《造星IV》B3組重戲劇再輸一仗 醫生咖喱被foul
觀眾群插梁祖堯：揀人幾有talent但冇觀眾緣係冇用

「還我咖喱～！」唔少《全民造星IV》觀眾包括Channel絲睇完噚晚（1日）一集都咁講，因為原來佢被導師梁祖堯列入「死亡名單」！而佢所屬嘅B3組完成指定歌曲《狂人日記》後，評判幾乎一面倒批評，最終以5盞藍燈輸畀A5組，甚有觀眾緣嘅靚女醫生咖喱要喺40強止步。

梁祖堯話因為咖喱嘅進步比其他人少，「唔係話我個人口味唔鍾意佢做某啲嘢，但當我想改變佢一啲嘢時，佢改變唔到」。不過觀眾就唔係咁睇，唔少網民都喺ViuTV fb留言撐咖喱，甚至去梁祖堯鬧佢foul走晒觀眾鍾意嘅參賽者，「佢係需要累積表演經驗，仲有好多可能性囉...無理由咁早出局」亦有人覺得咖喱有自己諗法無錯，「唔係佢唔進步，或者佢唔順，聽話就可以唔foul就好錯！」

有網民就覺得B組太着重戲劇，亦有人認同A組噚晚係值得贏，「只係走嘅唔應該係咖喱！」有人質疑梁祖堯明唔明咩叫觀眾緣：「一個人就算幾有talent但冇觀眾緣係冇用」。梁祖堯就回覆，錄影時確實無得預測觀眾嘅口味，「所以你啱㗎，嗰一刻，真係冇人知乜嘢係觀眾緣」，又強調「可以揀我個個都唔想foul」。

講返噚晚比賽，咖喱、榛綦、潔滢同Ivy So嘅B3組嘅自選項目《猜‧情‧尋》將兒時遊戲融入歌曲及戲劇入面，梁祖堯事前再話呢個回合演戲係比唱歌重要。不過結果亦得到評判唔少好評，陳健安（On仔）就讚Ivy So外表特別有仙氣，喺後台嘅歌手鄧小巧同經理人Wing都即刻話咖喱都好有仙氣。

之後到表現指定歌曲《狂人日記》，雖然對兩組都好大挑戰，但Ika、Day、超酸、穎蕎同芯駖嘅A3組繼續得到評判激讚。但之後到B3組表演後，卓韻芝就即刻話「全部都唔係你哋熟嘅嘢嚟嘅」、「想知道佢哋頭先幾冇信心？或者要有幾多勇氣先做到呢個work？我睇到佢哋嘗試......，但未成就到係一個演出嘅作品。」除此之外，評判亦覺得演出欠爆炸力，音準有好大問題。不過On仔都讚咖喱造型有驚喜，有小醜女感覺。可惜經過兩項演出之後，B3組一盞燈都冇，死亡名單上嘅咖喱就被foul走。

#channelchk #全民造星IV #ViuTV #女團 #咖喱 #榛綦 #潔滢 #IvySo #Ika #ZIVA #Day #超酸 #芯駖 #梁祖堯 #死亡名單 #卓韻芝 #On仔 #陳詠燊

花姐撐《造星IV》foul啱人：為何踩人努力？
評判陳詠燊：只談努力 是對表現更出色者殘忍

成日話，每晚睇完電視上面嘅激烈對決，就可以轉場去睇另一場戰事 － 討論區同埋咁多位導師評判嘅IG。

噚晚第三回合結束，foul多咗B組5位參賽者之後，網民一如既往都喺討論區大罵B組導師梁祖堯，話佢過咗咁多個回合都仲力保方方，反而放一啲好有觀眾緣，同埋有實力嘅參賽者入死亡名單。

面對咁多批評，花姐唔單止喺節目力撐梁祖堯決定，事後仲要喺IG限時動態話：「因為咩事要攻擊佢哋？勇敢為自己夢想努力嘅年青人，全力栽培年青人嘅導師，呢個世界本來充滿正能量，會越嚟越好，點解你哋唔慶幸世界仲有佢哋嘅存在，反而要踐踏佢哋嘅努力。」

咁啱第三回合評判之一嘅著名電影編劇及導演陳詠燊喺facebook開po大談「努力」。佢就話「對一個表演者來說，努力是基本的事情」，而唔係一個值得評判加分或者降低要求嘅理由。

喺娛樂圈打滾咗咁多年嘅Sunny直認「娛樂圈就是殘忍」，不過佢話「如果『努力而表現不理想』的人，所得到的與『努力而表現出色』的人一樣多的話，才是對後者的殘忍」，陳詠燊咁樣講一講，令人不禁懷疑佢係咪隔空回應緊花姐。

#channelchk #全民造星IV #花姐 #陳詠燊 #梁祖堯

電影《飯戲攻心》票房破4000萬 導演計劃原班人馬開新戲

全文👉https://bit.ly/3fkGY80

由黃子華、鄧麗欣（Stephy）、張繼聰、王菀之（Ivana）、林明禎及陳湛文主演，陳詠燊執導及編劇的電影《飯戲攻心》，由本月7日上畫至今兩星期多，截至昨日（24日）已極速衝破4000萬票房，成為2022年度港產片票房第2位，導演陳詠燊聯同張繼聰、Ivana及陳湛文，昨日去到圓方戲院謝票，更預告即將完成舞台劇的子華神，將隨時現身謝票活動給觀眾驚喜，不少觀眾聞言立即歡呼聲四起，表現相當興奮。此外，林明禎亦有拍片感謝觀眾支持與團隊的努力。

#飯戲攻心 #黃子華 #張繼聰 #王菀之 #陳詠燊 #謝票 #Channelchk
＝＝＝＝＝＝＝＝＝＝＝＝＝＝
新聞有價 記者有格 $128保就業計劃
立即訂閱：https://bit.ly/3wEkVhz
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
「爆片爆相」返嚟喇！
一經獨家採用將會獲得由網上零食店易買
送出$200元電子禮券！
報料：https://bit.ly/3S3zjZy

飯戲攻心11.6設免費巴士線 黃子華目標票房7500萬
林明禎苦練王菀之歌曲「找數」大嘆好難唱
全文：https://bit.ly/3WL8f4P

電影《飯戲攻心》票房衝破7300萬，但造勢活動未停，幾位演員黃子華、張繼聰、陳湛文、鄧麗欣（Stephy）及林明禎今日去巴士廠出席記者會，宣布印有各演員肖像的6架巴士，將會於11月初連續四個星期行走港九新界，而「1號」、「108號」巴士，明天則可免費乘搭。

記者會上，大佬子華神笑言，希望打破一個紀錄，就是謝票多過場次。講到今年賀歲片子華神的《毒舌大狀》會上映，問他可有票房壓力？他坦言會有，因為不是同一班兄弟姊妹，但見到那班兄弟姊妹的高度又沒有壓力，而且覺得今年大家行運。

#飯戲攻心 #黃子華 #鄧麗欣 #Stephy #林明禎 #張繼聰 #陳湛文 #陳詠燊 #channelchk
＝＝＝＝＝＝＝＝＝＝＝＝＝＝
新聞有價 記者有格 $128成長計劃
立即訂閱：https://bit.ly/3wEkVhz
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
「爆片爆相」返嚟喇！
一經獨家採用將會獲得由網上零食店易買
送出$200元電子禮券！
報料：https://bit.ly/3S3zjZy

《飯氣攻心》推應援巴士 黃子華預告隨時陪大家搭車(片內有貼士)！11.6設免費巴士 票房目標破$7500萬
網站睇片︰https://www.youtube.com/watch?v=3PMCQIGCzNw

電影《飯戲攻心》票房衝破7300萬，但造勢活動未停，幾位演員黃子華、張繼聰、陳湛文、鄧麗欣（Stephy）及林明禎今日去巴士廠出席記者會，宣布印有各演員肖像的6架巴士，將會於11月初連續四個星期行走港九新界，而「1號」、「108號」巴士，明天則可免費乘搭。

#飯氣攻心 #黃子華 #張繼聰 #陳湛文 #鄧麗欣 #林明禎 #王菀之 #陳詠燊 #巴士 #九巴 #channelchk
＝＝＝＝＝＝＝＝＝＝＝＝＝＝
新聞有價 記者有格 $128成長計劃
立即訂閱：https://bit.ly/3wEkVhz
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
「爆片爆相」返嚟喇！
一經獨家採用將會獲得由網上零食店易買
送出$200元電子禮券！
報料：https://bit.ly/3S3zjZy