外傭九龍鬧市紮20營 年初一至三瞓街
捱11°C濕凍 橋底露宿3日過「虎」年
【EomBuy易買特約 爆片爆相】

一班幾乎每日為香港家庭辛勞的外傭，在今個虎年長假期，過得好嗎？有Channel C讀者直擊，大批外傭於年初一至三的紅日，選擇在九龍鬧市一處橋底，紮起約20個營地，並連日抵受低至11°C的濕凍寒流，疑通宵露宿3日，瞓街度歲。

疫情下，難以乘搭飛機回鄉探親，外傭姐姐過年想真正放假、遠離工作氣氛、見見知己好友，惟有在寒流襲港下，於鬧市露營。為保障姐姐，小編遮蔽拍片人旁述時提及的確實位置，亦待至假期結束、姐姐離場後才發佈片段。

天氣師李鈺廷翻查天文台數據，指這班外傭露宿的地區，連日早上氣溫均低至11°C的寒冷水平。雖未至於嚴寒，但天陰、大風，加上有雨，風寒效應容易帶走體溫，令人感覺更冷。相信這班離鄉別井的姐姐，在街頭首迎虎年，份外覺「虎」！

#外傭 #濕凍 #露宿 #露營 #紮營 #疫情 #COVID19 #寒冷天氣警告 #天文台 #天氣 #寒流 #寒潮 #李鈺廷 #channelchk #maid #camping

外傭快速疫檢陽性 的士赴瑪麗醫院 病房拒收
疑瞓帳篷多日等確診 新症發燒卻被趕回家

Channel C收到消息，指有外傭早前在家快速檢測COVID-19病毒呈陽性後，赴瑪麗醫院卻被拒住病房，要到院方空地暫住帳篷幾日，等候核酸檢測報告。

至2.10早上，再有發燒外傭在家快速檢測呈陽性，乘搭的士到瑪麗醫院。該外傭女僱主的朋友向Channel C指，醫生開藥後，致電該外傭僱主，表示若對方不准發燒外傭回家，外傭就要「喺醫院空地瞓帳篷」等候報告。「wild camp（露營）呀？CLS（黐X線）㗎喎！」

但爆料人其後向Channel C補充，院方後來改口，稱該發燒外傭一定要回家，其僱主「冇得揀」。

衞生署資料顯示，截至2.6已有逾200名患者在家等候入院。醫管局總行政經理李立業指，這些人一般要等幾天才能入院，承認此舉不理想，希望市民見諒。他呼籲市民強制檢測後若呈陽性，應留家耐心等候；若在家快速測試呈陽性，應委託親友或速遞公司，代為運送深喉唾液樣本，供政府做核酸檢測核實。

醫管局回覆Channel C查詢時，未有直接評論Channel C報道的個案，僅重申由於近日患者倍增，公院急症室嚴重超負荷，院內隔離設施亦飽和，即使市民快速抗原測試呈陽性，但如沒不適，不用前往急症室，只需託人交樣本供政府覆檢，並安心留家等通知。
 
局方又提醒病人在家等候入院期間，盡量留在空氣流通的單人房，其他人士避免進入。病人與同住家人相處時，應避免親密或面對面接觸和共享私人物品。進餐時，病人最好獨自用膳和避免外出用餐。環境方面，病人房間應窗常開，確保共用地方空氣流通。如病人在家中並無專用洗手間，每次使用後就要即時消毒。

#外傭 #快速測試 #COVID19 #瑪麗醫院 #疫情 #核酸檢測 #channelchk #camping #露營 #露宿 #宿營 #住院 #衞生署 #醫管局 #李立業

【EomBuy易買特約爆片爆相】
限聚令再收緊至二人的首個周日，有警察於中環向外傭發告票，位位$5,000～
去片👉https://www.youtube.com/watch?v=v1HkGrgNoBc

#channelchk #COVID19 #限聚令 #Omicron #外傭 #599G

僱主要求外傭4日假只可以出2日街
唔同意條款 或因出街確診 都要炒魷！

有爸爸同我哋講，話新年期間，屋企嘅外傭又去中環、又喺屋苑同五個朋友gathering，之後外傭唔舒服，唔同佢哋講，又唔戴口罩，三日後佢有咳流鼻水同頭痛，都唔戴口罩，同一日中午兩歲個仔開始發燒。三日後，囡囡同老婆都相繼由陰性變陽性，所以全家都乖乖地聽話在家隔離……

唔知係咪因為外傭gathering好似冇停過，就有僱主於Facebook「外傭僱主必看新聞訊息」群組開post，就聲稱自己向外傭提出5項要求，包括每個月的4天假期，只有其中兩日可以外出，但就唔可以係星期六日，必須係星期一至五，另外兩日假期就可以選擇留喺屋企休息或者加班工作，不過日薪就得200元。

呢位僱主又提到，如果外傭因為出街而導致要去做強制檢測，做檢測嘅時間就唔會計入工時。仲要求家中如果任何一人確診或被列為密切接觸者，外傭需要到僱主嘅另一幢樓自我隔離，直至好返或入院。最「辣」嘅係，一旦外傭因為出街而導致確診，仲傳染埋僱主同屋企人嘅話，雙方嘅僱傭合約將於外傭確診起30日之後結束，唔會另行通知。

呢位僱主就聲稱因為自己屋企有幼兒，所以唔可以唔謹慎行事，又提到如果外傭唔同意，就會即時炒魷。不過，有網民覺得，即使要求外傭留在家中，亦唔可以完全排除感染風險，不過事主就堅持自己「一家足不出戶，病毒何來」。

有人就覺得呢個「協議」就好似不平等條約咁，甚至可能限制咗外傭本身嘅自由……大家又點睇？

#channelchk #COVID19 #變種病毒 #疫情 #Omicron #外傭

林鄭回應戶外等入院：呢個現象係唔能夠接受
預告將嚴打外傭超過二人聚集 不忘感謝中央

特首林鄭月娥今日（18日）開記者會，首先交代延後特首選舉，全民檢測等安排，亦有回應近日因確診人數急增，不少市民要在嚴寒之下在醫院戶外範圍等待診治的惡劣情況。言談之間，林鄭月娥多次感謝中央政府支援。

另外，繼前特首董建華腳痛，現任特首林鄭月娥除跌斷過手，聽覺或者又出現小毛病。佢就問記者：「一陣間提問請稍為大聲啲，我最近聽嘢唔係聽得好清楚。」

全文請到Facebook閱讀～
https://www.facebook.com/channelchk

#channelchk #特首選舉 #林鄭月娥 #選舉 #全民檢測 #公立醫院 #外傭 #限聚令 #社交距離措施

亞博、醫管局、社署官僚 九旬確診院友苦等一周未入院
羅致光認只按規矩 籲各方行多步 警告院舍拒收康復長者或違規

醫管局早前指有安老院舍拒接回已康復的COVID-19長者，商台節目《政經星期六》主持今亦分享日前個案，指一名90多歲院友因為老人院舍爆疫被送亞博隔離後發燒，被送往北大嶼山醫院後證實確診，但院方拒收確診個案，院友只能在該院門口苦候其他醫院有床位空缺時接收，結果等了一個星期，家人向社署查詢獲回覆稱按指引有事需送院，主持形容「我哋唔係第三世界國家地區，點解會變成咁？」

勞工及福利局局長羅致光在節目上直言政府「用規矩做事」、「工作上分得太犀利」，個案從規矩角度大家都無錯，但承認各方有責任，「轉身轉得唔夠快」，認為要從戰時角度去看待，「每人都要行多步」、「每一兩日調整優先次序」。他強調，如果長者已經康復，院舍有責任接收，如果院舍拒收，可能違反社署指引。他說，當局會提供協助，包括防疫裝備等。

而醫管局行政總裁高拔陞今早在港台節目表示，對部份市民要在醫院外等候入院，感到抱歉，局方暫時已將所有要等候的長者安排到室內，但估計情況仍會非常困難，呼籲輕症患者可以到指定診所求診。

另外，特首林鄭月娥預預告本周末會嚴格執行二人限聚令，不再仁慈，市民如有聘請外傭應盡最大努力鼓勵對留在家中。羅致光表示，上星期的假日有17名外傭因違反二人限聚令而被當局票控，預告今明兩日，警方將不會再發出警告，並指若外傭同意，法例容許僱主以薪代假，呼籲外傭盡量在假日留在家休息。

【警告眾籌協助外傭交罰款可能違法】
對於有人呼籲透過眾籌協助外傭繳交5,000元罰款，羅指有關做法等同間接鼓勵外傭去違例聚集，可能間接影響當局的防疫工作，甚至會危害不少家庭健康和生命。勞工處會諮詢律政司意見，會否對有關人士採取法律行動跟進。

#channelchk #北大嶼山醫院 #醫管局 #社署 #亞博 #老人院 #第三世界 #限聚令 #外傭

EomBuy易買特約爆片爆相｜確診過萬的週末 食環群企 中環清零

知唔知依家最多外傭聚集嘅地方係邊度？

👉https://bit.ly/35ndjGG

就應該唔會係中環啦！香港近日，好似除咗確診數之外，乜都清零。對上一個星期日（27日），連外傭gathering聖地中環一帶，如皇后像廣場、愛丁堡廣場、大會堂等等都清晒零。

#channelchk #外傭 #中環 #皇后像廣場 #愛丁堡廣場 #大會堂 #COVID #變種病毒 #疫情 #Omicron #限聚令 #社交距離措施

直擊警民關係科、食環署巡視旺角一帶，警員派傳單提外傭勿違限聚令，又訓斥食煙的少女。

去片👉🏻https://www.youtube.com/watch?v=zf6R9m8lnwk

#channelchk #PPRB #警民關係科 #食環署 #旺角 #限聚令

係～你係老細乜都啱晒～呢位姐姐個黑眼圈同我差唔多🐼
去片👉🏻https://www.youtube.com/watch?v=32QD60Z5V2Q
#channelchk #打工仔 #外傭 #工人姐姐

霸氣印尼姐姐變KOL 幫愛滋病基金會呼籲定期做檢測

霸氣印尼姐姐一片爆紅，仲做埋KOL添！香港愛滋病基金會 噚晚（25日）喺Facebook出咗同印尼姐姐嘅合作片，呼籲大家定期要做愛滋病測試，仲話「佢哋放假都唔攰，都會幫你做」，同埋提醒大家就算感染咗HIV，都係正常人！

全文同埋查詢方法👉🏽https://cutt.ly/SDey1ht

#channelchk #工人姐姐 #外傭 #愛滋病 #香港愛滋病基金會 #HIV #愛滋病測試

平機會指《金宵大廈2》兩處描述外傭對白令人唔舒服
演員適量塗啡扮演無問題
全文：https://bit.ly/3Ob2Y1Y

#平機會 #金宵大廈2 #外傭 #種族歧視 #黃婉華 #channelchk

TVB塗啡臉扮菲傭風波，連菲領事都話嘔心~ 解構blackface涉種族歧視血淚史
睇片👉https://www.youtube.com/watch?v=01f4Fnhv30g

#blackface #金宵大廈2 #外傭 #種族歧視 #歧視 #黃婉華 #tvb #菲律賓 #菲傭 #race #racist #discrimination #stereotypes #brownface #philippines #filipino #ethnic #racism #ethnicity #drama #acting #prejudice #makeup #us #usa #黑奴 #blackslave #slavery #taboo #maid #history #historical #historyfacts #historychannel #冷知識 #禁忌