八大疫苗政策一覽 浸大最嚴苛
只打一針者仍要檢測 5.5起學都無得返

除咗打工仔唔打針可能無得返工，學生亦都可能因為打唔齊針就返唔到學校。八大的疫苗政策越收越緊，浸大同教大相繼宣佈未來不再接受檢測結果代替接種紀錄，浸大於5月5號起更加只准打兩針的人進入校園，叫學生屆時要自行承擔未能出席課堂的後果。

有浸大學生向Channel C表示，話無諗過2月24日開始打完一針都仲要檢測先返得學，透露而家幾乎無網課選擇，如果到時唔打針就等如「自行放棄學業」，覺得非常無助。

另一名就讀浸大的N同學（化名），亦表示對新政策感到十分無奈及無助，認為校方寫明不會對未能出席課堂的同學有「特殊安排」，更有如歧視一眾未接種疫苗的學生。N同學批評，近日有浸大學生確診，但校方未有公佈全面網課安排之餘，反而急推疫苗氣泡，做法荒謬。N續稱，「就算即刻睇左通告去打，都未必立即book到最近嘅日子打，更何況第二針要隔一個月，根本冇可能係2月24日完成到佢個要求，變相又係要繼續檢測多至少兩個星期」，直斥校方完全無為未打針的學生作考慮。

而科大今日亦都宣佈，如果學生於2月17日未能提交疫苗接種紀錄或檢測結果，有機會被學校取消新學期的課程登記（強制Drop科），而2月24日起，未打針者不能進入校內部份指定場所，包括餐廳、圖書館、體育設施等。

#channelchk #八大 #浸大 #疫苗 #打針