王力宏未完成21天隔離 與友飯聚
黑人范范徐若瑄斷正

又係黑人范范（陳建州、 范瑋琪）呢對模範夫婦。佢哋又見報了。

不過今次主角唔只兩位，仲有剛從美國返回台灣嘅王力宏。依照規定，王力宏完成14日隔離後，要進行多7日「自主健康管理」。即係，可以出街，但要避免出入公共場所；gathering或聚餐、參加大型活動更是可免則免。13號左右完成隔離嘅王力宏，16號就去徐若瑄屋企作客，席上仲有范范黑人、資深音樂人陳子鴻等，影埋大合照擺上網。

有齊飯聚證據，各方大張撻伐：「這樣不是防疫破口嗎？還公然po文，作為大眾最壞的示範。」亦有人覺得其實聚會無問題，「只要防疫做好，距離拉開，戴口罩。只是藝人公眾人物會被媒體放大而已。」也有網民大嘆太多「道德魔人」。

飯局曝光，徐若瑄急急刪相。王力宏今午於fb出post，公開道歉：「謝網友和媒體們的提醒，我真的疏忽了解隔離後的七天自主健康管理。對大家都很抱歉，對不起。我會承擔所有違規責任，剩下的三天自主健康管理也會嚴格完成。」

徐若瑄就話：「謝謝網友和媒體的提醒，這個好朋友聚會，我們疏忽了相關防疫規定與其嚴重性。對不起，非常抱歉，也保證以後不會再發生，特此向大眾致歉。」黑人亦道歉，講嘅都係差唔多。

有份出席嘅陳子鴻就向傳媒話，今次飯局係徐若瑄約，「我完全不知情力宏還在自主健康管理」。既然朋友叫到咪去囉。即係咁意思。

台北衞生局就表示會先進行調查實，再決定是否檢控。

#channelchk #王力宏 #范范 #黑人 #陳建州 #范瑋琪 #徐若瑄 #隔離 #自主健康管理 #防疫措施

徐若瑄再發聲明否認介入王力宏婚姻
微博流傳By2 Yumi僅服過量「褪黑素」

嘮動新聞👉 https://youtu.be/addAS97wq40

冬至過咗，大家可以由食花生湯圓轉返食花生啦～噚日蕾神幫黑人、范范兩公婆澄清佢哋無同王力宏「玩4P」，俾網民揣測佢係再度重擊同樣捲入風波嘅徐若瑄。而徐若瑄今日終於忍唔住，再發聲明澄清佢無介入王力宏嘅婚姻，話「絕無私約、更不是你們口中的
『介入別人婚姻的第三者！』」，仲表示呢篇會係最後一篇聲明，「如再有後續，我會委由司法處理」。

徐喺聲明到話，「連日來的怒罵與不實指控」令佢「心很煎熬、身心俱疲」，指事件嚴重影響到佢屋企人，但亦都令佢見到邊個先係真正嘅朋友。至於網民話佢發聲明係對號入座，佢就反問：「各種躲在影射、比喻、暗示背後的報導和網友們的不實指控，一桶又一桶的髒水往我身上潑，身為女人、是妻子、母親又是公眾人物，我還能不站出來，為自己名聲平反嗎？！」

其實捲入呢場風波後，徐若瑄喺早前嘅聲明已經叫王力宏出嚟解釋，可惜力宏係專業潛水員，除咗搞到徐若瑄一身蟻，亦都令By2嘅Yumi傳出服藥自殺。微博有人爆料，發文引述Yumi身邊嘅工作人員指，Yumi其實只係服用過量「褪黑素」，已經拎埋藥出咗院，希望Yumi真係無事啦～

#channelchk #徐若瑄 #Yumi #王力宏 #李靜蕾 #黑人 #范范

徐若瑄老公首發聲明護妻
黑人噤聲多天 強調自己無權發言

黑人夫婦及徐若瑄近日捲入「宏蕾婚變」，繼徐噚日再出聲明澄清後，佢老公李雲峰今日都終於透過律師樓出聲護妻，話「看著李靚蕾小姐與王力宏先生的新聞，心中除了感嘆，作為一個丈夫與父親，更多的是心疼，心疼我的妻子徐若瑄」，仲表示唔會再俾任何人傷害太太同屋企人。

遠在新加坡嘅李雲峰仲強調對太太嘅信任，話佢雖然唔係舞台上嘅公眾人物，但作為徐若瑄另一半，「我很了解她的為人，我會保護我的妻子，我相信她」。

而捲入風波、份屬王力宏好友嘅黑人（陳建州），因為一直都對事件沉默，所以亦都被網民炮轟為人虛偽、懶理好友生死。加上南拳媽媽成員「彈頭」出文指名道姓鬧佢，令黑人由「裝熟魔人」變成「眾矢之的」。噤聲多日，黑人今朝都終於喺Facebook發表聲明，話「一場家務事發展至今，沒有人是贏家，大家都遍體鱗傷…包括整個社會的氛圍！」，表示會用自己的方式陪伴朋友渡過人生低谷，叫大家用同理心看待此事。

#channelchk #黑人 #陳建州 #徐若瑄 #范范 #范瑋琪 #李雲峰