大埔野豬被撞傷躺馬路 司機涉不顧而去
熱心人停車報警 惟6分鐘後 疑遭巴士輾斃
【易買特約 爆片爆相】

野豬啊野豬🥲有讀者報料，2月25日晚喺大埔公路大埔滘段，近馬料水觀海崇庭嘅位置、中文大學附近，有一隻野豬懷疑被車撞倒受傷倒地，司機疑不顧而去。短短6分鐘之後，有一架巴士懷疑收掣不及，輾過已經受傷嘅野豬⋯⋯相信野豬都已經死咗⋯⋯😿

2月25日晚上7時55分，事主經過事發地點時，見到隻豬喺路中心就避開咗，同埋即時報警，但打咗兩次999 ，電話錄音都係話線路繁忙要等待。於是佢哋就一路兜一路打俾附近嘅警署，當時見到隻野豬仲有反應，應該未死，所以佢哋就暫時停喺路邊較後嘅位置觀察野豬。

沙田警署就回覆佢哋話地點唔屬於佢哋嘅警區，不過會轉返去啱嘅警區跟進。不過只係相隔6分鐘，晚上8時01分就有一架巴士可能趕唔切煞掣，轉唔到線，直接輾過本身已經受傷嘅野豬。事主之後向前駛，就見到隻豬應該已經身亡。

#channelchk #野豬 #EomBuy #大埔 #巴士 #中大 #馬料水 #觀海崇庭 #大埔公路 #大埔滘段 #爆片爆相