直擊小業主反抗天價維修費
法團秘書怒打攝記相機 直言：「我話事！」

Channel C諗住直擊美景樓業主反抗天價維修費，點知就俾法團秘書拍鏡頭⋯⋯想知業主點解咁嬲、記者經歷咗啲乜，就快啲入去睇片啦！

去片👉https://www.youtube.com/watch?v=O_9Jp7jwH-Q

成日都聽到有屋苑爆出天價維修費醜聞，今次就輪到樓齡達57年的土瓜灣美景樓第一期，前日（16日）小業主趁法團收集授權書，在門口叫業主齊齊簽名反對！

土瓜灣美景樓1期 4年或收逾半億維修費

據知，呢次大廈維修係4年內第二次，有傳維修費將高達3,500萬元，每戶須付約5萬元；對上一次話要整天台防水及換食水喉，就用咗近1,600萬元，全幢大廈約760戶，每戶必須夾2萬多元。

而今次主要維修外牆，因為屋宇署早前向法團發出修葺令，指出部份廚房外牆混凝土有裂縫，並有相當的危險性，所以勒令法團必須進行小型工程，清除鬆脫及破裂的鋼筋混凝土，以及重新進行加固。

因此，法團就喺大堂貼出通告，聲稱於6月登報進行招標，然後於9月派發標書，再於10月開標，最後於本月初面試承辦商，並於今日開業主大會，議決通過新一期大廈維修工程、揀選工程承辦商、工程費用集資等重要事項。

業主終覺醒 今晚大會誓將大反擊

不過，喺開業主大會前兩日，在收集業主授權書過程中，率先引爆業主與法團間的大衝突，全因懷疑有業主單位「被簽」授權書，有人疑將過百份來歷不明的「授權書」放入票箱，企圖令今日的業主大會在足夠票數下，順利通過天價維修費，事件令不少業主震怒。

當日點票期間就有自稱法團秘書的男子衝進議員辦事處，一嚟就大聲問：「邊個開(箱)㗎？」在場有四個委員坐陣，但男子指點票一事係由佢「話事」，其他人點票不合程序，更指「我啲授權書都未放落去」，但居民指已越時封票。爭吵期間，秘書男不滿Channel C攝記拍攝，出手拍打相機，遭在場居民阻止，居民認為點票過程需要拍攝下來以示公正。其後秘書男報警，警方到場調停，終讓委員完成點票。

其實點解業主們會咁嬲？因為對上一次所謂天台防水工程，完成後，不少業主單位出現漏水問題，天花發霉，再引致石屎剝落，但小業主求助無門，對承辦商大失信心，令大批業主覺醒群起反抗，拒絕聘用懷疑通過「圍標」承接工程的承辦商。

＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！
👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://t.me/channelchk
報料／廣告接洽：
info@channelchk.com
#channelchk #嘮動新聞 #突發 #美景樓 #土瓜灣 #法團 #維修費

法團秘書身份曝光有案底
美景樓1期業主要求即場罷免

Channel C剛報道土瓜灣美景樓第一期爆出天價維修費醜聞（ https://youtu.be/O_9Jp7jwH-Q ），居民今晚喺紅磡社區會堂開業主大會，幾百名業主出席，期間法團試圖拖延時間不表決維修議案，更擾攘一時，但群眾壓力下最終成功爭取不維修。另外，會上更爆出前日聲稱係「話事人」嘅法團秘書，原來係2015年區議會油尖旺中選區參選人廖紹暉，並在該次選舉中犯法被判罪成留有案底。不少業主在大會上得知消息都大為震驚，情緒激動，並要求即場罷免，惟這不在會議議程事項，終未能成功。

廖紹暉（又名廖少輝）（39歲）曾任廣西欽州市政協委員、2015年區議會油尖旺中選區參選人。在2015年選舉期間屢於選舉宣傳横額及逾千張宣傳單張上，未獲正式授權下稱獲選區內6幢大廈的業主立案法團支持，結果被人向選舉事務處投訴。

2017年6月21日在裁判法院承認6項在選舉中作出非法行為罪，親自求情時指當年因為選舉繁忙，未有進一步向法團索取書面確認信，及後因為敗選，認為「都輸左咯」，所以未有再向法團取得確認書，這次是遭對手蓄意舉報引發。

當時裁判官指任何影響選舉公平性罪行，一般會判處有阻嚇性刑罰，即是判處監禁。廖還柙14天至7月5日，裁判官指認為被告有悔意，故判其80小時社會服務令。

#channelchk #美景樓1期 #美景樓 #土瓜灣 #廖紹暉 #政協 #業主 #法團

早前Channel C報道過，土瓜灣美景樓一期捲入疑似圍標事件，法團策劃新一輪「天價維修」，令小業主終於覺醒，齊齊出席業主大會推翻維修，以為事件已告一段落？其實法團和小業主的鬥爭，這一刻才正式開始！

即睇今集突發專題👉🏻https://www.youtube.com/watch?v=nuCmz7GClBg

#channelchk #土瓜灣 #美景樓 #圍標 #維修 #業主 #業主立案法團

保持通話LIVE｜美景樓業主「起來」踢走法團主席 昇哥直擊大會實況
👉https://www.youtube.com/watch?v=JpRi95ciNUs

#美景樓 #業主立案法團 #保持通話
＝＝＝＝＝＝＝＝＝＝＝＝＝＝
新聞有價 記者有格 $128保就業計劃
立即訂閱：https://bit.ly/3wEkVhz
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出$200元電子禮券！
報料：https://bit.ly/38XUGu7