薄扶林2學童亂衝馬路險被車撞 家長嚇呆
幸司機煞得切車：唔係次次咁好彩

馬路如虎口，但今早就有兩名學童因為亂過馬路，險釀車禍！有網民在facebook群組「小心駕駛（討論別人同駕駛態度）」上載車cam片段，指今早約8時繁忙時段，沿薄扶林域多利道駕駛時，突有2名學童衝出行車線，慶幸當時司機及時煞車，2學童未有受傷。但司機坦言「嚇到個心離一離」，希望能提醒家長過馬路時，應拖實小朋友，「唔係次次咁好彩」。

片中所見，兩名身穿校服的學童疑趁無車時，跑向對面行人路。當時在後方的家長雖已步出馬路，但車輛駛至時，家長亦未能即時阻止小朋友。幸好司機遂及時煞車，家長便停步，望着兩童衝向對面行人路。

司機接受Channel C訪問時表示，當時正是返工返學繁忙時段，兩條行車線都多車輛，但慶幸其車輛行駛時速約40公里，車速不快，亦無車跟在後面，故能及時煞車。

事後家長雖有向他道歉，但學童亦未必意識中箇中危險性。他希望各位家長過馬路時拖實小朋友，注意個人安全外，亦不要連累其他人，「唔係次次甘好彩」。

#channelchk #交通意外 #車禍 #亂過馬路 #交通安全 #馬路如虎口 #域多利道 #薄扶林 #學童 #車cam

網上流傳一段驚險片段，見到一名婦人推住一部載住雪櫃嘅手推車亂過馬路期間，一架旅遊巴高速駛至。好彩婦人反應快，唔係可能就bye bye，佢即時放棄手推車，再急急腳走，甩咗隻鞋。雖然今次人無事，但應該嚇到心都離一離，所以大家真係唔好亂過馬路，司機們都要留意路面情況呀！

去片：https://www.youtube.com/watch?v=Vlpd386hu6M

#channelchk #阿婆行得快 #旅遊巴 #交通安全