直擊！屯門公園娜娜升呢偽韓MK妹
轉場廟街聚眾搵食 高潮眼Happy伯缺席

「笨笨笨～笨笨NANA～笨NA～NA～」呢首minion歌仔好多大人細路都識唱，但現實入面個啲NANA，一啲都唔笨。好似屯門娜娜咁，自從因為同Happy伯太高調地談談情跳跳舞，搞到無再咁易喺屯門公園搵食之後，就由鄉味濃嘅舞娘變身成為偽韓MK妹，繼續喺油麻地廟街俘虜一班荷包好腫脹嘅寂寞老人。

Channel C今晚喺廟街撞到娜娜，我哋離遠已經見到有唔少Fans等佢開金喉同扭腰，不過就少咗一個熟悉嘅身影。娜娜今晚嘅裝扮依然夠晒艷麗，口罩仲帶啲Bling Bling添，但好遺憾，MK妹娜娜話畀我哋知，Happy伯今晚無嚟。雖然無得親身見到Happy伯嘅高潮眼，但Channel絲真係覺得呢到簡直就好似香港嘅世外桃源呀，因為明明周圍都無得多過4個人，但呢到就令我感受到久違嘅熱鬧同嘈吵，仲見到一班PT孫女喺到陪老人家，老人家又畀吓零用錢佢哋洗咁，真係夠晒溫馨♥️～

#channelchk #油麻地 #廟街 #屯門 #屯門公園 #娜娜 #Happy伯 #高潮眼 #大媽 #跳舞 #賣唱 #唱歌 #擺賣 #限聚令

《造星IV》兩大熱靚女Ivy So、Candy Wong殘酷對決
遭花姐質疑靠樣無實力 網民鬧爆：靚都係罪？

唔知大家噚晚有無睇到《全民造星IV》第六集呢？如果無就要快啲趁9點半前睇啦，因為呢集有矚目嘅仙氣選手殘酷對決呀！

今集第一場Battle係由亞姐冠軍Caca對上被讚「似」朱茵嘅Alice ，Caca喺台上大唱自己改編周國賢嘅《有時》、《漢城沉沒了》Medley，可惜唱咗無耐已經被Alfred質疑「唔明點解要將兩首歌合埋」，又俾評判鄭融彈音準唔夠準。至於表演跳唱嘅Alice，雖然硬照靚過上鏡，但真人都幾可愛，跳舞都OK。不過可能無乜經驗，自信唔夠之餘，唱功亦有待改善。不過或者係Alice明知唔唱得，都要挑戰自己嘅呢份勇氣打動咗大家，Alice最終拎到晒盞紅燈，仲入埋梁祖堯嗰Team。

第二場對決就犀利啦，大家最期待嘅畫面出現了，就係兩位大熱仙氣靚女對決，即係20歲嘅Ivy So對上18歲嘅Candy Wong 。靚女程度去到邊？Ivy俘虜咗攝影Crew自肥狂影福利鏡頭，肥仔@ERROR就一聽到Candy嗰名就識叫「靚女Candy」。Ivy靠親和力同甜爆笑容融入台前幕後，但性格比較內向嘅Candy，就喺綵排時俾花姐鬧「睇唔起靠樣入圍嘅人」，結果忍唔住喺鏡頭前爆喊，楚楚可憐嘅樣連Channel絲都忍唔住想幫佢抹眼淚，慘慘豬～

閱讀全文：https://www.facebook.com/101870318844226/posts/144918464539411/?d=n

#channelchk #全民造星IV #ViuTv #IvySo #CandyWong #唱歌 #跳舞