王宗堯藍奕邦孖眾KOL等演唱「我只想 香港健康」
十字牌廣告為港人打氣 感動網民
「搞乜而家睇廣告都會睇到眼濕濕？」無錯！十字牌 十字牌 Trappist Dairy fb專頁今晚上載嘅最新廣告邀請咗10個唔同背景嘅單位，將張衛健首《身體健康》重新演繹成《只想和你身體健康》，為疫情下嘅港人打氣。佢哋輪流合唱已經好滾動，最後出場嘅藝人 gregory wong 王宗堯 仲要唱出：「我只想 香港健康 見字要多多飲水 身體好先夠威風 腰骨挺起不驚怕亂世 有日最終 無病痛」，Channel都想講「喂！洋蔥嚟嘅！」
呢個廣告邀請咗王宗堯外，仲有KOL專家Dickson、熊仔頭及藍仔頭、蝦條哥同米露迪、樂隊RubberBand、無伴奏組合SENZA A Cappella 、人仔細細跳舞超勁嘅劉小華、天使綸音合唱團、出名二次創作歌曲嘅晴天林、歌手藍奕邦。
佢哋每單位有唔同「任務」去演繹出《只想和你身體健康》，譬如Dickson就自彈自唱，RubberBand鼓手泥鯭就敲牛奶樽代替打鼓，晴天林就將歌詞改成「我只想 香港平安 這疫症快過去不需安心......」，然後再唱出，蝦條哥同米露迪「呃歌唱」嘅時候就隔離加咗「妳病咗 緊係要上嚟照顧妳...全身」、「其實我唔介意病 咁先分到你係咪呃蝦條」，劉小華就邊唱邊跳Locking，總之每part都係佢哋擅長得嚟又特別嘅。
不過去到最尾原來有彩蛋，壓軸出場嘅王宗堯唱出「我只想 香港健康 見字要多多飲水 身體好先夠威風 腰骨挺起不驚怕亂世 有日最終 無病痛」，感動咗唔少網民：「原來最後有彩蛋」、「最後有洋蔥」、「好正，眼睛突然糢糊，我都好想香港健康」，甚至有人話「唔飲得奶都要撐」。
唔少有份拍攝嘅嘉賓都有喺佢哋fb share同comment，其中Rubberband都話「喺呢個年頭，要團結起嚟迎難而上並唔容易」，形容今次拍攝十分有意義，亦希望港人一齊走過疫情，重回正常生活。藍奕邦都覺得好榮幸，仲話賣晒廣告話「飲十字唔止會靚啲，仲會胸襟廣闊啲。RESPECT! #只想你身體健康 #最尾四句係突登重寫嘅」；晴天林亦話「我只想⋯香港健康⋯」。
#channelchk #十字牌 #王宗堯 #藍奕邦 #RubberBand #蝦條哥 #米露迪 #劉小華 #專家Dickson #熊仔頭及藍仔頭 #SENZAACappella #天使綸音合唱團 #晴天林
十字牌廣告為港人打氣 感動網民
「搞乜而家睇廣告都會睇到眼濕濕？」無錯！十字牌 十字牌 Trappist Dairy fb專頁今晚上載嘅最新廣告邀請咗10個唔同背景嘅單位，將張衛健首《身體健康》重新演繹成《只想和你身體健康》，為疫情下嘅港人打氣。佢哋輪流合唱已經好滾動，最後出場嘅藝人 gregory wong 王宗堯 仲要唱出：「我只想 香港健康 見字要多多飲水 身體好先夠威風 腰骨挺起不驚怕亂世 有日最終 無病痛」，Channel都想講「喂！洋蔥嚟嘅！」
呢個廣告邀請咗王宗堯外，仲有KOL專家Dickson、熊仔頭及藍仔頭、蝦條哥同米露迪、樂隊RubberBand、無伴奏組合SENZA A Cappella 、人仔細細跳舞超勁嘅劉小華、天使綸音合唱團、出名二次創作歌曲嘅晴天林、歌手藍奕邦。
佢哋每單位有唔同「任務」去演繹出《只想和你身體健康》，譬如Dickson就自彈自唱，RubberBand鼓手泥鯭就敲牛奶樽代替打鼓，晴天林就將歌詞改成「我只想 香港平安 這疫症快過去不需安心......」，然後再唱出，蝦條哥同米露迪「呃歌唱」嘅時候就隔離加咗「妳病咗 緊係要上嚟照顧妳...全身」、「其實我唔介意病 咁先分到你係咪呃蝦條」，劉小華就邊唱邊跳Locking，總之每part都係佢哋擅長得嚟又特別嘅。
不過去到最尾原來有彩蛋，壓軸出場嘅王宗堯唱出「我只想 香港健康 見字要多多飲水 身體好先夠威風 腰骨挺起不驚怕亂世 有日最終 無病痛」，感動咗唔少網民：「原來最後有彩蛋」、「最後有洋蔥」、「好正，眼睛突然糢糊，我都好想香港健康」，甚至有人話「唔飲得奶都要撐」。
唔少有份拍攝嘅嘉賓都有喺佢哋fb share同comment，其中Rubberband都話「喺呢個年頭，要團結起嚟迎難而上並唔容易」，形容今次拍攝十分有意義，亦希望港人一齊走過疫情，重回正常生活。藍奕邦都覺得好榮幸，仲話賣晒廣告話「飲十字唔止會靚啲，仲會胸襟廣闊啲。RESPECT! #只想你身體健康 #最尾四句係突登重寫嘅」；晴天林亦話「我只想⋯香港健康⋯」。
#channelchk #十字牌 #王宗堯 #藍奕邦 #RubberBand #蝦條哥 #米露迪 #劉小華 #專家Dickson #熊仔頭及藍仔頭 #SENZAACappella #天使綸音合唱團 #晴天林