董建華因心臟問題留院瑪麗
發言人：手術順利正康復休養

有傳媒報道，現年84歲嘅全國政協副主席兼前特首董建華（董伯伯）因為心臟問題，正喺瑪麗醫院留醫。

報道一出，各界對佢嘅病情都非常關注。董伯伯透過發言人回應，話佢上個月喺瑪麗醫院做完手術，手術順利正係康復休養。今次留院係因為手術後要定期檢查，董伯伯感謝各位傳媒朋友關心。

董伯伯近期健康都好似麻麻地。今年三月全國人大會議開幕完咗，董伯伯突然「仆親」，要由其他人扶起，已經令外界憂慮佢嘅健康。當時董伯伯話「感謝大家關心，我無事，只係無為意Kick到腳，請大家放心」。到咗今年十．一佢更加罕有缺席升旗儀式同酒會，之後佢嘅發言人話董伯伯身體唔舒服，要喺屋企休養咁話。喺度希望董伯伯早日康復出院，可以快啲返去屋企休息啦。

#channelchk #董建華 #留院 #瑪麗 #心臟 #定期檢查

＝＝＝＝＝＝＝＝＝＝=＝＝＝＝
🔥出氣師登場！「谷鬼氣、搵我哋」🔥
如果大家有咩疑難「谷鬼氣」，不妨搵我哋「出氣師」，等我哋幫手出返口氣！
出氣WhatsApp： https://wa.me/85263544742