黑幫闖尖嘴火鍋店尋仇！新義安激戰14K
天眼直擊杯碟橫飛勁精彩
👉去片： https://youtu.be/PtVRKbobQxs 🙀

黑幫尋仇向來唔係為錢銀，就係為女人，今日網上流傳一段黑幫尋仇片，引來好多網民揣測背後原因，到底為咗咩？Channel絲就火速去收收料，一切原由都係一個「情」字。

據知，事發在今日（28日）凌晨1時半，現場係位於尖沙嘴寶勒巷一間火鍋店，而呢間火鍋店正正係14K人馬最愛嘅飯堂之一。

至於涉事主角叫「阿超」，係14K「豆腐傑」嘅兄弟，昨晚佢哋一行5人去火鍋店VIP房打邊爐，食到凌晨1點幾，正係埋單之際，遭到一幫尖嘴新義安人馬伏擊。

根據網上流傳的CCTV片段，施襲一方至少出動10幾人，由一名黑衣男子率領，浩浩蕩蕩行上3樓火鍋店，然後熟晒架步咁行入VIP房。一入到房，該黑衣頭目好快就搵到目標人物「阿超」，二話不說，就以手上手機作為武器，重擊「阿超」兩鎚，然後「阿超」其他兄弟立即起身反擊。

雖然施襲一方並冇拎武器，但有人就地取材，狂執枱上嘅碗筷及玻璃酒樽亂掟，不過，14K「豆腐傑」人馬都全力還擊，各人抐凳反枱擋駕，混戰約1分鐘，就將伏擊者全部推出房外，再用木凳頂住度門，搞到對方老鼠拉龜無掟埋手。結果，雙方僵持多1分鐘，對方就拉隊走人散場。

據知，今次矛頭直指「豆腐傑」兄弟「阿超」，之前因為男女感情問題得罪人，而「豆腐傑」在混戰中出手幫朋友都有輕微受傷，但暫時未有下一步行動。

至於施襲一方尖嘴新義安人馬，到底係收錢接order做嘢？定係同「阿超」的感情轇轕有關？仲有未知之素。但警方已接手調查事件，正追緝涉嫌施襲人馬。

＝＝＝＝＝＝＝＝＝＝＝＝＝＝＝＝＝
記得Like、Share同Comment條片，Subscribe我哋
YouTube Channel，仲有撳埋鐘仔搶先睇片喇！
https://youtube.com/channel/UCQRdJCdUVkXYPvWZ6_Omkag

#channelchk #尖沙嘴 #新義安 #14K #CCTV #天眼 #火鍋 #寶勒巷 #黑幫 #尋仇 #黑社會

陸陸雞煲被罰停晚市再收食環投訴指廁所唔乾淨
嘆「聽到麻木」：若有日關門大吉請不要憤怒

旺角一間食肆「陸陸雞煲火鍋」日前被罰晚市堂食停晚市7日後，今日再收到食環通知，稱有人投訴佢哋廁所唔乾淨、無嘟安心出行等，慨嘆就算幾努力繼續做，但今次停晚市再加早前兩次打風，已損失幾十萬；加上俾facebook封鎖，搞到推優惠post都冇人知，所以都呼籲大家畀like同分享佢哋page支持。佢哋最尾仲好灰咁話，假如「有一日關門大吉，請不要驚訝，也不要憤怒。」

警方近日多次突擊巡查食肆，「藍店」、「黃店」都無一倖免，其中位於旺角白布街嘅陸陸雞煲就喺上周五（15日）晚，因為3名食客因為冇用「安心出行」或「填紙仔」，違反防疫條例而被票控，食肆負責人被捕，食肆須停晚市7天至本月22日。此外，銅鑼灣No Boundary 無邊、Softeggsboy滑蛋仔亦先後被指違反防疫條例而須停晚市，目前已重開；而石門嘅Explorer Fusion Restaurant則被罰停晚市至本月24日。

陸陸雞煲今午喺社交平台表示，再收到食環通知話有人投訴佢哋廁所唔乾淨，無嘟安心出行等，直言已「聽到麻木晒」。

佢哋仲話原本諗住慶祝今年開張十周年，但無奈喺疫情呢一年「一日做得4個鐘頭生意」；即使佢哋逆境下繼續堅持，期望將來能成為老字號餐廳，但資源始終有限，「停呢7日晚市同上星期打咗兩個八號風加埋都唔見咗幾十萬。」而且佢哋已被facebook封鎖，推出外送$0雞優惠嘅post都冇人睇到。

所以，陸陸雞煲希望大家幫手like、follow同share佢哋page，等將來做優惠可以多啲人知道，仲慨嘆「或者我哋將來再俾人拉，起碼你哋第一時間會收到先」；帖文最尾仲話「假如陸陸（雞煲）有一日關門大吉，請不要驚訝，也不要憤怒。」佢哋亦衷心感激呢幾日仍打算嚟幫襯嘅顧客，「一切在心中」。

#channelchk #陸陸雞煲 #火鍋 #黃店 #藍店 #防疫條例 #安心出行 #填紙仔 #突擊巡查

海底撈年底前執300間門市
集團稱受「快速擴張策略」拖累

火鍋專門店「海底撈」（6862），周五（5日）晚於港交所出通告，表示公司董事會決於今年12月31日前逐步關閉300間業績不如預期的分店，但其中部份或者會擇機重開，停業時間最長不會超過兩年。海底撈強調，公司不會裁員，亦會在集團內妥善安頓相關門市的員工。集團亦稱，會適時收縮業務擴張計劃，如果海底撈門市每日的平均「翻桌率」低於4次，公司原則上不會再開設新分店。

海底撈亦都通過官方微博及官網發佈「致各位關心海底撈的朋友一封信」，將門市表現未如預期的原因歸咎於2019年開始的「快速擴張策略」，具體因素為部份門市選址出現失誤、令各級管理人員無法理解且疲於奔命的「內部組織架構變革」、優秀店經理數量不足等。海底撈於信尾更稱，「目前的苦果只能由我們一口一口咽下去，我們在此向大家保證，海底撈1000餘家門店服務員的笑臉依舊燦爛」。

Channel絲翻查資料，目前於全球擁有過千間門市的海底撈，於日本、台灣、韓國、美國、甚至印尼等都有分店，而海底撈於2017年正式登陸香港，至今已開設5間分店。海底撈2018年9月於香港上市，招股價為17.8港元，股價於今年曾創下85元新高，惟後來「後勁不繼」沉底，周五的收市價僅為21.050元。

講開又講，好多人放工都鍾意去食海底撈，不過成日打邊爐會好熱氣，Channel絲都係鍾意返屋企食麵包啫～

#channelchk #財經 #海底撈 #深圳 #日本 #台灣 #韓國 #美國 #印尼 #火鍋 #股價

消委會踢爆！龍蝦丸冇龍蝦 「無添加墨魚」丸
一周食29粒德昌魚蛋粉魚蛋 水銀即超標

消費者委員會今日（17日）公佈20款牛丸（牛肉丸及牛筋丸）、10款貢丸、10款魚蛋、10款墨魚丸和10款龍蝦丸的測試結果。牛丸少牛已不是新鮮事，但龍蝦丸沒有龍蝦，又會是甚麼呢？

消委會測試的10款龍蝦丸入面，均沒有檢出甲殼類動物基因，「iEat龍蝦丸」更在成分表標示龍蝦為第一種配料。連甲殼類動物基因也沒有，哪龍蝦丸到底應叫做甚麼丸？

「魷魚係尖嘅，墨魚係圓嘅～」專業商販不用口訣也能分辨，但由於魷魚比墨魚便宜，有商販在墨魚丸混入魷魚，最離譜是「真地道無添加墨魚丸」，整粒墨魚丸100%是魷魚基因。或許不是「無添加」的「墨魚丸」，而是「無添加墨魚」的丸。

消委會又指，肉丸大部份含鈉量高，亦有不少是高脂，故食用時要適可而止。另外，海產類動物製成的肉丸比其他肉丸較大機會受重金屬污染，應節制地食用。孕婦更要注意，「德昌魚蛋粉」魚蛋含最多水銀，若孕婦每日食5粒，持續一周即超標，有機會損害胎兒。

#channelchk #消委會 #打邊爐 #魚蛋 #肉丸 #手打肉丸 #火鍋 #墨魚丸 #龍蝦丸 #牛丸

【情侶元朗滾鍋激戰！被冚3巴婦掃枱 佬離譜還拖 疑再肉搏警 醉稱女友懶沖廁又切他｜北部刀會區】
睇片👉https://channelchk.com/a/9572

「北部刀會區」元朗近日上演1場情侶滾鍋激戰！47歲金毛紋身漢醉稱不滿其42歲女友「去廁所唔沖廁」，在校長燒肉店掌她3巴。女友2度掃枱洩忿，將男方電話、5萬元戒指連同滾鍋，一併掃跌。躁漢不但連環動手還拖，更涉嫌與警員肉搏。

#情侶 #元朗 #校長燒肉 #放題 #火鍋 #燒烤 #烤肉 #愛情 #MMA #channelchk
==========================
CONTE MEDICAL 童珀醫療 皮膚管理中心
Channel C 獨家優惠 「Acnebuster 暗瘡終點站綜合治療」
$880 有童珀 冇暗瘡 https://www.contemedical.com/healacne
同姑娘傾傾 6993 4114 https://wa.link/y9es4m
==========================
新聞有價 記者有格 $128成長計劃
立即訂閱：https://channelchk.com/plan
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
😎Channel C 廣告推廣和媒體合作！🤝
誠邀各商戶傾談廣告宣傳和合作推廣；
有意請電郵至：marketing@channelchk.com
＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由
齊柏林熱狗店送出＄50元 禮券乙張！
報料：https://wa.me/85264691456