麥當勞用《跌咗嘢試下唔好搵》sell優惠
抽錯水撞正女警屍體發現 被批涼薄

「跌咗嘢 就係咁X出奇～唔搵佢 就會走返出嚟」，「試當真」豪哥同許賢a.k.a MC $oho & KidNey首Rap歌《跌咗嘢試下唔好搵》發表之後，已有人日播夜播，亦有人用佢啲詞嚟抽水；而首歌近日推出MV，再掀起話題。麥當勞今早就用呢句歌詞呢sell新一輪優惠，結果被大批網民在麥記fb專頁留言鬧爆「啱啱有女警失蹤之後揾返個屍體，咁啱你地又出呢個post，有啲敏感，你哋會唔會出嚟交代返？」、「真係好過份喎，咁大間公司喺咁敏感嘅時候講埋啲咁涼薄嘅說話」，有唔少人就要求麥當勞交代。

不過，亦有唔少網民反駁「咁樣都叫串女警？就快乜嘢都係敏感字」、「跌嘢都唔比？笑死」、「明明係講首歌」；有網民亦指麥當勞啲post都經常出現MIRROR同林家謙、Serrini啲歌。

事實上，除咗歌詞外，麥當勞過去都有用唔少爆紅金句，例如之前港鐵屯馬線開通時，有粉絲受訪時將《綠袖子》改詞，唱出「屯馬開通真的很興奮」，麥當勞隨後嘅post就寫咗「真的很興奮」；港隊羽毛球代表謝映雪早前被問到想親近邊位MIRROR成員時，話「小朋友先做選擇㗎！」麥當勞之後亦有用「小朋友先做選擇」嚟出post。

#channelchk #麥當勞 #跌咗嘢試下唔好搵 #試當真 #許賢 #豪哥 #女警 #屍體 #失蹤

警員屯門執勤期間遺失手鐐 呼籲市民幫手搵
https://channelchk.com/a/10622

警方指，一名隸屬新界北總區交通部的警務人員，昨日（9日）在屯門區執勤期間，遺失一副手鐐。

警方表示在接獲報告後已立即展開調查，並在可能遺失有關物品的地點搜尋，但暫未有發現。案件列作「遺失政府財物」，由新界北總區交通部跟進及調查。

#跌咗嘢試下唔好搵 #無酬 #手鐐 #LostAndFound #channelchk
＝＝＝＝＝＝＝＝＝＝＝＝＝＝
新聞有價 記者有格 $128成長計劃
立即訂閱：https://channelchk.com/plan
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
😎Channel C 廣告推廣和媒體合作！🤝
誠邀各商戶傾談廣告宣傳和合作推廣；
有意請電郵至：marketing@channelchk.com
＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由
齊柏林熱狗店送出＄50元 禮券乙張！
報料：https://wa.me/85264691456