父母疑畀小朋友坐大髀揸「大膽車」
網民直斥馬路炸彈、「生仔要考牌」

好多小朋友都鍾意玩賽車，但為人父母，千祈唔好教佢揸「大膽車」呀！網上近日流傳一段短片，影到一架私家車入面，有位小朋友坐咗係司機位嘅爸爸大髀，隻手就不時伸出嚟搞個軚盤，而坐喺副駕位嘅媽媽，見到此情此景就一啲反應都無。

唔少網民睇到片段後都直呼「牙煙」，又話佢哋唔止教壞緊個仔，仲害緊其他道路駕駛者，有人就話如果唔小心發生車禍，安全氣袋好可能會整親小朋友，直斥「生仔要考牌」。

其實10年前都曾經發生類似事件，當年一對父母將2歲小朋友揸「大膽車」嘅片擺上YouTube，引來網民聲討及報案，最後要去警局自首。佢哋被控危險駕駛及慫恿他人危險駕駛罪，各被判160小時社會服務令及停牌半年。睇嚟今次阿寶又要出動了，唔知今次片中嘅父母知道錯未呢？

#channelchk #私家車 #阿寶 #人類總要重複相同的錯誤 #大膽車 #揸車

男女揸Tesla落沙灘 浪漫睇日落變樂極生悲

「BB～BB～我想去沙灘睇日落呀～」，面對情人嘅要求，相信大家都好難拒絕嘅，但記得千奇唔好被沖昏頭腦呀～網上流傳幾張圖片，見到一對男女疑似揸咗架Tesla落沙灘，搞到車軚深陷細沙、動彈不得，仲俾人影晒相、記低車牌，擺上網警惕世人。搞到咁瘀，唔知佢哋嘅感情係變好定變差呢？

正所謂「人類總要重複同樣的錯誤」，其實10月尾一架寶馬都被發現擅闖石澳泳灘，警方當時到場調查，20多歲的司機當時報稱不小心駛入，警員登記司機資料及向其作口頭警告後，司機自行Call拖車將車拖走。

Channel絲溫馨提示多次，根據第132E章《泳灘規例》，除非獲得署長書面准許，否則任何人不得將任何車輛帶到到泳灘上，一旦罪成可被判罰第一級罰款（即$1至$2000元）及監禁14日。

#channelchk #沙灘 #日落 #人類總要重複同樣的錯誤 #阿寶 #Tesla

葉念琛再欽點年輕女演員　譚旻萱接棒演新一代阿寶　新戲夥台灣男神陳昊森合作
https://channelchk.com/a/12419

過去有「MK活地阿倫」之稱的葉念琛，最近開拍新戲《不是你不愛你》，繼續以「新一代阿寶」作招徠，已曝光的男女主角，分別由新一代文青籃球女神Mandy譚旻萱出演「阿寶」，男主角則邀請了台灣新生代男神、在電影《刻在你心底的名字》擔正而人氣急升的陳昊森擔任。

#葉念琛 #不是你不愛你 #新一代阿寶 #Mandy #阿寶 #陳昊森 #channelchk
＝＝＝＝＝＝＝＝＝＝＝＝＝＝
新聞有價 記者有格 $128成長計劃
立即訂閱：https://channelchk.com/plan
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
😎Channel C 廣告推廣和媒體合作！🤝
誠邀各商戶傾談廣告宣傳和合作推廣；
有意請電郵至：marketing@channelchk.com
＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由
齊柏林熱狗店送出＄50元 禮券乙張！
報料：https://wa.me/85264691456