真・譚仔姐姐着潮爆制服行Catwalk
譚仔CEO戴黑超驚喜出場

之前報道咗譚仔同香港知專設計學院（「HKDI」）合作嘅「譚仔姐姐2046未來制服」Phygital 時裝騷，見到名模Jessica.C 、藝人沈殷怡（Shirley） 等等靚爆舞台，其實個Show仲有幾位真・譚仔姐姐行Catwalk，仲一啲都唔輸蝕㗎～

参加嘅有「譚仔姐姐首席KOL」紅梅姐、「葵芳店店長」菊姐、「彩明店店長」進姐、「東涌店店員」珍姐與「樂富店店員」鈴姐，佢哋着上HKDI學生的設計作品行上天橋，好似平時做嘢一樣咁專業！Channel絲私心最鍾意「葵芳店店長」菊姐嘅裝扮，改良過嘅旗袍除咗完美襯托出譚仔姐姐嘅氣質，湖綠色嘅線條更令人諗起二次元偶像初音未來，夠哂「2046未來制服」！

有一班型爆嘅譚仔姐姐，又點少得譚仔哥哥呢？譚仔國際集團主席兼CEO劉達民（Daren），戴住副黑超以「時尚教主」造型壓軸出場，引嚟全場歡呼。親民有嘅佢未埋位嗰陣已經逐一向各模特兒問好，仲同鋪排、指導場騷嘅Janet Ma有講有笑，跳吓舞咁。

今次制服設計比賽嘅勝出學生，將會為譚仔設計2021年全新制服，並獲得獎學金，以繼續修讀與藝術創作有關的課程，而部分表現優異的學生都會獲得廣告公司的實習機會。Daren話，譚仔除咗專心做好每一碗米線之外，都希望可以回饋社會，推動本地設計及文化產業的教育發展，而今次比賽畀學生們發揮創意思維，其實都寓意譚仔會繼續有創意、努力地發展，繼續成為最受歡迎的米線專門店。

#channelchk #譚仔 #譚仔姐姐 #HKDI #知專 #時裝 #設計 #譚仔姐姐2046未來制服

大家食logo設計冠軍誕生 金槍人頒10萬獎金
讚卡通耐用 簡潔兩筆賦意號召「大家一齊食」

大家食飲食集團早前舉辦logo設計比賽，選出20個入圍作品，再交由Facebook網民一人一票，揀出最佳設計。冠軍最終經逾4,000名網民投票誕生；由擁有十幾年設計經驗的Edmond Tam，以卡通化頭像加口號的承先啟後設計，脫穎而出！由大家食老闆「金槍人」呂茂正親自頒發10萬獎金支票。

呂先生都喜愛網民的選擇，認為冠軍作品保留原設計最標誌的呂老闆頭像，但將頭像卡通化，而且加添笑容，令設計更長青和耐用；而且只是簡潔添加兩筆，就將原設計頭像旁邊的商標字體「大家食 EAT TOGETHER」，變成直述語句，有如呂老闆呼籲「大家一齊食」一樣，套用舊有設計賦予新意義。

為答謝Edmond，呂老闆特別預備幾道菜色請客，包括大家食招牌的狀元骨、過山雞、村村住家鍋麵和涼拌雞絲麵。Edmond接受Channel C訪問時指，當初是女朋友告知他有這個比賽，而他又覺得大家食這個品牌「夠gimmick」、「覺得好玩」，才報名參加，很高興最終獲獎。

Edmond早前向投票的網民解釋設計意念，指新logo「要一眼認到，但又唔可以似軍佬，呢個係創作嘅原點，亦係瓶頸」。所以他選擇以舊logo本身的頭像和字形，重新塑造集團開朗親民的氣氛，亦「難得大家食老闆呂生『與民同樂』嘅胸襟，唔介意『大家食J』呢個gag，所以我都唔客氣，整出呢個『大家食J』，一齊食到舔舔脷嘅logo」。

#大家食 #LOGO #設計 #卡通 #獎金 #頒獎 #呂茂正 #channelchk

早喺7月，大家食J宣佈搞Logo設計比賽，到11月冠軍已經誕生，仲頒埋10萬獎金到設計師Edmond手上，以為新Logo已經誕生？呂茂正話換Logo要小心謹慎，決定將原Logo、冠軍Logo，再創作一個合20強長處嘅新Logo，3個再畀大家投票一次！吓？如果網民投返原Logo，今次比賽咪白搞？金槍人究竟搞邊科？即刻睇片👉 https://youtu.be/nnomQYpdzwE

#channelchk #大家食J #大家食飲食集團 #投票 #公投 #設計 #比賽

＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
https://www.youtube.com/ChannelCHK