經紀開錯門插爛鎖 拒賠鐵閘
否認曾稱識退休警威嚇事主 公審頓變羅生門
近日網上流傳一段地產經紀因為去錯單位，鐵閘插不入鎖匙而大力搖閘的CCTV影片。公開片段的涉事單位住戶批評，該經紀「整到個閘個鎖鬆咗，個閘淆（拗）咗」，事後拒當面道歉，更指經紀引述退休警察稱「告唔到佢（經紀）啲咩」。
channel絲今早（27日）聯絡片中地產經紀，他否認曾稱認識退休警察，事後已即時道歉及主動提出換鎖作賠償，鎖匙師傅反而發現單位鐵閘本身有問題。經紀質疑事主乘機敲詐，「如果有（整壞）賠10道閘都得」。
有青衣居民日前在facebook群組「青衣街坊吹水會」發帖指，上周六（18日）傍晚外出期間，家中的防盜系統不斷發出警報，由於當時沒有為意，及後翻查片段畫面，赫見一名陌生男子在其單位外用鎖匙嘗試開鐵閘，其間疑因未能成功開鐵閘而多次搖閘，過程長近20分鐘。
事主見狀隨即趕回家了解，發現「整到個閘個鎖鬆咗，個閘淆（拗）咗」，遂通知管業處及報警。經追查後，事主得知片中男子是地產經紀，為青衣一間地產分行的高級職員，批評對方作為高層竟犯低級錯誤，「明知條匙唔啱都不停插，搖閘，不知所謂，最慘係嚇親老人家，同我呀，啲鄰居都驚驚。」
事主翌日（19日）到地產分行追究事件後，續在帖文交代進展，指該地產經紀反指因她將片段「擺咗上網無嘢傾」，僅願意代換匙膽，不願當面道歉，並要求事主刪帖，「佢話已經負咗責任幫我哋換咗個匙膽，所以拒絕當面道歉，亦喺電話上同我講咗唔好意思」；又指地產經紀曾稱認識退休警察，「問過人哋，話我哋（事主）都告唔到佢啲咩」；而在地產分行期間，又被職員以粗口對待。
不過，事件出現羅生門。channel絲今早聯絡片的地產經紀蔡先生，他強調自己開鐵閘時很溫和，沒有不停搖鐵閘。他亦否認曾稱認識退休警察，「唔知邊度聽返嚟」；並指事後已致電事主道歉及主動提出換鎖作賠償。
蔡續稱，事後已委託鎖匙師傅到事主單位換鎖膽，其間發現鐵閘本身有問題，「裝到斜晒」，師傅亦相信事主曾安排「外行」維修鐵閘致整壞。蔡質疑事主「乘機搵我老襯，屈我整壞鐵閘」，其實是想要錢，甚至搵人「裝修間屋」，豪言「如果有（整壞）賠10道閘都得」。
#channelchk #地產經紀 #開錯門 #插爛鎖 #搖閘 #退休警 #青衣 #閉路電視 #公審
＝＝＝＝＝＝＝＝＝＝＝＝＝
否認曾稱識退休警威嚇事主 公審頓變羅生門
近日網上流傳一段地產經紀因為去錯單位，鐵閘插不入鎖匙而大力搖閘的CCTV影片。公開片段的涉事單位住戶批評，該經紀「整到個閘個鎖鬆咗，個閘淆（拗）咗」，事後拒當面道歉，更指經紀引述退休警察稱「告唔到佢（經紀）啲咩」。
channel絲今早（27日）聯絡片中地產經紀，他否認曾稱認識退休警察，事後已即時道歉及主動提出換鎖作賠償，鎖匙師傅反而發現單位鐵閘本身有問題。經紀質疑事主乘機敲詐，「如果有（整壞）賠10道閘都得」。
有青衣居民日前在facebook群組「青衣街坊吹水會」發帖指，上周六（18日）傍晚外出期間，家中的防盜系統不斷發出警報，由於當時沒有為意，及後翻查片段畫面，赫見一名陌生男子在其單位外用鎖匙嘗試開鐵閘，其間疑因未能成功開鐵閘而多次搖閘，過程長近20分鐘。
事主見狀隨即趕回家了解，發現「整到個閘個鎖鬆咗，個閘淆（拗）咗」，遂通知管業處及報警。經追查後，事主得知片中男子是地產經紀，為青衣一間地產分行的高級職員，批評對方作為高層竟犯低級錯誤，「明知條匙唔啱都不停插，搖閘，不知所謂，最慘係嚇親老人家，同我呀，啲鄰居都驚驚。」
事主翌日（19日）到地產分行追究事件後，續在帖文交代進展，指該地產經紀反指因她將片段「擺咗上網無嘢傾」，僅願意代換匙膽，不願當面道歉，並要求事主刪帖，「佢話已經負咗責任幫我哋換咗個匙膽，所以拒絕當面道歉，亦喺電話上同我講咗唔好意思」；又指地產經紀曾稱認識退休警察，「問過人哋，話我哋（事主）都告唔到佢啲咩」；而在地產分行期間，又被職員以粗口對待。
不過，事件出現羅生門。channel絲今早聯絡片的地產經紀蔡先生，他強調自己開鐵閘時很溫和，沒有不停搖鐵閘。他亦否認曾稱認識退休警察，「唔知邊度聽返嚟」；並指事後已致電事主道歉及主動提出換鎖作賠償。
蔡續稱，事後已委託鎖匙師傅到事主單位換鎖膽，其間發現鐵閘本身有問題，「裝到斜晒」，師傅亦相信事主曾安排「外行」維修鐵閘致整壞。蔡質疑事主「乘機搵我老襯，屈我整壞鐵閘」，其實是想要錢，甚至搵人「裝修間屋」，豪言「如果有（整壞）賠10道閘都得」。
#channelchk #地產經紀 #開錯門 #插爛鎖 #搖閘 #退休警 #青衣 #閉路電視 #公審
＝＝＝＝＝＝＝＝＝＝＝＝＝