沈殷怡同劉沛蘅，一齊着住由HKDI學生設計嘅2021全新譚仔制服行catwalk。七師傅話，淨係佢流利嘅「譚仔話」，已經足以令佢勝任譚仔姐姐呢個角色，仲讚自己人生第一次喺公開活動行catwalk都表現得好好。

#channelchk #譚仔 #譚仔遮遮 #林家謙 #二十五小 #七師傅 #沈殷怡 #劉沛蘅 #制服誘惑 #catwalk #謝晒皮 #插畫 #plasticthing #cheapcentury #賤人新世紀

直擊鬧市猴擒6米欄頂行catwalk！少男踢爆馬騮 守柱尖𥄫緊乜？｜長沙灣廣利道籃球場
網站睇片︰https://cutt.ly/jCK9aqA

齊天大聖駕臨長沙灣鬧市！這隻「甩群馬騮」不但攀上廣利道籃球場圍欄；更於6米高欄頂「行catwalk」表演；再在柱頂坐下，傲視群雄般張望。14歲張同學2022年8月30日下午5時許，與父親乘座駕到場，意外拍下這一幕。雖然現場距離俗稱「馬騮山」的金山郊野公園約1公里，但張同學坦言沒想過市區都看到猴子；懷疑該馬騮坐在柱尖，是覬覦對面街下車者的袋。

#animals #monkey #nature #wildlife #animal #animallover #animallovers #animalvideos #animalsvideo #natural #naturelover #naturelovers #naturephotography #wildlifephotography #wild #wildanimals #wildanimal #catwalk #hongkong #hk #香港 #金山 #獅子山 #長沙灣 #猴 #野生動物 #動物 #馬騮 #channelchk
＝＝＝＝＝＝＝＝＝＝＝＝＝＝
新聞有價 記者有格 $128保就業計劃
立即訂閱：https://bit.ly/3wEkVhz
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出$200元電子禮券！
報料：https://bit.ly/38XUGu7

直擊女醉客跳的士 穿插車群catwalk狂奔450m 險象環生｜灣仔堅拿道天橋驕女
網站睇片︰https://cutt.ly/gBcCxSK

行catwalk，在行車天橋一樣得？2022年10月10日深夜近11時，有觀眾駕車由灣仔堅拿道天橋開往香港仔隧道時，車cam直擊到一名從的士跳下的「天橋驕女」在行車天橋「行catwalk」！雖然其他車不斷在其身邊穿插，但她很瀟灑般手持香煙，在馬路至少行走450米......

#car #driving #hongkong #catwalk #runway #model #modeling #drive #driver #cars #hk #camera #dashcam #traffic #carcamera #tunnel #drunk #drinking #drink #wine #alcohol #taxi #車cam #香港 #司機 #發酒瘋 #醉酒 #酒 #灣仔 #堅拿道天橋 #跑馬地 #香港仔 #隧道 #的士 #天橋驕子 #channelchk
＝＝＝＝＝＝＝＝＝＝＝＝＝＝
新聞有價 記者有格 $128保就業計劃
立即訂閱：https://bit.ly/3wEkVhz
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
「爆片爆相」返嚟喇！
一經獨家採用將會獲得由網上零食店易買
送出$200元電子禮券！
報料：https://bit.ly/3S3zjZy