聖誕樹no bud佳作 搭起綠色樽蓋 衣架加LED燈夠搶眼
網民籲「用最窮精神過心靈富足嘅聖誕」

又到聖誕～又到聖誕～！嚟到聖誕月聖誕樹又係時候出動，香港做設計慘過食屎協會 @hkddwtesa fb專頁今年繼續搞咗個「香港最窮聖誕裝飾比賽」，目的係揸緊no budget信念鼓勵大家發揮小宇宙，結果唔少會員嘅作品都吸睛得嚟又相當環保。

其中會員Nicky Chau就將蒸餾水嘅綠色樽蓋「搭膠膠」，喺頂加返個汽水蓋，再搭番幾條橡筋，即刻變成mini聖誕樹。出post短短兩日就吸引咗過萬人讚好，香港做設計慘過食屎協會會長都話呢位會員冒住膀胱爆炸嘅風險去完成作品，仲提大家普天同慶嘅日子情況之下珍惜一下環境，「今年試下用最窮嘅精神去過心靈富足嘅聖誕節。」

另外會員Kelly Chow就因為阿媽唔想嘥錢買聖誕樹，所以自己就用衣架砌咗棵5層高聖誕樹，加啲絲帶同LED燈做裝飾，仲即刻豪華咗。有人留言都大讚作品係心目中嘅三甲，「好實用，仲可以掛下socks同bra，連聖誕波波球果類飾物都慳返」；會長亦覺得裝飾呢豐儉由人，留返啲錢同媽媽食聖誕大餐亦得。Channel絲都想講呢兩棵聖誕樹唔單止可以話零成本，仲要夠慳位，啱晒啲想趁聖誕節點綴下，但又唔想搞大龍鳳嘅大家。

不過就算想低成本做棵大啲嘅聖誕樹，其實都一樣有方法！有學校早前就喺外牆掛上大型綠布，由學校3樓延伸到6樓，布上掛有裝飾，樹頂仲有粒星星，絕對不失聖誕氣氛。如果咁啱屋企有大型紙皮，仲可以將幾塊紙皮𠝹成聖誕樹嘅形狀，剪剪貼貼砌出紙皮聖誕樹，最後加啲舊聖誕裝飾，一樣咁靚！

#channelchk #聖誕樹 #聖誕節 #環保 #零成本 #香港最窮聖誕裝飾比賽

各大機構又係時候構思棵LOW-BUD聖誕樹啦，好彩今年有IG嘅大家率先送咗棵NO-BUD聖誕樹畀我哋❤️❤️Channel C嘅IG終於破40,000個Followers啦！希望TG都可以快啲有棵大樹啦😋
#channelchk #lowbudgetchristmastree #nobudgetchristmastree #聖誕樹
＝＝＝＝＝＝＝＝＝＝=＝＝＝＝
記得，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！
👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://t.me/channelchk
報料／廣告接洽：
info@channelchk.com

笠金鐘罩去金鐘 直擊神秘閃燈聖誕樹頭
網民影相拍片 揭北角渣華道都見過

究竟有咩動力，驅使佢個頭笠住閃燈聖誕樹呢個金鐘罩去金鐘呀？係愛呀？定係責任？

今日係平安夜，有網民昨上載片段，見到一名身穿外套、孭背囊嘅人，成個頭笠住聖誕樹裝飾，乘搭港鐵港島綫列車往柴灣方向，並喺金鐘站落車。個裝飾一啲都唔hea，仲有彩燈不斷閃閃吓。

有其他網民留言，話試過夜晚喺其他地方都見到呢位神秘聖誕樹人，仲貼埋相。Channel師憑相中景物，對照過Google街景，相信聖誕樹人去過北角渣華道。

你又有冇見過佢？歡迎留言話畀小編知～😆

#港鐵 #mtr #金鐘 #北角 #渣華道 #聖誕樹 #金鐘罩 #xmas #平安夜 #christmas #christmastree #聖誕 #channelchk #聖誕裝飾 #decoration #頭盔 #helmet