未打針、居家隔離康復者無證明點入商場？
徐德義：合理辯解可處理問題
順便提大家 確診者符兩條件可獲$5,000恩恤現金津貼

疫情每日創新高，本港今日就增加8,798宗確診，而昨日（23日 ）嘅呈報個案有17,269宗。想提提大家，社會福利署目前係有提供5,000元恩恤現金津貼畀確診者申請，不過就要符合兩個資格，包括獲衞生署確認喺去年11月22日或以後在本地感染嘅香港居民；及現時受僱但不獲有薪病假或自僱人士，並因須在公立醫院留院治療而面對經濟困難。

申請人無須接受特定經濟審查，但必須聲明係符合上述資格並提供目前就業資料。如果申請人未能在接受治療期間完成申請，亦都可以喺康復出院後盡快遞交有關申請。詳情可以睇社署網頁：https://bit.ly/36wbWFD

而家唔少確診者都係居家隔離等康復，但疫苗通行證今日（24日）起實施，市民出入街市、超市等場所，需最少打一針，只係12歲或以上康復者出院或康復後6個月才須打第一針。

有傳媒喺疫情記者會上問到，若未接種疫苗嘅確診者居家隔離後康復，佢哋無康復證明，進入指定場所時應如何證明可暫時毋須接種，食物及衞生局局長徐德義都未能確實回應，只稱「如果係『被動場所』，入咗去有授權人員調查時，有合理辯解可處理問題。」

#channelchk #家居隔離 #居家隔離 #居安抗疫 #疫苗通行證 #康復者 #5000津貼 #恩恤津貼