$5,000消費券第二期明起可領取
八達通超出儲值上限點算好？

$5,000電子消費券第二期將於明日（10月1日）起發放，早前選用Tap＆Go拍住賞、Alipay支付寶或WeChat Pay HK登記嘅市民將會收到$3,000消費券，連同第一期，即$5,000消費券會全數領取，而有效期至今年12月31日；至於選用八達通登記的市民，明日將可領取$2,000消費券。

不過，如果八達通領取消費券時，儲值額超過$3,000會點？財政司司長辦公室財政預算案及稅務政策組主任王學玲接受電台訪問時話，八達通卡儲值上限只係3,000元，所以今次再拍卡時，消費券金額只會令儲增額增加至$3,000，但當市民消費後，再拍卡就可繼續領取餘下嘅消費券金額。

另外，用八達通登記消費券嘅市民可於10月1至7日期間，喺OK便利店首次領取第二期消費券，亦將可額外獲贈4張$5 OK現金券，下次喺OK消費滿$20就可使用一張。

再提提大家，八達通登記市民須到指定拍卡機或在手機八達通app拍卡，先可以領取第二期消費券，最遲要喺2022年2月28日或之前，累積$4,000「合資格消費」，先可領取第三期嘅$1,000消費券。

#channelchk #消費券 #電子消費券 #5000元消費券 #八達通 #支付寶 #TapnGo #WeChatPay #拍住賞