梅啟明稱擁有梅艷芳商標
控電影《梅艷芳》侵權誤導 入稟索償

電影《梅艷芳》上月中上映以來，至今票房已突4.000萬港元。雖然片中未有提及梅姐兄長梅啟明，但呢位有「遺產」KOL」嘅梅兄昨（2日）入稟高等法院，指控《梅艷芳》製作公司安樂影片侵犯其持有嘅梅艷芳商標，要求安樂影片交出所有侵犯商標物品，申索賠償、利息等，但未有列明金額。

梅啟明親自撰寫入稟狀稱，持有「梅艷芳」及「Anita Mui」商標註冊。佢喺2018年底遞交防禦商標申請，將商標覆蓋範圍具體化，類別包括影音器材、文具、服飾、研討會、演講或講座、電影及各項商業活動、音樂及貴金屬產品如珠寶手飾等。

入稟狀續指，安樂影片製作電影《梅艷芳》時，過程、內容及宣傳品未得梅啟明同意就使用了註冊商標，誤導公眾錯誤理解電影同佢息息相關，造成損失。

安樂影片回應傳媒表示，由籌備至開拍到現在，一直有法律團隊跟進處理有關法律問題，並在合法基礎下製作電影《梅艷芳》。事件已交由法律團隊處理，現階段不作回應。

#channelchk #梅艷芳 #梅啟明 #安樂影片 #侵權 #商標

梅媽罕斥長子「財迷心竅」 自把自為入稟告《梅艷芳》
梅啟明曾指梅姐欠他太多
嘮動新聞👉 https://youtu.be/0rrtuENRiIM

電影《梅艷芳》叫好叫座，不過已故歌后梅艷芳的兄長梅啟明昨日（3日）就入稟高院，控告《梅艷芳》製作公司安樂影片在未經其同意下，涉侵犯其持有的「梅艷芳」商標。之前與在梅啟明陪同下爭奪梅艷芳遺產的梅媽覃美金，得悉今次事件後都罕有斥兒子「財迷心竅」、自把自為，對事件一概不知；但梅啟明則反駁有告知母親，對於財迷心竅指摘則反問「有咩問題？」

梅媽接受傳媒訪問時稱，不知道兒子有註冊「梅艷芳」商標，對他入稟控告電影公司一事亦全不知情，大鬧兒子自把自為。她又指不認同梅啟明做法，「阻止佢唔到」，更罕有公開斥責兒子「財迷心竅」。

不過，梅啟明回覆傳媒時強調有通知梅媽，為「財迷心竅」四字反問：「有咩問題呢？」他又否認母子不和，而二人仍同住，但近日梅媽因老人病入院兩星期。

《梅艷芳》入面只出現梅姐胞姊梅愛芳，梅姐生前曾於訪問中提及與家人關係，指自己與胞姊最親近，胞姊亦是她和梅媽之間的溝通橋樑。到後來梅愛芳離世，梅姐才與梅媽直接溝通，並從梅媽口中得知梅啟明消息，直言兄妹二人關係疏離。

外界一直指梅啟明遊手好閒，生活揮霍，會透過梅媽向梅姐拿錢，更有說法指梅姐曾把自己200萬積蓄借給梅啟明做生意，但公司的9成資金最終下落不明，梅媽在旁亦沒有出聲。不過，梅啟明於梅姐離世後曾表示，沒有對不住妹妹，反指是梅姐欠他太多，但他沒有舉出具體例子欠他甚麼。

梅艷芳離世後把部分遺產捐出做善事，其餘則安排銀行做信託，預留逾百萬元給4名外甥及姪女作教育經費。剩餘的遺產則委託信託有限公司管理，每月給梅媽約7萬元為生活費，直至母親去世。

#channelchk #梅艷芳 #梅啟明 #梅媽 #安樂影片 #侵權 #商標 #財迷心竅

梅媽知梅啟明包二奶即「閂水喉」 下最後通牒：
若不撤銷訴對《梅艷芳》訴訟 脫離母子關係

電影《梅艷芳》喚起歌迷對梅姐嘅思念，亦觸發梅姐胞兄梅啟明嘅貪念！梅啟明聲稱持有「梅艷芳」商標，入稟高院控告電影《梅艷芳》製作公司安樂影片未經其同意下侵權，要求賠償後，向來同梅啟明共同進退嘅梅媽已鬧個仔「財迷心竅」。網台節目主持潘小文噚晚（7日）更透露，原來梅媽約半年前見梅啟明「包二奶」後，決定經濟封鎖「閂水喉」，認為「咁樣揈錢法唔得喇！」估計梅啟明因為冇錢用所以打電影公司主意；梅媽仲警告梅啟明，「如果唔撤銷訴訟就脫離母子關係」，主持更形容係「最後通牒」。

網台節目《D100娛限奶媽》主持人潘小文噚晚話梅媽仍因為血壓高同氣促留院，情況尚可，但當佢知道梅啟明控告《梅艷芳》後「火都嚟埋」。主持人更引述梅媽話：「四個都係我生，點知走剩呢隻『打壞』定『躝癱』！」

對於梅啟明經常指梅艷芳欠佢好多，梅媽話因為梅姐喺遺產分配上，一蚊都冇留畀梅啟明，所以梅啟明覺得好唔公道，有怨恨，但其實梅姐留畀梅媽嘅生活費，梅媽都有用嚟照顧梅啟明，但梅媽覺得佢「攞得太多，搞唔掂！」

主持人話同梅媽對話後，認為梅媽唔係外界想像中差。而梅媽都話自己年紀大，好多事都控制唔嚟，令梅啟明自把自為，亦承認自己縱壞個仔，但強調一定唔支持梅啟明告《梅艷芳》，警告佢再搞搞陣就唔會畀面，斷絕母子關係。

梅媽又向主持人透露，電影公司籌拍《梅艷芳》時，邀請佢出任顧問，梅媽強調冇向電影公司索取金錢，只要求電影情節唔好詆毀梅艷芳。

#channelchk #梅艷芳 #梅啟明 #梅媽 #母子關係 #財迷心竅 #安樂影片 #侵權 #商標

TVB投訴民間電視大獎侵權 方以文多Post被刪
《東張西望》卻擅自駁片拎嚟賣廣告 疑雙重標準？

早前電視評論家方以文舉辦「觀眾在民間電視大獎」，網民可以投選心儀嘅節目同埋演員，電視台就包括TVB、ViuTV、開電視及港台，而啱啱呢一屆就有超過60,000名網民投票，千祈唔好以為呢一個大獎係ViuTV圍爐大賽，其實啱啱呢一年，李佳芯都有拎到民選視后。

早排方以文就喺IG限時動態話，Facebook有幾個民間電視大獎嘅貼文都被TVB投訴侵權，連買Instagram幾個post都冇埋，懷疑係因為當中嘅相包含TVB嘅角色造型照。

投訴人哋侵權，但另一邊廂，《東張西望》上年11月冇問過當事人之下，剪咗前無綫、商台主持陳慧儀同趙汝威博士喺Facebook、討論「浸稀釋漂白水改善濕疹」嘅直播，夾埋其他片拎嚟做植入式廣告。

嗰集嘅《東張西望》，拎咗陳慧儀嘅直播片段做引子，之後就訪問位元堂嘅中醫師，搵咗一個媽咪訪問佢幫仔仔對抗濕疹嘅方法。片段入面，呢位媽媽就喺小朋友濕疹嘅位置搽油膏（睇包裝似係卡倫萬用膏），之後小朋友就話冇以前咁痕。點解係植入式廣告？因為出咗位元堂logo，片尾都有顯示贊助。卡倫萬用膏就冇出到logo，但係TVB旗下嘅網購平台「士多」就sell卡倫萬用膏，卡倫萬用膏都係TVB嘅長期廣告商，所以話係植入式廣告一啲都唔出奇。

TVB係冇問過陳慧儀嘅情況下用咗佢條直播片，令到好多觀眾誤會，甚至有好多網民事後向佢哋查詢有關嘅廣告產品⋯⋯陳慧儀都希望網民可以幫手澄清返，佢自己同卡倫萬用膏係冇任何關係，都唔清楚相關產品嘅成份同埋真正來源。

圖片來源：陳慧儀YouTube、TVB、方以文IG、思思TVB的二三事IG

#channelchk #TVB #觀眾在民間電視大獎 #方以文 #東張西望 #陳慧儀 #侵權

TVB子公司申請註冊「SayNo4TVB」及「CCTVB」商標 同名專頁暫未打算轉名

繼「見字飲水」被揭已是註冊商標，再有人發現日常用語同被申請註冊成商標。解構TVB營運的專頁「思思TVB的二三事」向我們表示，有網民向他們報料指發現「Zennora Group Limited」早於去年10月已申請「CCTVB」及「Say No 4 TVB」兩個商標，而剛巧專頁英文名稱以及Instagram帳號就是「SayNo4TVB」，表示「除咗想趕盡殺絕我哋，諗唔到其他原因」，惟現階段未有打算改名。

全文呢度👉🏽https://cutt.ly/VS8ehwV

#channelchk #TVB #商標註冊 #CCTVB #SayNo4TVB #思思TVB的二三事 #商標 #見字飲水 #侵權 #版權

「思思TVB的二三事」被FB停發文功能30日 疑因用Cap圖被TVB投訴侵權

全文👉https://bit.ly/3LlLDRI

繼早前TVB一間子公司被發現註冊「sayno4tvb」商標，今Facebook專頁「思思TVB的二三事」，因一篇文章被TVB投訴「侵權」而遭FB禁止發文30日。專頁指，涉事文章為「肥媽學人唱《係咁先啦》但唱錯晒」，其中曾用上TVB節目《煮·野食》截圖。 @sayno4tvb

#sayno4tvb #思思TVB的二三事 #TVB #侵權 #FB #channelchk

fb專頁「思思TVB的二三事」被罰停出po再遭封殺！
疑因用TVB節目截圖被投訴侵權
全文：https://bit.ly/3rdXA4i

facebook專頁「思思TVB的二三事」疑因帖文用TVB截圖被投訴侵權，上月底遭fb停發文功能30日後，事隔十日，專頁於昨日（8日）起更暫時被停用。團隊於「思思 tvb 的二三事 - 後備專頁」稱，原因是再有5篇帖文被TVB控侵犯版權。

#channelchk #思思TVB的二三事 #TVB #侵權 #版權條例

梅啟明告電影《梅艷芳》侵權 惟商標未獲批 官批浪費法庭時間

梅艶芳胞兄梅啟明早前入稟高等法院，稱已為「梅艷芳」名字註冊商標，指控開拍的安樂影片有限公司侵犯商標。法官斥若梅啟明再爭拗相同論點，只會浪費法庭時間及訟費，但會給他最後機會，案件將押後待梅聘用律師。

全文👉🏽https://cutt.ly/6H142tx

#channelchk #梅艶芳 #梅啟明 #Anita #商標 #安樂影片 #侵權

＝＝＝＝＝＝＝＝＝＝＝＝＝＝
新聞有價 記者有格 $128保就業計劃
立即訂閱：https://bit.ly/3wEkVhz
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出$200元電子禮券！
報料：https://bit.ly/38XUGu7

【何謂抄襲？｜鑽石廣告涉抄台灣攝影師作品 徐聖淵：非常的荒謬 珠寶商：創作靈感源自《癡情司》MV】

有網民向Channel C投訴指，有一珠寶品牌的宣傳片涉嫌抄襲台灣著名攝影師的作品，該攝影師回應說「我也覺得（相似）」。究竟何謂抄襲或侵權？律師趙之威詳細解釋。

YouTube睇片：https://youtu.be/t5kpbGEodhU
報道全文：https://bit.ly/3LW23A0

#channelchk #珠寶 #鑽石 #抄襲 #台灣 #攝影師 #徐聖淵 #哭泣女孩 #侵權 #何韻詩 #癡情司
＝＝＝＝＝＝＝＝＝＝＝＝＝＝
新聞有價 記者有格 $128保就業計劃
立即訂閱：https://bit.ly/3wEkVhz
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出$200元電子禮券！
報料：https://bit.ly/38XUGu7

海關突擊搜查派對房間 指卡拉OK機歌曲侵權拘6人

全文👉https://bit.ly/3eUlgHK

疫情下派對房間越開越多，不少設有卡拉OK機，予客人盡情高歌。惟海關昨晚（14日）行動，在荃灣、葵涌和荔枝角巡查11間派對房間，檢獲12套載有侵權歌曲卡拉ok機，宣稱內有10萬首侵權歌曲，拘捕6名男女。

#海關 #派對房間 #卡拉ok機 #侵權 #Channelchk
＝＝＝＝＝＝＝＝＝＝＝＝＝＝
新聞有價 記者有格 $128保就業計劃
立即訂閱：https://bit.ly/3wEkVhz
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出$200元電子禮券！

六旬大媽團自資翻拍《後宮甄嬛傳》
正版製作人斥侵權要求下架
全文：https://bit.ly/3tgeIHi

內地2012年推出劇集《後宮甄嬛傳》，不少觀眾至今仍津津樂道。上海有16名年過60的「大媽」，甚至自費組隊到橫店片場翻拍，更邀得老公出鏡飾演皇上，惹起網民熱議。惟劇集正版的製作人曹平則感不滿，控告涉事「大媽」侵權，及要求影片下架。

#大媽 #後宮甄嬛傳 #翻拍 #侵權 #channelchk
＝＝＝＝＝＝＝＝＝＝＝＝＝＝
新聞有價 記者有格 $128成長計劃
立即訂閱：https://bit.ly/3wEkVhz
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
「爆片爆相」返嚟喇！
一經獨家採用將會獲得由網上零食店易買
送出$200元電子禮券！
報料：https://bit.ly/3S3zjZy

旺角餐廳以哈利波特為主題經營　華納入稟控侵權獲勝訴
https://channelchk.com/a/12310

旺角煙廠街一間樓上餐廳「9 3/4 cafe」以電影《哈利波特》佈置為賣點經營，早前餐廳及4名董事被華納兄弟娛樂公司（Warner Bros. Entertainment Inc.）入稟，控告其侵犯版權。案件今日（8日）在高等法院處理，法官最終裁定華納勝訴，並向被告頒下禁制令，及要求被告披露餐廳收益，供日後索償之用。

#哈利波特 #9又4分3月台 #cafe #旺角 #樓上cafe #華納 #侵權 #channelchk
＝＝＝＝＝＝＝＝＝＝＝＝＝＝
新聞有價 記者有格 $128成長計劃
立即訂閱： https://channelchk.com/plan
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
😎Channel C 廣告推廣和媒體合作​！🤝
誠邀各商戶傾談廣告宣傳和合作推廣；
有意請電郵至： marketing@channelchk.com
＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由
齊柏林熱狗店送出＄50元 禮券乙張！
報料：https://wa.me/85264691456